مراجعة ومزايا وعيوب موبايل Oppo F9 Pro

مراجعة ومزايا وعيوب موبايل Oppo F9 Pro

كتب: خالد عاصم

من وجهة نظر الخبراء وعدد كبير من المستخدمين، موبايلات Oppo بقت من أهم الموبايلات على مستوى العالم بوجه عام وفي السوق المحلي المصري بوجه خاص، فالشركة الصينية المتميزة قدرت في الفترة الأخيرة وفي السنين القليلة اللي فاتت إنها تغزي السوق المصري بمجموعة موبايلات ممتازة من أول الفئات الاقتصادية لحد الفئات الرائدة اللي فيها تكنولوجيا جديدة تمامًا على السوق العالمي واللي أثرت السوق المصري بعناصر خلت المنافسة فيه أوى، فكل ما بتظهر موبايلات جديدة لشركات متنوعة في السوق كل ما الكل هيبقى مستفيد، سواء السوق نفسه أو المستهلكين أو حتى الشركات اللي المنافسة بتخليها أقوى مش أضعف.

المميز في موبايلات Oppo بشكل خاص إن أي موبايل ليها بيصدر في أي فئة بيكون قادر على المنافسة على لقب الأفضل، ومن بين الموبايلات دي موبايل Oppo F9 Pro اللي بيعتبر واحد من أفضل موبايلات الفئة فوق المتوسطة وبالنسبة لكتير من اللي استخدموه فعلياً وكتير كمان من الخبراء اللي اتعاملوا معاه فهو واحد من بين أفضل موبايلات ٢٠١٨ بشكل عام وده لأسباب كتير هنتكلم عنها في مقالنا النهاردة.

مقال النهاردة هنخصصه للكلام عن موبايل Oppo F9 Pro وهنتعرف على مواصفاته بالتفصيل ومن خلالها هنعرف نحدد مميزاته وعيوبه وكمان هنتعرف على متوسط سعره في السوق المصري، ولو عجبكم موبايل Oppo F9 Pro هنقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Oppo F9 Pro

المواصفات

  • تاريخ الإعلان عن الموبايل: أغسطس ٢٠١٨.
  • تاريخ طرح الهاتف في السوق: أغسطس ٢٠١٨.
  • أبعاد الموبايل: ٨ × ٧٤ × ١٥٦٫٧ مم.
  • وزن الموبايل: ١٦٩ جرام.
  • شاشة الموبايل: شاشة الموبايل كاملة بشق صغير جدًا وقطرها ٦٫٣ بوصة ومعدلها ١٩:٥:٩ وده بيخليها تشغل حوالي ٨٤٫٠ ٪ من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٤٠٩ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا جلاس الإصدار السادس واللي بيتعبر أحدث الإصدارات.
  • أداء الموبايل: موبايل Oppo F9 Pro بيتميز بمعالج MediaTek Helio P60 ثماني النواة وسرعته 2.0 جيجا هيرتز لأربع شرائح من Cortex-A73 وبسرعة 2.0 جيجا هيرتز لأربع شرائح من Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدار بذاكرة داخلية ٦٤ جيجابايت وبذاكرة عشوائية سعتها ٦ جيجابايت رام وممكن زيادة مساحة الموبايل التخزينية بكروت الذاكرة الخارجية لحد ٢٥٦ جيجابايت.
  • نظام التشغيل: الموبايل بيشتغل بنظام تشغيل أندرويد 8.1 أوريو عليها واجهة مستخدم ColorOS 5.2.
  • الكاميرا: الموبايل الكاميرا الخلفية بتاعته مزدوجة بقوة ١٦ ميجا بيكسل وفتحة مستشعر f/1.8 للعدسة الأولانية وبقوة ٢ ميجا بيكسل وفتحة مستشعر f/2.4 للعدسة الثانية والكاميرا مدعومة بتقنية التركيز التلقائي PDAF وبتقنية HDR ومدعومة بإضاءة فلاش ليد فردية وبتقدر تصوير فيديو بجودة 1080p بمعدل ٣٠ إطار في الثانية، أما الكاميرا الأمامية فقوتها ٢٥ ميجا بيكسل بفتحة مستشعر f/2.0 وهي عدسة عريضة بتقدر تصوير الفيديو بجودة 1080p بمعدل ٣٠ إطار في الثانية.
  • البطارية: بطارية الموبايل سعتها ٣٥٠٠ مللي أمبير في الساعة وبتدعم الشحن السريع بالتقنية الجديدة VOOC Flash

مميزات Oppo F9 Pro

  • برغم أن الموبايل شاشته كبيرة فأبعاده مش ضخمة يعني ممكن استخدامه بإيد واحدة في بعض الحالات بسهولة وكمان وزنه خفيف إلى حد كبير.
  • شاشة موبايل Oppo F9 Pro ممتازة على مستوى الحجم والدقة والمعدل فالشاشة كبيرة ومساحتها الرؤية فيها ممتازة ومعدل الشاشة بيخليها مثالية للفرجة على الأفلام ولعب ألعاب الفيديو أما الدقة فمتميزة جدًا بالنسبة لموبايل بالسعر ده بس ده مايمنعش وجود عيب في الشاشة هنتكلم عنه بعدين.
  • الموبايل بيعتمد على تصميم الشق أعلى الشاشة الصغير اللي يادوب بيشمل الكاميرا الأمامية وبيتميز عن الشق الكبير الموجود في الموبايلات التانية.
  • الشاشة محمية بأحدث أنواع زجاج كورنينج جوريلا جلاس وده أقوى من الإصدار الخامس اللي مستخدم في موبايلات الموبايلات العالية المتوفرة في السوق دلوقتي.
  • بروسيسور الموبايل من أحدث وأقوى بروسيسورات الفئة المتوسطة وبيتميز بقوة وسرعة وثبات ممتازين وكمان بيتمتع بإمكانيات الذكاء الاصطناعي المتميزة.
  • الذاكرة عشوائية سعة ٦ جيجابايت سريعة جدًا ومحققة نتائج ممتازة في مختلف الاختبارات.
  • كروت الميموري ليها منفذ خاص يعني هتقدر تستخدم شريحتين الاتصال مع المروت عادي من غير ما تضطر تشيل بطاقة منهم
  • الكاميرا الخلفية لموبايل Oppo F9 مزدوجة عدستها الرئيسية قوية جدًا والعدسة التانية مهمتها تصوير صور بتأثير بورتريه وكمان بتتمتع بتقنيات الذكاء الاصطناعي.
  • الكاميرا الأمامية للموبايل قوية جدًا.
  • الموبايل بيدعم منفذ ٣٫٥ مم يعني ممكن يتوصل بيه سماعات خارجية سواء سماعات رأس أو سماعات كبيرة.
  • الموبايل فيه ماسح بصمة قوي ودقيق.
  • الموبايل فيه مستشعر الدوران يعني ممكن يشغل تطبيقات وألعاب الواقع الافتراضي المختلفة.
  • بطارية الموبايل بتبقبل الشحن السريع بأحدث التقنيات واسمها VOOC Flash

عيوب Oppo F9 Pro

  • المواد المصنوع منها الموبايل مش قوية قوي.
  • شاشة الموبايل مصنوعة من شرائح IPS LCD ودي أقل من شرائح OLED خصوصًا عند استخدام الموبايل في ضوء الشمس المباشر.
  • الذاكرة الداخلية للموبايل محدودة بمساحة ٦٤ جيجابايت ومفيش اختيارات تانية.
  • جودة تصوير فيديو الكاميرا الخلفية محدود.
  • إضاءة فلاش ليد الكاميرا الخلفية فردية وكان من الأفضل تكون. مزدوجة.
  • الكاميرا الأمامية للموبايل مفيهاش فلاش ليد.
  • الموبايل مفيهوش أي سبل حماية غير ماسح البصمة
  • الموبايل بيعتمد على منفذ microUSB للشحن ونقل البيانات وده منفذ مش جديد وأقل سرعة من USB Type-C
  • بطارية الموبايل مش عظيمة بس يمكن الشحن السريع يعوض ضعفها شوية.

شوف عروض أسعار موبايل Oppo F9 Pro من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *