مزايا وعيوب موبايل سامسونج الأقوى Samsung Galaxy S20 Ultra

Samsung Galaxy S20 Ultra

كتب: خالد عاصم

هنتكلم النهاردة على الموبايل الأقوى من Samsung في السوق المصري، موبايل Samsung Galaxy S20 Ultra وهنتعرف على مميزات وعيوب الموبايل ومتوسط أسعاره في السوق المصري، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy S20 Ultra

المواصفات

  • الأبعاد: ٨.٨ × ٧٦ × ١٦٦٫٩ مم بوزن ٢٢٠ جرام.
  • البناء والصناعة: هيكل من الألومنيوم بزجاج كورنينج جوريلا جلاس الإصدار السادس في حماية الضهر والشاشة.
  • حماية الموبايل: الموبايل محمي ضد الغبار والغمر في المياه بترخيص IP68
  • الشاشة: شاشة Dynamic AMOLED بتعتمد على تصميم الثقب الموجود أعلى منتصف الشاشة، قطر الشاشة ٦٫٩ بوصة بمعدل ٢٠:٩ بتستحوذ على نسبة ٨٩٫٩ في الميه من مساحة الموبايل الأمامية ودقتها ٣٢٠٠ × ١٤٤٠ بيكسل بكثافة ٥١١ بيكسل لكل بوصة والشاشة مدعومة بمجموعة من التقنيات المتميزة زي معدل تحديث ١٢٠ هيرتز ودعم محتوى HDR10 Plus
  • المكونات الداخلية: الإصدار الدولي من الموبايل بيعتمد على بروسيسور Exynos 990 أما الإصدار الأمريكي فبيعتمد على معالج كوالكوم سنابدراجون ٨٦٥ وبيصدر الموبايل بإصدار أساسي بذاكرة عشوائية سعتها ١٢ جيجابايت رام بذاكرة داخلية سعتها ١٢٨ جيجابايت والموبايل بيقبل كروت الميموري من خلال منفذ شريحة الاتصال التانية.
  • نظام التشغيل: بيعتمد الموبايل على نظام تشغيل اندرويد ١٠ بواجهة مستخدم One UI 2
  • الكاميرا الخلفية: رباعية العدسات مكونة من عدسة رئيسية دقتها ١٠٨ ميجا بيكسل بفتحة f/1.8 ودي عدسة عريضة مدعومة بمثبت صورة بصري وبتقنية التركيز التلقائي Dual Pixel PDAF، أما العدسة التانية فمقربة دقتها ٤٨ ميجا بيكسل بفتحة f/3.5 وبقدرة تقريب بصري هجين لحد 10x والعدسة مدعومة بمثبت صورة بصري وبتقنية PDAF، العدسة التالتة بالغة العرض دفتها ١٢ ميجا بيكسل بفتحة f/2.2 والعدسة مدعومة بتقنية تثبيت الفيديو، أما العدسة الرابعة فمن نوع ToF الخاصة باستشعار عمق الصورة وبتقدر الكاميرا الخلفية تصور الفيديو بحد جودة 8K بمعدل ٢٤ إطار في الثانية من بين أكتر من جودة ومعدل تانيين.
  • الكاميرا الأمامية: بدقة ٤٠ ميجا بيكسل وفتحة f/2.2 مدعومة بتقنية التركيز التلقائي Dual Pixel PDAF والكاميرا بتقدر تصور الفيديو لحد جودة 2160p بمعدلات ٣٠ و٦٠ إطار في الثانية.
  • الصوتيات: سماعات ستريو – دعم دقة ٣٢ بت/٣٨٤ كيلو هيرتز.
  • منفذ 3.5 مم: مش متوفر.
  • منفذ الشحن ونقل البيانات: USB Type-C
  • ماسح البصمة: مدمج في الشاشة.
  • المستشعرات: التسارع – التقارب – الدوران – البوصلة – قياس الضغط الجوي.
  • البطارية: سعة ٥٠٠٠ ميللي أمبير في الساعة مدعومة بتقنية الشحن السريع بقوة ٤٥ وات وبتقنية الشحن اللاسلكي السريع بقوة ١٥ وات وكمان بتقنيات الشحن العكسي السلكي واللاسلكي.

مزايا وعيوب موبايل Samsung Galaxy S20 Ultra

مزايا موبايل Samsung Galaxy S20 Ultra

  • بيمتاز الموبايل ببناء قوي جدًا بيعتمد على الألومنيوم في صناعة الهيكل وعلى زجاج كورنينج جوريلا جلاس الإصدار السادس في حماية الظهر والشاشة.
  • الموبايل محمي بحماية ضد الغبار والغمر في المياه لحد ١٫٥ متر ولمدة ٣٠ دقيقة.
  • الموبايل بيدعم تقنية سامسونج باي Samsung Pay
  • تصميم الموبايل جذاب جدًا سواء وخصوصًا على مستوى الشاشة اللي بتعتمد على جوانب دائرية وعلى تصميم الثقب أعلى منتصف الشاشة وحواف علوية وسفلية نحيفة جدًا وده بيخلي الشاشة تستحوذ على نسبة ٨٩٫٩ في الميه من مساحة الموبايل الأمامية.
  • شاشة الموبايل من نوع Dynamic AMOLED الفئة الأحدث من شاشات AMOLED والمعروفة حاليًا بأنها الأفضل من بين مختلف الشاشات الخاصة بالموبايلات.
  • الشاشة بتدعم دقة ٣٢٠٠ × ١٤٤٠ بيكسل ودي أعلى دقة في شاشات الموبايلات.
  • الشاشة بتدعم معدل تحديث ١٢٠ هيرتز.
  • الشاشة بتدعم تشغيل الفيديو بتقنية HDR10 Plus
  • الموبايل بيعتمد على أحدث المعالجات المتوفرة في العالم وأقواها.
  • الموبايل متوفر بإصدار قوي جدًا على مستوى الذاكرة العشوائية وسعتها ١٢ جيجابايت رام.
  • الذاكرة العشوائية من نوع LPDDR5 الأحدث.
  • الذاكرة الداخلية للموبايل من فئة UFS 3.0
  • الموبايل بيدعم كروت الميموري على عكس كتير من الموبايلات الرائدة التانية.
  • الموبايل بيشتغل بأحدث أنظمة التشغيل وأحدث واجهات الاستخدام.
  • موبايل Samsung Galaxy S20 Ultra بيعتمد على كاميرا خلفية متميزة جدًا وواحدة من أفضل الكاميرات المتوفر في العالم، فالكاميرا مكونة من أربع عدسات بعدسة رئيسية هي الأقوى بدقة ١٠٨ ميجا بيكسل بفتحة f/1.8
  • الكاميرا الخلفية فيها كاميرا بريسكوبية مقربة دقتها ٤٨ ميجا بيكسل بتقدر تصور بتقريب بصري لحد 4x وهجين لحد 10x ورقمي لحد 100x
  • الكاميرا الخلفية بتقدر تصور الفيديو بجودة 8K وبتسجل صوت الفيديو بجودة عالية ستريو.
  • كاميرا أمامية قوية جدًا بدقة ٤٠ ميجا بيكسل وبتقدر تصور الفيديو بجودة 4K
  • سماعات ستريو قوية جدًا.
  • دعم دقة صوت ٣٢ بت/٣٨٤ كيلو هيرتز.
  • النظام الصوتي للموبايل محسن من خلال شركة AKG المتخصصة في الصوتيات.
  • الموبايل فيه NFC
  • بيعتمد الموبايل على منفذ USB Type-C إصدار ٣.٢
  • الموبايل فيه ماسح بصمة مدمج أسفل الشاشة بيعتمد على الموجات فوق الصوتية اللي بتعتبر أقوى وأدق من الماسح البصري
  • دعم منصة Samsung DeX
  • بطارية ضخمة جدًا سعتها ٥٠٠٠ ميللي أمبير في الساعة.
  • البطارية مدعومة بتقنية الشحن السريع بقوة ٤٥ وات.
  • الموبايل بيدعم تقنية الشحن اللاسلكي السريع بقوة ١٥ وات.
  • الموبايل بيدعم تقنية الشحن اللاسلكي العكسي بقوة ٩ وات.

عيوب موبايل Samsung Galaxy Note20 Ultra

  • الموبايل وزنه تقيل نسبيًا.
  • شاشة الموبايل كبيرة جدًا وده زي ما ممكن يكون ميزة لمجموعة من المستخدمين فهو عيب بالنسبة لمستخدمين تانيين.
  • إطار الكاميرا في ضهر الموبايل ضخم وده ممكن مايكونش جذاب شوية لبعض المستخدمين.
  • الإصدار المتوفر في مصر بيعتمد على معالج Exynos مش كوالكوم والأخير بيعتبر أقوى وإن كان الفارق مش ضخم أوي بين الاتنين
  • الذاكرة الداخلية للموبايل بإصدار واحد بس سعتها ١٢٨ جيجابايت مفيش إصدارات أعلى على مستوى الذاكرة الداخلية
  • الموبايل مفيهوش منفذ ٣٫٥ مم
  • تقنية بلوتوث في الموبايل مش بتدعم نقل الصوت عالي الجودة.

اتعرف على عروض أسعار موبايل Samsung Galaxy S20 Ultra من هنا.

اتعرف على مختلف عروض أسعار موبايلات سامسونج المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *