كتبت: أمنية عزمي

لما تكون شاشة التليفزيون بحجم 65 بوصة يبقى حقق هدف من أهم مواصفاته الرائعة، ولما نلاقي كمان إن الشاشة دقتها ألترا اتش دي 4K يعني كمان محقق أعلى دقة موجودة ومناسبة لشاشة بالحجم ده وطبعا التليفزيون ذكي يعني بيتوصل بالإنترنت وتعيش عليه حياة متكاملة من خلال جهاز واحد، طيب هل المواصفات دي مع اسم من الأسماء العادية اللي هو ATA يستاهل الاقتناء. ده اللي هنقدمه في المراجعة دي مع ياقوطة اللي هنتكلم فيها عن تليفزيون ATA سمارت- ٦٥ بوصة- Ultra HD 4K وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض : LED|Smart|Ultra HD 4K
• بلد المنشأ: مصر.
• اللون: أسود.
• الكود التعريفي للمنتج: AT933EL12UGKGNAFAMZ
• التوصيل: VGA|HDMI|USB 2.0
• فترة الضمان: 1 سنة.
• حجم الشاشة: 65 بوصة.

المميزات

• حجم الشاشة ال 65 بوصة ميزة رائعة ومصممة بحواف رفيعة تبرز جمالها في المكان وطبعا محتاجة أماكن كبيرة وهتكون مناسبة جدا فيها.
• شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة.
• الشاشة بدقة 4K Ultra HD 2160×3840، بتتميز بعدد وحدات بكسل بتزيد 4 مرات عن دقة ال FHD بتوضح كل التفاصيل بوضوح عالي وتعيش معاها متعة المشاهدة مع الأفلام في تجربة سينمائية رائعة وتعيش الماتشات كأنك في الملعب.
• مع خاصية تحسين الألوان هتشوف الصور والمشاهد بألوانها الطبيعية الحقيقية بوضح أقرب للطبيعة.
• بيتمتع بزاوية مشاهدة عريضة تقدر من خلالها تشوف الشاشة بوضوح من أي مكان موجود فيه.
• تليفزيون ذكي بتتجمع فيه كل المتع اللي ممكن تحتاجها من خلال تواصلك من خلاله عالإنترنت ووسائل التواصل واليوتيوب والألعاب والتطبيقات المفضلة ليك.
• الشاشة مزودة بمنفذ HMDI بتدعم إشارات الفيديو بوضوح عالي وإشارات الصوت متعددة القنوات بتستمتع من خلالها بمقاطع الفيديو والصور بدقة أعلى مع تشويش أقل بجودة رائعة.
• مزود بمنفذ VGA بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
• مزود بمدخل يو اس بي اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها.
• بيتميز بصوت ستريو قوي وبيتميز كمان انه موفر في الطاقة.
• مزود بريموت كنترول بتتحكم فيه عن طريقه من بعد وانت في كامل استرخائك وراحتك

العيوب

• فترة الضمان سنة واحد ودي فترة قليلة جدا على ضمان التليفزيونات مفروض أقل مدة 3 سنوات.
• حجم الشاشة الكبير ورفعها بيحتاج عناية وانه يتحط في مكان ما يتعرضش فيه للصدمات.
• خدمة العملاء مستواها سيء.

خدمة العملاء

• الحقيقة كل الناس بتشتكي من مستوى سوء الصيانة واستجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم

• 90% من آراء اللي استخدموه هو أو الأقل منه بيحذروا من شاشات ATA وعندهم عيب مجتمعين عليه ظهر وهو ان الشاشة بتتحرق أو تفصل صورة بعد فترة قصيرة والليد بيتحرق بسرعة وبيظهر نقط في الشاشة بسببه وبيشتكوا من سوء المعاملة في الصيانة وان مفيش اهتمام ولو حبيت تصلح بتصلح على حسابك حتى لو في الضمان وللأسف المشكلة بترجع تاني.

شوف تليفزيون سمارت ATA– ٦٥ بوصة- Ultra HD 4K من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 14 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.