كتب: خالد عاصم

هنتعرف في المقال ده على موبايل Infinix Note 7 واحد من أحدث وأفضل موبايلات Infinix وهنتعرف على مواصفات الموبايل ومميزاته وعيوبه ومتوسط سعره، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Inifnix Note 7

• الأبعاد: ٨.٨ × ٧٩ × ١٧٣.٤ مم بوزن ٢٠٦ جرام.
• شرائح الاتصال: ثنائي الشريحة.
• الشاشة: شاشة IPS LCD بتصميم الثقب أعلى اليسار قطرها 6.95 بوصة وبتستحوذ على نسبة ٨٣.٧ % تقريبًا من مساحة الموبايل الأمامية، الشاشة دقة عرضها ١٦٤٠ × ٧٢٠ بيكسل بكثافة ٢٥٨ بيكسل لكل بوصة والشاشة محمية بزجاج كورنينج جوريلا جلاس.
• المكونات الداخلية: بيعتمد الموبايل على بروسيسور MediaTek Helio G70 بمعمارية ١٢ نانوميتر ثماني النواة وكارت جرافيكس Mali-G52 2EEMC2، الموبايل بيصدر بإصدار بذاكرة عشوائية سعتها ٦ جيجابايت رام بذاكرة داخلية سعتها ١٢٨ جيجابايت وممكن زيادتها من خلال كروت الميموري اللي ليها منفذ مستقل.
• نظام التشغيل: اندرويد ١٠ بواجهة مستخدم XOS 6.0
• الكاميرا الخلفية: رباعية العدسات بقوة ٤٨ ميجا بيكسل بفتحة f/1.8 للعدسة الرئيسية العريضة وبقوة ٢ ميجا بيكسل للعدسة التانية المخصصة لتصوير الفيديو وبقوة ٢ ميجا بيكسل بفتحة f/2.4 للعدسة التالتة الخاصة باستشعار عمق الصورة وبدقة ٢ ميجا بيكسل بفتحة f/2.4 للعدسة الرابعة الخاصة يتصوير الماكرو، والكاميرا بتصور فيديو بجودة 1080p بمعدل ٣٠ إطار في الثانية ومدعومة بإضاءة فلاش رباعية.
• الكاميرا الأمامية:  بقوة 16 ميجا بيكسل وفتحة f/2.0 وبتصور الفيديو بجودة 1080p بمعدل ٣٠ إطار في الثانية
• المنافذ: ٣٫٥ مم وmicroUSB.
• المستشعرات: ماسح بصمة جانبي – التسارع – التقارب – البوصلة.
• البطارية: غير قابلة للإزالة سعة ٥٠٠٠ ميللي أمبير في الساعة مدعومة بتقنية الشحن السريع بقوة ١٨ وات.

مميزات وعيوب موبايل Infinix Note 7

مزايا موبايل Infinix Note 7

• الموبايل وزنه ٢٠٦ جرام يعني مايختلفش عن كتير من الموبايلات الرائدة اللي بتتميز بالوزن اللي في الحدود دي
• بيعتمد الموبايل عن تصميم الثقب أعلى يسار الشاشة وده التصميم العصري الأحدث واللي بتعتمد عليه كتير من الموبايلات دلوقتي وتعتبر دي ميزة كبيرة لموبايلات Infinix إنها تقرر تنقل النقلة دي في تصميماتها
• الحواف المحيطة بالشاشة نحيفة جدًا وده بيخلي الموبايل شيك جدًا وشكله فعلًا متميز وكمان بيخلي الشاشة تستحوذ على نسبة كويسة من المساحة الأمامية للموبايل
• بيتميز الموبايل بتصميم رائع على مستوى الضهر كمان سواء من حيث تصميم الكاميرا ومكانها أو من حيث درجات ألوان الضهر المتميزة.
• شاشة الموبايل كبيرة وإن كان ممكن ميخليهوش محبب لمجموعة من المستخدمين بس ممكن يكون ميزة كبيرة لمستخدمين تانيين من اللي عايزين موبايل بقطر كبير قريب من التابلت بس بحجم أقل وكمان بيتميز بإنه مثالي فعليًا لكل سيناريوهات الاستخدام
• شاشة الموبايل محمية بطبقة حماية.
• بيعتمد الموبايل على معالج مركزي قوي مقارنة بموبايلات Infinix القديمة اللي كانت بتعتمد دايمًا على معالجات أقل ومحدودة جدًا بس المرة دي المعالج ده قادر ينافس بشكل كبير في الفئة السعرية دي.
• الموبايل بيتوفر عالميًا بمجموعة من الإصدارات المختلفة وأقوى إصدار فيها والمتوفر في مصر اللي بييجي برامات ٦ جيجابايت رام وبذاكرة داخلية سعتها ١٢٨ جيجابايت.
• الموبايل بيقبل كروت الميموري ومن خلال منفذ مستقل مش بيأثر على استخدام شرايح الاتصال.
• الموبايل بيشتغل بنظام تشغيل اندرويد ١٠.
• بيعتمد الموبايل على كاميرا خلفية متميزة مكونة من أربع عدسات منها عدسة رئيسية بدقة ٤٨ ميجا بيكسل وكمان فيها عدسات مخصصة للفيديو ولاستشعار عمق الصورة ولتصوير صور الماكرو.
• الكاميرا الخلفية بتعتمد على إضاءة فلاش ليد رباعية.
• كاميرا أمامية مقبولة جدًا على مستوى الدقة وعلى مستوى فتحة العدسة وكمان بتدعم تصوير الفيديو بجودة 1080p بمعدل ٣٠ إطار في الثانية.
• الموبايل فيه سماعتين.
• بيدعم الموبايل تقنية بلوتوث إصدار ٥.٠
• الموبايل فيه راديو إف إم مدمج.
• الموبايل البطارية بتاعته ضخمة سعتها ٥٠٠٠ ميللي أمبير في الساعة.
• البطارية مدعومة بتقنية الشحن السريع بقوة ١٨ وات.

عيوب موبايل Infinix Note 7

• الموبايل معمول من البلاستيك.
• ضهر الموبايل مش محمي بطبقة ضد الخدش.
• الموبايل مش محمي ضد قطرات المياه.
• وزن وأبعاد الموبايل وقطر الشاشة زي ما هما ميزة لمستخدمين فممكن يكونوا عيب لمستخدمين تانيين.
• دقة عرض الشاشة ضعيفة وبيبان ضعفها أكتر بسبب قطر الشاشة الكبير.
• الكاميرا الخلفية مفيهاش عدسة بالغة العرض ولا عدسة مقربة.
• الكاميرا الخلفية مش بتدعم تصوير الفيديو بجودة 4K وكمان مفيهاش تقنية تثبيت الصورة الإلكتروني.
• الموبايل بيعتمد على منفذ microUSB مش USB Type-C
• ماسح البصمة جانبي وده مش بيفضله عدد من المستخدمين.
• الموبايل مفيهوش مستشعر الدوران ومابيقدرش يشغل تطبيقات وألعاب الواقع الافتراضي.

اتعرف على عروض أسعار موبايل Infinix Note 7 من هنا.

اتعرف على مختلف موبايلات Infinix المتوفرة على ياقوطة من هنا.

اتعرف على مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.