مزايا وعيوب موبايل سامسونج الاقتصادي Samsung Galaxy A10s

مزايا وعيوب موبايل سامسونج الاقتصادي Samsung Galaxy A10s

كتب: خالد عاصم

قدرت سامسونج خلال الفترة الأخيرة غنها تستعيد مانتها تاني على مستوى الفئتين الاقتصادية والمتوسطة واللي كانت خسرت فيهم المنافسة لمدة طولية لصالح موبايلات تانية كتير بتوفرها الشركات الصينية المعروفة وغير المعروفة، بس قدر العملاق الكوري إنه يركز تاني على الفئات دي عشان يطرح موبايلات جديدة قادرة على المنافسة بالمفاهيم الجديدة المطلوبة لمستخدم الفئات دي، ومن بين الموبايلات الاقتصادية منخفضة السعر اللي طرحتها سامسونج الفترة الأخيرة وحققت نجاح كويس جدًا، موبايل Samsung Galaxy A10s اللي هنتكلم عنه النهارده.

من خلال المقال ده هنتعرف عن قرب على هاتف Samsung Galaxy A10s وهنعرف مواصفاته بالتفصيل وكمان هنتعرف على مميزاته وعيوبه ومتوسط سعره في السوق المصري، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

موبايل Samsung Galaxy A10s

المواصفات

  • أبعاد الموبايل: ٧.٨ × ٧٥.٨ × ١٥٦.٩ مم.
  • وزن الموبايل: ١٦٨ جرام.
  • البناء والصناعة: جسم من البلاستيك بزجاج أمامي.
  • شرائح الاتصال:  إصدار أحادي وإصدار ثنائي الشريحة.
  • شاشة الموبايل: شاشة موبايل Samsung Galaxy A10s بشق قطرة المياه قطرها ٦.٢ بوصة بتشغل حوالي ٨٠.٧ في الميه من مساحة الموبايل الأمامية. والشاشة بتقدم دقة عرض ١٥٢٠ × ٧٢٠ بيكسل بكثافة 274 بيكسل لكل بوصة والشاشة مصنوعة من شرائح PLS TFT.
  • أداء الموبايل: معالج MediaTek Helio P22 ثماني النواة وسرعته ٢.٠ جيجا هيرتز لتمن شرائح من Cortex-A53 والمعالج مدمج بمعالج جرافيكس PowerVR GE8320. والموبايل بيصدر بإصدار ذاكرة عشوائية سعتها ٢ جيجابايت رام وبذاكرة داخلية سعتها  ٣٢ جيجابايت للإصدارين وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ٩ باي.
  • واجهة المستخدم: ONE UI
  • الكاميرا: الموبايل الكاميرا الخلفية بتاعته ثنائية بقوة ١٣ ميجا بيكسل وفتحة مستشعر f/1.8 والكاميرا مدعومة بتقنية التركيز التلقائي أما العدسة الثانية فخاصة باستشعار عمق الصورة دقتها 2 ميجا بيكسل بفتحة f/2.4 والكاميرا مدعومة بتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٨ ميجا بيكسل وفتحة مستشعر f/2.0 وبتصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: خلفي.
  • المستشعرات: التسارع – التقارب.
  • البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة.

مزايا وعيوب موبايل Samsung Galaxy A10s

مزايا موبايل Samsung Galaxy A10s

  • الموبايل بيتميز بتصميم جذاب باعتماده على شق قطرة المياه أعلى الشاشة وده تصميم لسا سائد ومنتشر خصوصًا في الموبايلات الاقتصادية والمتوسطة.
  • الموبايل سمكه نحيف ودي ميزه مش بتتمتع بيها كتير من موبايلات الفئة دي.
  • شاشة الموبايل تعتبر صغيرة نسبيًا مقارنة بالموبايلات الجديدة ودي ميزه للي مش عايز موبايل حجمه كبير أو أبعاده ضخمه.
  • الموبايل مش خفيف أوي بشكل مستفز زي بعض موبايلات الفئة دي.
  • الشاشة بتستحوذ على نسبة مقبولة من المساحة الأمامية للموبايل رغم الحواف السميكة نسبيًا وخصوصًا الخافة السفلية.
  • ألوان الشاشة كويسة وسطوعها معقول طبعًا مش أحسن حاجة بس مقبول بشكل كبير.
  • الموبايل بيعتمد على معالج بمعمارية ١٢ نانوميتر مكون من تمن شرايح ودي حاجة مقبولة في الفئة السعرية دي خصوصًا مع المقارنة مع الموبايلات اللي بتوقرها شركات صينية ملهاش نفس القوة اللي بتتمتع بيها سامسونج.
  • الموبايل بيقبل كروت الميموري من خلال منفذ مستقل مش بيأثر على استخدام شريحتين الاتصالات.
  • الموبايل بيقبل الترقية لحد نظام تشغيل اندرويد ١٠.
  • كاميرا خلفية مزدوجة بعدسة أساسية مقبولة جدًا وكمان بتدعم تصوير الفيديو عالي الجودة ده غير إن معاها عدسة خاصة باستشعار عمق الصورة.
  • الكاميرا الأمامية المقبولة وأكتر حاجة بتميزها إنها بتدعم تصوير الفيديو عالي الجودة.
  • الموبايل فيه ماسح بصمة خلفي ودي ميزه مش متوفرة في كتير من الموبايلات الاقتصادية منخفضة السعر.
  • بطارية قوية جدًا سعتها ٤٠٠٠ ميللي أمبير في الساعة بقدرة أداة متميزة جدًا.

عيوب موبايل Samsung Galaxy A10s

  • الموبايل معمول بالكامل من البلاستيك.
  • الموبايل مش بيتمع بحماية ضد قطرات المياه أو التعرق.
  • شاشة الموبايل مش محمية بأي طبقة من طبقات الحماية ضد الخدش.
  • دقة عرض الشاشة ضعيفة وإن كان ده طبيعي في الموبايلات المتوسطة.
  • الموبايل بيصدر بذاكرة داخلية سعتها ٣٢ جيجابايت بس مفيش أي خيارات أعلى.
  • الموبايل بيعتمد على بلوتوث إصدار ٤٫٢ وده إصدار قديم شوية.
  • الموبايل طبعًا مفيهوش خاصية NFC
  • مفيش مستشعر الدوران يعني مش هيقدر يشغل فيديوهات وصور خاصية ٣٦٠ درجة.
  • البطارية مش مدعومة باي نوع من أنواع تقنيات الشحن السريع.
  • بيعتمد الموبايل على منفذ microUSB مش USB Type-C

اتعرف على عروض أسعار موبايل Samsung Galaxy A10s من هنا.

اتعرف على عروض أسعار مختلف موبايلات سامسونج المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *