كتب: خالد عاصم

بعد النجاح الكبير اللي حققته فئة Samsung Galaxy A من سامسونج، بدأ عملاق كوريا الجنوبية في توسيع نطاق موبايلات الفئة دي من خلال طرح فئة As اللي من بينها موبايل Samsung Galaxy A30s للي هنتكلم عنه النهارده.

فمن خلال المقال ده هنتكلم بشكل موسع عن موبايل Samsung Galaxy A30s وهنتعرف على مواصفاته بالتفصيل وكمان هنحدد مميزاته وعيوبه ونتعرف على متوسط أسعاره في السوق، ولو الموبايل عجبكم هتقدروا تطلبوه من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A30s

المواصفات

• أبعاد الموبايل: ٧.٨ × ٧٤.٧ × ١٥٨٫٥ مم بوزن ١٦٩ جرام.
• البناء والصناعة: هيكل وضهر من البلاستيك بزجاج أمامي.
• شرائح الاتصال: إصدار أحادي الشريحة وإصدار ثنائي الشريحة.
• شاشة الموبايل: شاشة Super AMOLED بتصميم شق قطرة المياه وقطرها ٦٫٤ بوصة بمعدل ١٩.٥:٩ وبتستحوذ على نسبة قدرها ٨٤.٩ % من مساحة الموبايل الأمامية، دقة عرض الشاشة ١٥٦٠ × ٧٢٠ بيكسل بكثافة ٢٦٨ بيكسل لكل بوصة.
• أداء الموبايل: معالج Exynos 7904 بمعمارية 14 نانوميتر مكون من شريحتين Cortex-A73 بسرعة ١٫٨ جيجا هيرتز وست شرايح Cortex-A53 بسرعة ١٫٦ جيجا هيرتز ومدمج بيه معالج رسوميات Mali-G71 MP2 والموبايل بيصدر بتلات إصدارات الأول بذاكرة عشوائية سعتها ٣ جيجابايت رام بذاكرة داخلية سعتها ٣٢ جيجابايت والتاني بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت والتالت بذاكرة عشوائية سعتها ٤ جيجابايت رام بذاكرة داخلية سعتها ١٢٨ جيجابايت والموبايل بيقبل كروت الميموري.
• نظام التشغيل: الموبايل بيشتغل بنظام تشغيل أندرويد ٩ باي.
• الكاميرا: الموبايل الكاميرا الخلفية بتاعته ثلاثية بقوة ٢٥ ميجا بيكسل وفتحة مستشعر f/1.7 للعدسة الأولانية العريضة وبقوة ٨ ميجا بيكسل وفتحة مستشعر f/2.2 للعدسة الثانية بالغة العرض وبقوة ٥ ميجا بيكسل بفتحة مستشعر f/2.2 لاستشعار عمق الصورة والكاميرا مدعومة بتقنية التركيز التلقائي PDAF وبتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية.
• كاميرا السيلفي : قوتها ١٦ ميجا بيكسل بفتحة مستشعر f/2.0 والكاميرا الأمامية عريضة ومدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم:  متوفر.
• منفذ الشحن ونقل البيانات: USB Type-C.
• ماسح البصمة: مدمج أسفل الشاشة.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٤٠٠٠  مللي أمبير في الساعة تدعم الشحن السريع بقوة ١٥ وات.

مزايا وعيوب Samsung Galaxy A30s

مزايا Samsung Galaxy A30s

• تصميم الموبايل هو التصميم المعتاد واللي بقى التصميم اللي بيرتاح ليه القطاع الأكبر من المستخدمين وهو تصميم شق قطرة المياه
• الحواف المحيطة بالشاشة نحيفة وبتسمح للشاشة بالاستحواذ على نسبة ٨٤٫٩ ٪ من مساحة الموبايل الأمامية.
• قطر الشاشة ٦٫٤ بوصة وده قطر مقبول جدًا لأغلب المستخدمين لا هو ضخم ولا هو صغير بالنظر لمقاييس الموبايلات دلوقتي
• الشاشة Super AMOLED ودي ميزة كبيرة أوي لموبايلات الفئة دي اللي بتعتمد أغلبها على شاشات IPS LCD اللي بتقل على AMOLED في حاجات كتير.
• الشاشة بتمتع بحماية بس مش محددة.
• موبايل Samsung Galaxy A30s متاح بإصدارات متعددة على مستوى الذاكرة العشوائية والداخلية وده بيتيح خيارات متنوعة للمستهلكين.
• الموبايل بيدعم كروت الميموري من خلال منفذ مستقل مش بيأثر على استخدام شريحتين الاتصال في حالة حصولك على الإصدار ثنائي الشريحة.
• الموبايل بيتميز بكاميرا متميزة في الفئة السعرية دي فالموبايل ثلاثي العدسات وفيه عدسة أساسية عريضة بفتحة عدسة كبيرة تقدر تستقبل أكبر قدر ممكن من الضوء وكمان دقتها عالية وفيها تركيز تلقائي بتقنية PDAF، العدسة التانية بالغة العرض بإمكانيات مقبولة جدًا وكمان فيه عدسة تالته لاستشعار عمق الصورة.
• الكاميرا الأمامية مقبولة جدًا.
• الموبايل فيه منفذ ٣٫٥ مم.
• بيدعم الموبايل تقنية بلوتوث إصدار ٥.٠.
• الموبايل فيه راديو إف إم.
• بيعتمد الموبايل على منفذ USB Type-C في الشحن ونقل البيانات.
• ماسح البصمة مدمج أسفل الشاشة ودي ميزة مش متوفرة في الفئة السعرية دي.
• الموبايل فيه كل المستشعرات بما فيها مستشعر الدوران اللي بيخلي الموبايل يشغل تطبيقات وألعاب الواقع الافتراضي وبيخليك تستمتع بالفيديوهات بزاوية ٣٦٠ درجة.
• بطارية الموبايل سعتها ٤٠٠٠ ميللي أمبير وده كويس جدًا على مستوى الأداء مع الوضع في الاعتبار جودة الشاشة.
• الموبايل بيدعم تقنية الشحن السريع بقوة ١٥ وات.

عيوب Samsung Galaxy A30s

• الموبايل بيعتمد على البلاستيك سواء في صناعة الهيكل أو في صناعة الضهر.
• الموبايل مش بيتمتع بأي حماية سواء من خلال زجاج كورنينج جوريلا جلاس أو بحمايته ضد المياه.
• شاش الموبايل جودتها 720p بس وده بينتمي أكتر للموبايلات الاقتصادية.
• الشاشة مش بتتمتع بأي تقنيات زي دعم محتوى HDR10 أو الدعم الكامل لنطاق ألوان DCI-P3
• البروسيسور المستخدم في الموبايل مش الأفضل في الفئة السعرية دي.
• كاميرا الموبايل الخلفية مش بتدعم تصوير الفيديو بجودة 2160p وكمان تصوير الفيديو مش مدعوم بتقنية مثبت الصورة الإلكتروني

اتعرف على عروض أسعار موبايل Samsung Galaxy A30s من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.