مزايا وعيوب موبايل Realme الاقتصادي الجديد Realme C3

مزايا وعيوب موبايل Realme الاقتصادي الجديد Realme C3

كتب: خالد عاصم

في شهر فبراير اللي فات أعلنت Realme عن الموبايل الاقتصادي الجديد Realme C3 واللي بيفتح منافسة على مستوى جديد في الموبايلات الاقتصادية وبيخطط بقوة لأنه ينافس على لقب الأفضل في السعرية دي.

من خلال المقال ده هنتعرف على مواصفات موبايل Realme C3 بالتفصيل وهنتعرف على مميزات وعيوب الموبايل في ضوء مراجعتنا لمواصفاته دي وكمان هنعرف متوسط سعره في السوق، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Realme C3

المواصفات

  • أبعاد الموبايل: ٩ × ٧٥ × ١٦٤.٤ مم.
  • وزن الموبايل: ١٩٥ جرام.
  • البناء والصناعة: هيكل وظهر من البلاستيك بزجاج أمامي كورنينج جوريلا جلاس الإصدار التالت.
  • شرائح الاتصال: إصدار ثنائي الشريحة.
  • حماية الموبايل: مضاد لقطرات المياه
  • شاشة الموبايل: بيعتمد الموبايل على شاشة IPS LCD بتصميم شق قطرة المياه وقطر الشاشة ٦٫٥ بوصة بمعدل الشاشات الطويلة ٢٠:٩ وبتستحوذ على نسبة حوالي ٨٢٫٧ % من مساحة الموبايل الأمامية أما دقتها فتبلغ ١٦٠٠ × ٧٢٠ بيكسل بكثافة ٢٧٠ بيكسل لكل بوصة وبتقدر الشاشة توصل لمستوى سطوع بحد أقصى ٢٨٠ nits أما حمايتها فمن زجاج كورنينج جوريلا جلاس الإصدار التالت.
  • أداء الموبايل: معالج MediaTek Helio G70 بمعمارية ١٢ نانوميتر ثماني النواة وسرعته ٢.٠ جيجا هيرتز لشريحتين من Cortex-A75 وبسرعة ١٫٧ جيجا هيرتز لست شرايح Cortex-A55 والمعالج مدمج بمعالج جرافيكس Mali-G52 2EEMC2. والموبايل متوفر في مصر بإصدار بذاكرة عشوائية سعتها ٣ جيجابايت رام بذاكرة داخلية سعتها ٦٤ جيجابايت وممكن زيادة السعة التخزينية للموبايل من خلال كروت الميموري اللي ليها منفذ مستقل.
  • نظام التشغيل: الموبايل بيشتغل بنظام تشغيل أندرويد ١٠ بواجهة مستخدم Realme UI 1.0
  • الكاميرا: الموبايل الكاميرا الخلفية بتاعته ثلاثية العدسات بقوة ١٢ ميجا بيكسل وفتحة مستشعر f/1.8 للعدسة الأولانية العريضة وبقوة ٢ ميجا بيكسل للعدسة التانية الخاصة بتصوير صور الماكرو وبقوة ٢ ميجا بيكسل بفتحة f/2.4 للعدسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ٥ ميجا بيكسل وفتحة مستشعر f/2.4 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB.
  • ماسح البصمة: خلفي.
  • المستشعرات: التسارع – التقارب – البوصلة.
  • البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتعتمد على تقنية الشحن العادي بقوة ١٠ وات.

مزايا وعيوب موبايل Realme C3

مزايا موبايل Realme C3

  • الموبايل بيتميز بتصميم جذاب إلى حد كبير.
  • الموبايل محمي ضد قطرات ورشات المياه.
  • شاشة الموبايل كبيرة وممتازة لسيناريوهات استخدام متعددة.
  • رغم إن الشاشة كبيرة نسبيًا إلا أن استخدام الموبايل سلس جدّل بفضل اعتماده على المعدل الطويل.
  • الشاشة بتستحوذ على نسبة مقبولة جدًا من المساحة الامامية للموبايل رغم الحواف السميكة شوية.
  • الشاشة محمية بزجاج كورنينج جوريلا جلاس الإصدار التالت.
  • الموبايل بيعتمد على بروسيسور كويس جدًا في الفئة دي سواء من حيث السرعة أو من حيث نوعيات الشرائح ويعتبر فعلًا من الأفضل في الفئة السعرية دي.
  • بيتميز الموبايل برامات قوية بالنسبة لفئته السعرية.
  • الموبايل سعته التخزينية الداخلية ممتازة.
  • بيقبل الموبايل كروت الميموري الخارجية.
  • بيعتمد موبايل Realme C3 على نظام تشغيل اندرويد ١٠ الأحدث.
  • الموبايل بيتميز بكاميرا خلفية مقبولة جدًا وممكن تكون ممتازة كمان في الفئة السعرية دي.
  • الموبايل فيه ماسح بصمة.
  • البطارية بتاعة الموبايل أكتر من ممتازة وسعتها بتبلغ ٥٠٠٠ ميللي أمبير في الساعة يعني هتقدر تقدم أداء مذهل.

عيوب موبايل Realme C3

  • الموبايل سميك شوية وبشكل واضح.
  • وزن الموبايل تقيل نسبيًا.
  • الموبايل بيعتمد على البلاستيك في صناعة الهيكل والضهر.
  • شاشة الموبايل دقتها ١٦٠٠ × ٧٢٠ بيكسل بس وإن كان معتاد في الفئة السعرية دي طبعًا.
  • أقصى معدل لسطوع الشاشة محدود شوية.
  • الكاميرا الأمامية للموبايل إمكانياتها محدودة جدًا من حيث القوة وكمان من حيث قدرتها على التصوير في الإضاءة المنخفضة.
  • الموبايل بيعتمد على منفذ microUSB في الشحن ونقل البيانات.
  • الموبايل مفيهوش مستشعر الدوران ومابيقدرش يشغل تطبيقات وألعاب الواقع الافتراضي.
  • بطارية الموبايل مش مدعومة بتقنية الشحن السريع ودي كانت حاجة مطلوبة في بطارية كبيرة كده.

اتعرف على عروض أسعار موبايل Realme C3 من هنا.

اتعرف على عروض أسعار موبايلات Realme المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *