مزايا وعيوب موبايل Samsung متوسط الفئة Samsung Galaxy A7 2018

Samsung Galaxy A7 2018

كتب: خالد عاصم

قدرت Samsung خلال الفترة اللي فاتت إنها توصل لتوازن متميز بين موبايلات الرائدة اللي كانت السبب الرئيسي في نجاح Samsung وسيطرتها على الأسواق خلال السنين اللي فاتت وبين الموبايلات المتوسطة اللي كانت فقدت سيطرتها عليها بسبب الشركات الصينية الممتازة اللي ظهرت خلال الفترة اللي فاتت. فعلى مدى الشهور الأخيرة من السنة اللي فاتت والشهور الأولانية من السنة الجديدة طرحت Samsung في الأسواق مجموعة كبيرة من الموبايلات المنتمية للفئة المتوسطة واللي بتحاول من خلالها إنها ترجع لصورتها القديمة كشركة قادرة على تقديم موبايلات ممتازة في مختلف الفئات، ومن بين الموبايلات اللي ظهرت خلال السنة اللي فاتت وقدمت دليل كبير على كده، موبايل Samsung Galaxy A7 2018 أول موبايلات Samsung بكاميرا خلفية متعددة العدسات.

بيتميز موبايل Samsung Galaxy A7 2018 بإنه بيمثل بداية حقيقة للعصر الجديد لموبايلات Samsung متوسطة الفئة، فالموبايل بيمتاز بتصميم متميز في وقته وبيتميز كمان بتقنيات جديدة ومختلفة خصمصًا بمقارنته بموبايلات الشركة المنتمية لنفس الفئة واللي ظهرت قبل كده، وده اللي خلى الموبايل يحقق نجاح عالمي متميز في الشهور الأولى لظهوره في الأسواق.

النهارده هنتكلم عن موبايل Samsung Galaxy A7 2018 وهنتعرف على نقط قوته وضعفه ومميزاته وعيوبه من خلال مراجعتنا لمواصفاته وكمان هنعرف متوسط سعره في السوق المصري، وطبعًا هتقدروا تطلبوا الموبايل من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A7 2018

مواصفات Samsung Galaxy A7 2018

  • تاريخ الإعلان عن الموبايل: سبتمبر ٢٠١٨.
  • تاريخ طرح الموبايل في الأسواق: أكتوبر ٢٠١٨.
  • أبعاد الموبايل: ٧.٥ × ٧٦٫٨ × ١٥٩٫٨ مم.
  • وزن الموبايل: ١٦٨ جرام.
  • البناء والصناعة: هيكل من البلاستيك بزجاج أمامي وخلفي
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة موبايل Samsung Galaxy A7 2018 كاملة قطرها ٦.٠ بوصة ومعدلها ١٨:٥:٩ وده بيخليها تشغل حوالي ٧٤.٤ % من مساحة الموبايل الأمامية. والشاشة بتقدم دقة عرض ٢٢٢٠ × ١٠٨٠ بيكسل بكثافة ٤١١ بيكسل لكل بوصة والشاشة مصنوعة من شرائح Super AMOLED وبتتضمن خاصية الشاشة دائمة التيقظ ومحمية بزجاج كورنينج جوريلا جلاس غير محدد الإصدار.
  • أداء الموبايل: معالج Exynos 7885 ثماني النواة وسرعته ٢.٢ جيجا هيرتز لشريحتين من Cortex-A73 وبسرعة ١٫٦ جيجا هيرتز لست شرايح Cortex-A53 والمعالج مدمج بمعالج جرافيكس Mali-G71. والموبايل بيصدر بإصدار بذاكرة عشوائية سعتها ٤ جيجابايت وبذاكرة عشوائية سعتها ٦٤ جيجابايت وبإصدار بذاكرة عشوائية سعتها ٤ جيجابايت وبذاكرة عشوائية سعتها ١٢٨ جيجابايت وبإصدار بذاكرة عشوائية سعتها ٦ جيجابايت وبذاكرة عشوائية سعتها ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
  • نظام التشغيل: الموبايل بيشتغل بنظام تشغيل أندرويد ٨.٠ أوريو قابل للترقية لحد أندرويد ٩ باي.
  • الكاميرا: الموبايل الكاميرا الخلفية بتاعته ثلاثية العدسات بقوة ٢٤ ميجا بيكسل وفتحة مستشعر f/1.7 للعدسة الأولانية العريضة وبقوة ٨ ميجا بيكسل بفتحة مستشعر f/2.4 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ٢٤ ميجا بيكسل وفتحة مستشعر f/2.0 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • تقنيات صوتية: دولبي أتموس.
  • منفذ الشحن ونقل البيانات: microUSB 2.0.
  • ماسح البصمة: جانبي.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٣٣٠٠ مللي أمبير في الساعة.
  • إصدارات ألوان الموبايل: أسود – دهبي – أزرق – وردي.

مميزات وعيوب Samsung Galaxy A7 2018

مميزات Samsung Galaxy A7 2018

  • الموبايل بيمتاز بأنه معمول من جسم من الزجاج بيضيفله لمحة ممتازة جدًا وراقية إلى حد كبير.
  • تصميم الموبايل متميز بالنسبة لغير عشاق الشقوق أعلى الشاشة بمختلف أنواعها لأن شاشته كاملة وبمعدل الشاشات الطويلة من غير شق أو ثقب.
  • الشاشة دقتها متميزة وعالية.
  • موبايل Samsung Galaxy A7 2018 بيتميز بشاشة مصنوعة من شرائح Super AMOLED عالية الجودة.
  • الشاشة بتتضمن خاصية الشاشة دائمة التيقظ.
  • شاشة الموبايل محمية بزجاج كورنينج جوريلا.
  • بروسيسور الموبايل مقبول بش مش من أفضل معالجات الفئة دي.
  • الموبايل بيصدر بإصدارات متنوعة ومتعددة منها إصدار بسعة رامات ٦ جيجابايت.
  • الموبايل بيقبل كروت الميموري لحد ٥١٢ جيجابايت وليها منفذ خاص مش بيأثر على شرائح الاتصال.
  • الموبايل من أول الموبايل متوسطة الفئة اللي بتتميز بكاميرا خلفية ثلاثة العدسات بتجمع بين عدسة أساسية قوية وعدسة تانية بزاوية فائقة العرض وبعدسة تالتة بمستشعر لعمق الصورة.
  • الكاميرا الأمامية للموبايل كويسة جدًا على مستوى القوة.
  • الموبايل بيدعم التقنية الصوتية المتميزة دولبي أتموس.
  • الموبايل فيه مستشعر الدوران اللي بيدعم تطبيقات وألعاب الواقع الافتراضي.

عيوب Samsung Galaxy A7 2018

  • هيكل Samsung Galaxy A7 2018 معمول من البلاستيك.
  • الموبايل مش محمي ضد الغبار والغمر في المية.
  • النسبة اللي بتحتلها الشاشة من مساحة الموبايل الأمامية مش كبيرة قوي.
  • معالج الرسوميات ضعيف شوية عن معالجات الرسوميات المنتمية للفئة نفسها.
  • الموبايل قابل للترقية لأندرود ٩ باي بس بييجي بالنظام الأقدم منه أندرويد ٨٫٠ أوريو.
  • الموبايل بيعتمد على منفذ microUSB في الشحن ونقل البيانات.
  • ماسح البصمة الجانبي بيصعب شوية من إمكانية الوصول ليه بمعنى إنه بيحتاج لوضع إمساك معين للموبايل عشان تقدر توصل للماسح بسهولة.
  • بطارية الموبايل أقل من موبايلات كتير منتمية للفئة نفسها.
  • الموبايل مش بيدعم أي تقنية من تقنيات الشحن السريع.

اتعرف على عروض أسعار موبايل Samsung Galaxy A7 2018 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *