كتب: خالد عاصم

بتمتلك Samsung حاليًا مجموعة كبيرة من الموبايلات في الفئتين الاقتصادية والمتوسطة اللي قدرت بيهم ترجع تاني للمنافسة وبقوة على قمة وعرش الفئات دي، ومن الموبايلات دي موبايل Samsung Galaxy M20 اللي هنتكلم عنه النهاردة.

من خلال المقال ده هنتعرف على موبايل Samsung Galaxy M20 المنتمي للفئة الاقتصادية وبيتميز بإمكانيات بتخليه واحد من أفضل موبايلات الفئة دي بقدرة على منافسة الموبايلات الأعلى، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy M20

مواصفات Samsung Galaxy M20

• تاريخ الإعلان عن الموبايل: يناير ٢٠١٩.
• تاريخ إصدار الموبايل: فبراير ٢٠١٩.
• أبعاد الموبايل: ٨.٨ × ٧٤.٥ × ١٥٦.٤ مم.
• وزن الموبايل: ١٨٦ جرام.
• صناعة الموبايل: الموبايل معمول من هيكل وضهر من البلاستيك وزجاج أمامي.
• شرائح الموبايل: شريحتين.
• شاشة الموبايل: موبايل Samsung Galaxy M20 بييجي بشاشة قطرها ٦.٣ بوصة معمولة من شرائح  PLS TFT ومعدل الشاشة ١٩.٥:٩. دقة شاشة الموبايل ٢٣٤٠ × ١٠٨٠ بيكسل بكثافة ٤٠٩ بيكسل لكل بوصة والشاشة بتشغل حوالي ٨٣.٦ % من مساحة الموبايل الأمامية.
• أداء الموبايل: الموبايل بيعتمد على بروسيسور Exynos 7904 وده بروسيسور ثماني النواة بسرعة ١.٨ جيجا هيرتز لأربع شرايح Cortex-A73  وبسرعة ١.٦ جيجا هيرتز لأربع شرايح Cortex-A53 والبروسيسور ده مدمج بيه بروسيسور جرافيكس Mali-G71 MP2 وبييجي الموبايل بإصدارات بذاكرة عشوائية إما ٣ جيجابايت رام أو ٤ جيجابايت رام وبذاكرة داخلية إما ٣٢ جيجابايت أو ٦٤ جيجابايت وكلها بتقبل كروت الميموري لحد ٥١٢ جيجابايت من خلال منفذ مستقل.
• نظام التشغيل: نظام تشغيل أندرويد ٨.١ أوريو وقابل للترقية لاندرويد ٩ باي.
• الكاميرا: موبايل Samsung Galaxy M20 بييجي بكاميرا خلفية مزدوجة بقوة ١٣ ميجا بيكسل بفتحة مستشعر f/1.9 للعدسة الأولى وبقوة ٥ ميجا بيكسل بفتحة مستشعر f/2.2 للعدسة التانية بالغة العرض وبتمتاز الكاميرا بتقنية التركيز التلقائي PDAF وتقنية HDR وبتقدر تصور صور بتأثير بوكيه وبتصور فيديو بجودة 1080p بمعدل ٣٠ إطار في الثانية ومدعومة بإضاءة فلاش ليد أحادية، الكاميرا الأمامية بقى قوتها ٨ ميجا بيكسل وبتصور فيديو بجودة 1080p بمعدل ٣٠ إطار في الثانية
• صوتيات: منفذ 3.5 مم ودعم لتقنية دولبي أتموس
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والدوران والبوصلة
• البطارية: بيعتمد موبايل Samsung Galaxt M20 على بطارية سعتها ٥٠٠٠ مللي أمبير في الساعة بتتشحن من منفذ USB Type-C وبتدعم الشحن السريع بقوة ١٥ وات.
• الألوان المتاحة من الموبايل: الأسود – الأزرق.

مميزات وعيوب موبايل Samsung Galaxy M20

مميزات Samsung Galaxy M20

• تصميم موبايل Samsung Galaxy M20 بيعتمد على شق قطرة المياه المعروف ولكنه بيقدم أفضل صورة ممكنة للتصميم ده باعتماده على شق على شكل حرف V بيحتل مساحة صغيرة وكمان بيتميز بحواف نحيفة جدًا بتخلي الشاشة تستحوذ على نسبة ٨٣٫٦ في المية ودي نسبة متميزة للفئة دي من الموبايلات.
• وزن الموبايل مثالي جدًا ويحسسك إنك ماسك موبايل مش خفيف قوي.
• دقة عرض الشاشة مماثلة لموبايلات الفئة المتوسطة وبعض موبايلات الفئة الرائدة بالاعتماد على جودة FHD Plus بدقة ٢٣٤٠ × ١٠٨٠.
• الشاشة بتوفر مساحة رؤية ممتازة جدًا.
• لو اعتبرنا الموبايل منتمي للفئة الاقتصادية فنقدر نقول إنه بيعتمد على بروسيسور مقبول جدًا وقادر على تقديم أداء متميز بالمقارنة بالموبايلات المنتمية لنفس الفئة.
• الموبايل بيوفر إصدارين بيغطوا احتياجات قطاع كبير من المستخدمين.
• بيقبل الموبايل كروت الميموري لحد ٥١٢ جيجابايت كاملة من خلال منفذ مستقل يعني تقدر تشغل شريحتين وكارت ميموري في نفس الوقت.
• الموبايل بيقبل الترقية لاندرويد ٩ باي.
• الكاميرا الخلفية مقبولة جدًا في العموم ومتميزة لموبايل بينتمي للفئة السعرية دي خصوصًا إن فيه عدسة بالغة العرض وكمان مدعوم بتقنية PDAF
• الموبايل بيدعم تقنية الصوت المجسم دولبي اتموس.
• الموبايل فيه رادي إف إم بيقبل التسجيل.
• بيعتمد الموبايل على منفذ USB Type-C في الشحن ونقل البيانات.
• الموبايل فيه ماسح بصمة خلفي سريع ودقيق.
• الموبايل فيه كل المستشعرات الأساسية.
• البطارية هي أبرز مميزات Samsung Galaxy M20 فبطارية الموبايل سعتها ٥٠٠٠ ميللي أمبير في الساعة.
• البطارية بتدعم تقنية الشحن السريع بقوة ١٥ وات.

عيوب Samsung Galaxy M20

• الموبايل بيعتمد على هيكل وضهر من البلاستيك.
• الموبايل مش محمي بأي نوع من أنواع الزجاج القوى لا من أدام ولا من ورا.
• الموبايل مش محمي ضد المياه بأي شكل سواء الغمر أو حتى الرذاذ.
• شاشة الموبايل من نوع PLS TFT ودي أداءها منخفض شوية عن الشاشات المعتادة.
• الموبايل مش بييجي بنظام اندرويد 9 باي بشكل مباشر.
• الكاميرا الخلفية للموبايل بتصور الفيديو بجودة واحدة بس ومعدل واحد بس كمان.
• الكاميرا الأمامية للموبايل محدودة الإمكانيات وأداءها ضعيف بشكل واضح وخصوصًا في الإضاءة المنخفضة.

اتعرف على عروض أسعار موبايل Samsung Galaxy M20 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.