مزايا وعيوب موبايل Oppo متوسط الفئة Oppo A94

مزايا وعيوب موبايل Oppo متوسط الفئة Oppo A94

كتب: خالد عاصم

لهواتف Oppo جمهور كبير في السوق المصري وتعتبر من أكبر الشركات على مستوى المبيعات في مصر، ومن بين موبايلاتها الناجحة في السوق المصري، موبايل Oppo A94 اللي هنتكلم عنه النهاردة بالتفصيل وهنحطه في ميزان المميزات والعيوب من خلال مراجعتنا ليه بعد مرور وقت على توفره في السوق المصري.

وما تنسوش إن لو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A94

المواصفات

  • أبعاد الموبايل: ٧.٨ مم × ٧٣.٢ مم × ١٦٠.١ مم بوزن ١٧٢ جرام
  • مواصفات الشاشة: شاشة AMOLED بتصميم الثقب أعلى اليسار قطرها ٦٫٤٣ بوصة بمعدل ٢٠:٩ تستحوذ على نسبة حوالي ٨٥.٢ في الميه من مساحة الموبايل الأمامية، أما دقة عرض الشاشة ٢٤٠٠ × ١٠٨٠ بيكسل بكثافة ٤٠٩ بيكسل لكل بوصة
  • أداء الموبايل والمواصفات الداخلية: الموبايل بيعتمد على بروسيسور MediaTek Helio P95 بمعمارية ١٢ نانوميتر المكون من شريحتين CortexA75 بتردد ٢.٢ جيجا هيرتز ومن ست شرايح Cortex-A53 بتردد ٢.٠ جيجا هيرتز ومدمج فيه معالج رسوميات PowerVR GM9446 والموبايل بيصدر في مصر بإصدار بذاكرة عشوائية سعتها ٨ جيجابايت رام بذاكرة داخلية سعتها ١٢٨ جيجابايت والموبايل بيقبل كروت الميموري
  • نظام التشغيل: اندرويد ١١ بواجهة مستخدم ColorOR 11.1
  • الكاميرا الخلفية: كاميرا خلفية رباعية العدسات مكونة من عدسة رئيسية دقتها ٤٨ ميجا بيكسل بفتحة f/1.7 بمستشعر بقطر ١/٢.٠ بوصة بحجم بيكسل ٠٫٨ ميكروميتر مدعومة بتقنية التركيز التلقائي PDAF، وعدسة بالغة العرض بدقة ٨ ميجا بيكسل بفتحة f/2.2 بزاوية رؤية ١١٩ درجة بالإضافة لعدستين بدقة ٢ ميجا بيكسل بفتحة f/2.4 واحدة لصور البورتريه والتانية لصور الماكرو والكاميرا بتدعم تصوير الفيديو بجودة 4K بمعدل ٣٠ إطار في الثانية وبجودة 1080p بمعدلات ٣٠/١٢٠ إطار في الثانية
  • الكاميرا الأمامية: بدقة ٣٢ ميجا بيكسل بفتحة f/2.4 بمستشعر بقطر ١/٣.٠٦ بوصة بحجم بيكسل ١٫٠ ميكروميتر بتدعم تصوير الفيديو بجودة 1080p بمعدل ٣٠ إطار في الثانية
  • تقنيات لاسلكية: واي-فاي – بلوتوث ٥.١
  • المستشعرات: ماسح بصمة مدمج أسفل الشاشة – التسارع – التقارب – الدوران – البوصلة
  • البطارية: سعتها ٤٣١٠ ميللي أمبير في الساعة مدعومة بتقنية الشحن السريع بقوة ٣٠ وات

مزايا وعيوب موبايل Oppo A94

مزايا موبايل Oppo A94

  • الموبايل مش ضخم وقطره مناسب وده بيخلي أبعاده مقبولة جدًا مش سميك أوي ومش تقيل
  • شاشة AMOLED ممتازة بتتمتع بنسب سطوع أكتر من متوسطة وبتتميز بدعمها لجودة عالية Full HD
  • الشاشة بتعتمد على تصميم جذاب وهو التصميم اللي بتعتمد عليه Oppo في أغلب موبايلاتها باختلاف فئاتها وكمان بتستحوذ على نسبة مقبولة من المساحة الأمامية
  • الإصدار المتاح في مصر من الموبايل قوي بيتميز برامات ٨ جيجابايت رام وذاكرة داخلية كبيرة سعتها ١٢٨ جيجابايت
  • الموبايل بيقبل كروت الميموري
  • بيعتمد على نظام تشغيل اندرويد ١١ وهيوصله تحديث اندرويد ١٢ في حالة توفره
  • العدسة الرئيسية في الكاميرا الخلفية بفتحة واسعة نسبيُا يعني تقدر تصور صور كويسة في الإضاءة المنخفضة وأداء الكاميرا في المجمل مقبول
  • كاميرا أمامية كويسة جدًا ومستوى التصوير بيها معقول جدًا
  • الموبايل بيدعم صيغة الصوت اللاسلكي عالي الجودة aptX
  • ماسح بصمة مدمج أسفل الشاشة
  • بطارية قوية مدعومة بتقنية الشحن السريع بقوة 30 وات اللي بتقدر تشحن البطارية في وقت قياسي

عيوب موبايل Oppo A94

  • الموبايل بيعتمد على البلاستيك في صناعة الهيكل والضهر وشاشته حتى مش محمية بأي طبقة من طبقات كورنينج جوريلا جلاس
  • الموبايل مش محمي ضد الغبار أو المياه من أي نوع
  • شاشة الموبايل مش بتدعم أي معدل تحديث مرتفع وموبايلات كتير في الفئة السعرية بقت بتدعم على الأقل معدل تحديث 90 هيرتز
  • الموبايل بيعتمد على بروسيسور كويس ولكنه مش ملائم للفئة السعرية دي وهيلاقي منافسة قوية جدًا من موبايلات كتير
  • الكاميرا الخلفية كمان رغم إن أدائها جيد إلا إنها برضه هتلاقي منافسة قوية جدًا في الفئة دي لأنها بدقة منخفضة نسبيًا بالمقاييس الحالية 
  • مفيش سماعات ستريو أو دقة صوت عالية
  • مفيش تقنية NFC
  • البطارية كويسة بس مش الأفضل في الفئة السعرية دي.

اتعرف على عروض أسعار موبايل Oppo A94 من هنا.

اتعرف على عروض أسعار مختلف موبايلات Oppo على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *