مزايا وعيوب Samsung Galaxy A51 بعد مرور سنة على وجوده في السوق المصري

مزايا وعيوب Samsung Galaxy A51 بعد مرور سنة على وجوده في السوق المصري

كتب: خالد عاصم

موبايلات كتير قدرت تساهم في وصول سامسونج لتحقيق مبيعات قوية جدًا على مستوى الفئة المتوسطة في السوق المصري السنة اللي فاتت، ومن بين الموبايلات اللي قدرت تساهم بشكل قوي في النجاح ده، موبايل Samsung Galaxy A51 اللي هنتكلم عنه النهارده بالتفصيل وهنتعرف على مواصفاته ومميزاته وعيوبه بعد مرور سنة تقريبًا على وجوده في السوق المصري، وكمان هنتعرف على متوسط سعره الحالي في الأسواق المصرية.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A51

المواصفات

  • أبعاد الموبايل: ٧.٩ × ٧٣.٦ × ١٥٨٫٥ مم.
  • وزن الموبايل: ١٧٢ جرام.
  • البناء والصناعة: هيكل وظهر من البلاستيك بزجاج أمامي.
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة موبايل Samsung Galaxy A51 كاملة بثقب في المنتصف قطرها ٦.٥ بوصة ومعدلها ٢٠:٩ وده بيخليها تشغل حوالي ٨٧.٤ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٥ بيكسل لكل بوصة والشاشة مصنوعة من شرائح Super AMOLED ومحمية بزجاج كورنينج جوريلا جلاس الإصدار التالت.
  • أداء الموبايل: معالج Exynos 9611 ثماني النواة وسرعته ٢٫٣ جيجا هيرتز لأربع شرائح من Cortex-A73 وبسرعة ١٫٧ جيجا هيرتز لأربع شرايح Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدارات بذاكرة عشوائية ٤ جيجابايت رام أو ٦ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ١٠ بواجهة مستخدم One UI 2
  • الكاميرا: الموبايل الكاميرا الخلفية بتاعته رباعية العدسات بقوة ٤٨ ميجا بيكسل وفتحة مستشعر f/2.0 للعدسة الأولانية العريضة وبقوة ١٢ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.2 للعسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدلات ٣٠/١٢٠ إطار في الثانية، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة وبتدعم تقنية الشحن السريع بقوة ١٥ وات.

مزايا وعيوب Samsung Galaxy A51

مزايا Samsung Galaxy A51

  • بيعتمد موبايل Samsung Galaxy A51 على تصميم تصميم ثقب الكاميرا الأمامية الموجود أعلى منتصف الشاشة وده تصميم بتعتمد عليه سامسونج في موبايلاتها الحديثة بشكل عام ويعتبر من أفضل تصميمات الهواتف الذكية حاليًا.
  • بتعتمد الشاشة على معدل ٢٠:٩ والحواف المحيطة بالشاشة نحيفة جدًا وده بيخليها تستحوذ على نسبة حوالي ٨٧٫٤ % من مساحة الموبايل الأمامية.
  • شاشة الموبايل قطرها كبير وبتوفر مساحة رؤية ممتازة جدًا.
  • الشاشة ممتازة على مستوى الحدة والوضوح في مختلف ظروف الإضاءة المحيطة بفضل اعتمادها على شرائح Super AMOLED.
  • دقة عرض الشاشة ممتازة وده بيأثر بالإيجاب على كثافتها العالية رغم قطر الشاشة الكبير.
  • الشاشة محمية بزجاج مقوى.
  • بيعتمد الموبايل على بروسيسور كويس على مستوى السرعة والأداء في الفئة المتوسطة وكمان بيوفر من طاقة البطارية لأنه بمعمارية ١٠ نانوميتر اللي أداءها على مستوى استهلاك الطاقة.
  • إصدارات الموبايل متنوعة وبتدي خيارات كبيرة للمستخدم إنه يختار الأنسب ليه فالذاكرة العشوائية بتوصل لحد ٨ جيجابايت رام والذاكرة الداخلية كمان كبيرة أوي.
  • الموبايل بيقبل كروت الميموري لحد ١ تيرابايت كاملة وكمان من خلال منفذ مستقل يعني مش بيأثر على استخدام شريحة اتصال تانية
  • الموبايل بيشتغل بنظام تشغيل اندرويد ١٠.
  • الموبايل بيتميز بكاميرا خلفية رباعية العدسات وأداءها ممتاز جدًا بفضل وجود عدسة أساسية عريضة وقوية وكمان عدسة فائقة العرض بالإضافة لعدسة خاصة بعزل الخلفية وإنتاج تأثير بوكيه ده غير العدسة الخاصة بتصوير صور الماكرو.
  • الكاميرا الأمامية لموبايل Samsung Galaxy A51 ممتازة سواء على مستوى القوة أو فتحة المستشعر أو كون زاويتها عريضة أو إنها مدعومة بتقنية HDR
  • الموبايل فيه منفذ ٣٫٥ مم لتوصيل السماعات.
  • بيعتمد على منفذ USB Type C 2.0 في الشحن ونقل البيانات.
  • الموبايل بيتميز بماسح بصمة مدمج أسفل الشاشة.
  • الموبايل فيه كل المستشعرات الأساسية بما فيها مستشعر الدوران اللي بيدعم تطبيقات وألعاب الواقع الافتراضي.
  • الموبايل بيتميز ببطارية قوية سعتها ٤٠٠٠ ميللي أمبير في الساعة.

عيوب Samsung Galaxy A51

  • الموبايل معمول من البلاستيك سواء الهيكل أو الجزء الخلفي.
  • الموبايل مش محمي ضد الغبار والغمر في المياه.
  • شاشة الموبايل محمية صحيح بس بإصدار قديم من كورنينج جوريلا جلاس.
  • الموبايل مفيهوش سماعات ستيريو.
  • مفيش تقنيات صوتية قوية رغم إن فيه موبايلات تانية من سامسونج في الفئة نفسها فيها تقنيات زي دولبي أتموس.
  • تقنية الشحن السريع مش الأفضل حاليًا في الفئة السعرية دي.

اتعرف على عروض أسعار موبايل Samsung Galaxy A51 من هنا.

اتعرف على عروض أسعار موبايلات سامسونج المختلفة المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *