مزايا وعيوب موبايل Huawei Nova 3i بعد مرور سنة على طرحه في الأسواق

مزايا وعيوب موبايل Huawei Nova 3i بعد مرور سنة على طرحه في الأسواق

كتب: خالد عاصم

مرت سنة كاملة على طرح موبايل Huawei Nova 3i في الأسواق وهو الموبايل اللي حقق نجاح كبير ومبيعات متميزة بمجرد طرحه، ولكن يا ترى بعد مرور سنة على وجود الموبايل في السوق المصري هل يا ترى لسه قادر على المنافسة القوية اللي قدر يخلقها لما صدر، وخصوصًا إن نفس الفئة العسرية دي بقى فيها موبايلات قوية جدًا من Xiaomi وSamsung.

في المقال ده بنعيد مراجعة موبايل Huawei Nova 3i بعد مرور سنة على طرحه في الأسواق عشان نقدر نحدد مزاياه وعيوبه في ضوء المنافسة القوية المتوفرة حاليًا، ولو عجبك الموبايل وحبيت تشتريه هتقدر تطلبه من خلالنا في ياقوطة وهيوصلك بحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Huawei Nova 3i

المواصفات

  • أبعاد الموبايل: ٧.٦ × ٧٥٫٢ × ١٥٧٫٦ مم.
  • وزن الموبايل: ١٦٩ جرام.
  • شرايح الاتصال: شريحتين.
  • شاشة الموبايل: موبايل Huawei Nova 3i بييجي بشاشة كاملة وفيها شق في الأعلى شبه الشق نفسه اللي بنشوفه في موبايلات كتير أولها طبعًا iPhone X، قطر شاشة الموبايل ٦٫٣ بوصة بمعدل ١٩:٥:٩ وده بيخليها تشغل حوالي ٨٢٫٢ % من مساحة واجهة الموبايل، دقة الشاشة ٢٣٤٠ × ١٠٨٠ بيكسل وكثافتها ٤٠٩ بيكسل لكل بوصة والشاشة مصنوعة من شرائح IPS LCD.
  • الإمكانيات الداخلية: الموبايل بيعتمد على بروسيسور HiSilicon Kirin 710 وده بروسيسور ثماني النواة سرعته ٢٫٢ جيجا هيرتز لأربع شرايح Cortex-A73 وبسرعة ١٫٧ جيجا هيرتز لأربع شرايح Cortez-A53 ومدمج فيه بروسيسور جرافيكس Mali-G51 MP4، الموبايل بيصدر بإصدار بذاكرة عشوائية سعتها ٤ جيجابايت رام وذاكرة داخلية سعتها ١٢٨ جيجابايت، وبيقبل الموبايل كروت الميموري لحد ٢٥٦ جيجابايت.
  • نظام التشغيل: الموبايل بيشتغل بنظام تشغيل أندرويد ٨٫١ أوريو بواجهة مستخدم EMUI 8.2 وقابل للترقية لاندرويد ٩ باي بواجهة EMUI 9
  • الكاميرا الخلفية: الكاميرا الخلفية مزدوجة ودقة العدسة الأولى ١٦ ميجا بيكسل وقوة العدسة التانية ٢ ميجا بيكسل والكاميرا الخلفية بتقدر تصور الصور بتأثير بوكيه وكمان بتقدر تصور الفيديو بجودة 1080p بمعدل ٣٠ إطار في الثانية ومدعومة بفلاش ليد فردي.
  • الكاميرا الأمامية: أما الكاميرا الأمامية لموبايل Huawei Nova 3i فهي كمان بعدستين واحدة قوتها ٢٤ ميجا بيكسل وفتحة العدسة f/2.0 والتانية قوتها ٢ ميجا بيكسل ودي بتساعد الموبايل أنه يصور صور سيلفي بتأثير بوكيه.
  • منفذ ٣٫٥ مم: الموبايل بيقبل توصيل السماعات عن طريق منفذ ٣٫٥ مم.
  • منفذ يو إس بي: نوعه microUSB
  • ماسح البصمة: خلفي.
  • مستشعرات الموبايل: التقارب والدوران والبوصلة والتسارع.
  • البطارية: نوعها ليثيوم آيون وهي بطارية غير قابلة للإزالة سعتها ٣٣٤٠ مللي أمبير في الساعة.

مميزات وعيوب Huawei Nova 3i

مميزات Huawei Nova 3i

  • بيتميز الموبايل بتصميم أنيق في المجمل بالرغم من العنصر اللي تحول لعيب بعد مرور سنة على طرح الموبايل في الأسواق وده هنتكلم عنه في عيوب الموبايل.
  • شاشة الموبايل قطرها متميز جدًا لأنها مش مبالغ فيه كبرها والقطر ده بيعتبر من أفضل الأقطار المناسبة للمستخدمين لانه بيتيح سلاسة أكتر في استخدام الموبايل.
  • شاشة Huawei Nova 3i بتستحوذ على نسبة مقبولة جدًا من المساحة الأمامية للموبايل بفضل الحواف النحيفة جدًا المحيطة بالشاشة من الجانبين ومن تحت الشاشة.
  • دقة عرض الشاشة كويسة جدًا وكمان الكثافة.
  • بيعتمد الموبايل على واحد من أفضل البروسيسورات متوسطة الفئة اللي بتطورها هواوي.
  • إصدار الموبايل بيتميز بسعة داخلية كويسة جدًا وكمان الذاكرة العشوائية مقبولة بالنسبة للفئة المتوسطة المتوفرة في السوق لحد دلوقتي
  • الموبايل بيدعم كروت الميموري لحد ٢٥٦ جيجابايت.
  • بيقبل الموبايل الترقية لنظام تشغيل اندرويد ٩ باي بواجهة مستخدم EMUI 9.0.
  • الكاميرا الخلفية للموبايل مزدوجة وده مقبول لسا لأن الفئة السعرية دي أكتر موبايلاتها الكويسة بكاميرا مزدوجة مش أكتر
  • الكاميرا الأمامية ممتازة جدًا بفضل اعتمادها على عدستين منهم عدسة خاصة باستشعار عمق الصورة ودي بتعمل تأثير بوكيه طبيعي
  • الموبايل فيه راديو إف إم.
  • الموبايل بيدعم تقنية aptX HD للصوتيات اللاسلكية عالية الجودة.
  • ماسح بصمة خلفي سريع وقوي.
  • الموبايل فيه مستشعر الدوران الخاص بتشغيل تطبيقات وألعاب الواقع الافتراضي.

عيوب Huawei Nova 3i

  • بناء الموبايل مش قوي وبيعتمد على البلاستيك بشكل كبير.
  • الاعتماد على الشق العريض أعلى الشاشة بقى مش معتاد خلاص وحل مكانه شق قطرة المياه الأفضل من حيث الشكل.
  • شاشة الموبايل IPS LCD يعني بتتميز على مستوى الألوان ولكنها أقل على مستوى الوضوح والحدة.
  • شاشة الموبايل مش محمية بأي إصدار من إصدارات كورنينج جوريلا جلاس.
  • شاشة الموبايل مفيهاش أي تقنيات قوية استثنائية.
  • كروت الميموري بتشتغل مكان شريحة الاتصال التانية يعني يا تستخدم شريحتين اتصال يا شريحة اتصال وكارت ميموري
  • الكاميرا الخلفية فيها شوية عيوب سواء على مستوى فتحة العدسة الرئيسية الضيقة شوية أو على مستوى عدم دعم أكتر من معدل في الجودة.
  • الموبايل بيعتمد على منفذ microUSB في الشحن ونقل البيانات.
  • البطارية سعتها مش وحشة بس في مقابل الموبايلات المنافسة اللي بقت بتوصل سعة بطارياتها لحد ٤٠٠٠ ميللي أمبير وأكتر
  • الموبايل مش بيدعم تقنية الشحن السريع.

شوف  موبايل Huawei Nova 3i من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *