كتب: خالد عاصم

حلت سلسلة Samsung Galaxy A بجزء منها مخل سلسلة Samsung Galaxy J اللي كانت وسيلة Samsung للسيطرة على جزء من سوق الموبايلات الاقتصادية والشريحة الأولى من الفئة المتوسطة، ولكن على الرغم من كده لسا موبايلات Samsung Galaxy J بتقدم أداء متميز وخيار قوي في سوق الهواتف الاقتصادية، ومن بينها موبايل Samsung Galaxy J4 Plus اللي حقق نجاح ممتاز جدًا في السوق المصري بمجرد ظهوره فيه.

النهارده هنتكلم عن موبايل Samsung الاقتصادي Samsung Galaxy J4 Plus وهنتعرف عنه أكتر من خلال مراجعتنا لمواصفاته وتحديد مميزاته وعيوبه وكمان هنعرف سعره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy J4 Plus

المواصفات

• تاريخ الإعلان عن الموبايل: سبتمبر ٢٠١٨.
• تاريخ طرح الموبايل في الأسواق: أكتوبر ٢٠١٨.
• أبعاد الموبايل: ٧.٩ × ٧٦.٩ × ١٦١.٤ مم.
• وزن الموبايل: ١٧٨ جرام.
• شرائح الاتصال: ثنائي الشريحة.
• شاشة الموبايل: شاشة الموبايل كاملة قطرها ٦.٠ بوصة ومعدلها ١٨:٥:٩ وده بيخليها تشغل حوالي ٧٣.٦ % من مساحة الموبايل الأمامية. والشاشة بتقدم دقة عرض ١٤٨٠ × ٧٢٠ بيكسل بكثافة ٢٧٤ بيكسل لكل بوصة والشاشة مصنوعة من شرائح IPS LCD.
• أداء الموبايل: معالج كوالكوم سنابدراجون ٤٢٥ رباعي النواة وسرعته ١.٤ جيجا هيرتز لأربع شرائح من Cortex-A53 والمعالج مدمج بمعالج جرافيكس Adreno 308. والموبايل بيصدر بإصدار بذاكرة عشوائية سعتها ٢ جيجابايت وبذاكرة عشوائية سعتها ١٦ جيجابايت وبإصدار بذاكرة عشوائية سعتها ٢/٣ جيجابايت رام بذاكرة داخلية سعتها ٣٢ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
• نظام التشغيل: الموبايل بيشتغل بنظام تشغيل أندرويد ٨٫١ أوريو.
• الكاميرا: الموبايل الكاميرا الخلفية بتاعته بقوة ١٣ ميجا بيكسل وفتحة مستشعر f/1.9 للعدسة الأولانية والكاميرا مدعومة بتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فقوتها 5 ميجا بيكسل بفتحة مستشعر f/2.2 وكاميرا الموبايل الأمامية مدعومة بإضاءة فلاش ليد فردي.
• منفذ توصيل السماعات السلكية ٣٫٥ مم: متوفر.
• تقنيات صوتية: دولبي أتموس.
• منفذ الشحن ونقل البيانات: microUSB 2.0.
• ماسح البصمة: جانبي.
• المستشعرات: التسارع – التقارب.
• البطارية: بطارية الموبايل غير قابلة للإزالة سعتها ٣٣٠٠ مللي أمبير في الساعة. 
• إصدارات ألوان الموبايل: أسود – ذهبي – وردي – أزرق.

مزايا وعيوب Samsung Galaxy J4 Plus

مزايا Samsung Galaxy J4 Plus

• لو لسا مش مقتنع بالموبايلات اللي فيها شق أو ثقب للكاميرا الأمامية وبتحب تصميم الشاشات الكاملة يبقى ده أنسب موبايل ليك في الفئة دي لأن Samsung Galaxy J4 Plus بيعتمد على تصميم الشاشة الكاملة من غير أي إضافات
• بتعتمد شاشة الموبايل على معدل ١٨.٥:٩ للشاشات الكاملة الطويلة
• بيتميز الموبايل بوزن مقبول جدًا وقريب من الموبايلات الأعلى في الفئة السعرية يعني مش خفيف أوي على الرغم من اعتماده على البلاستيك بشكل كلي
• قطر الشاشة كبير ومساحة الرؤية كويسة جدًا وعلى الرغم من أن تصميمها مفيهوش وسائل جديدة للتعامل مع الكاميرا الأمامية إلا أن المساحة اللي بتشغلها كويسة جدا
• الموبايل بيقدم إصدارات متنوعة بترضي أذواق عدد كبير من مستهلكين الفئة دي
• المساحة التخزينية للموبايل قابلة للزيادة لحد ٥١٢ جيجابايت وكمان من خلال منفذ مستقل يعني مش بتأثر على استخدام شريحتين الاتصال وتقدر تشغل شريحتين وكارت ميموري في نفس الوقت
• الكاميرا الخلفية أداءها مقبول بالنسبة للفئة دي خصوصا في الإضاءة المرتفعة والمتوسطة
• الكاميرا الأمامية للموبايل بتتميز بفلاش عشان وضوح أمتر لصور السيلفي في الإضاءة المنخفضة
• الموبايل فيه منفذ ٣٫٥ مم
• موبايل Samsung Galaxy J4 Plus فيه ميزة مش موجودة حتى في موبايلات كتير من الفئات الأعلى وهي تقنية دولبي أتموس
• بيتميز براديو إف إم بصوت ستيريو
• موبايل Samsung Galaxy J4 Plus فيه ماسح بصمة
• بطارية الموبايل ممتازة بالنسبة لإمكانيات الموبايل اللي مش بتستهلك طاقة كبيرة بطبيعتها

عيوب Samsung Galaxy J4 Plus

• الموبايل معمول كليًا من البلاستيك يعني متتوقعش منه متانة أو صلابة كبيرة
• مش محمي ضد الغبار والمياه بأي شكل من أشكال المقاومة أو الحماية
• الموبايل مش محمي بأي نوع من أنواع الزجاج المقوى سواء من الشاشة أو الضهر
• على عكس أغلب موبايلات Samsung اللي طلعت في الفترة دي الموبايل بيعتمد على شاش LCD مش AMOLED
• دقة عرض الشاشة بتاعة الموبايل ضعيفة وإن كان ده المعتاد في الفئة السعرية دي
• البروسيسور رباعي النواة ودي بقت نقطة ضعف أكتر خصوصًا بعد ما ظهرت موبايلات جديدة في نفس الفئة السعرية تقريبًا وبتيجي ببروسيسورات ثمانية النواة ومنها اللي بتقدمه Samsung برضه
• صحيح الموبايل بيقدم خيارات مقبولة بس برضه راماته ضعيفه
• أداء الكاميرا الخلفية للموبايل ضعيف بشكل واضح في الإضاءة المنخفضة
• الكاميرا الأمامية ضعيفة في المجمل حتى مع استخدام الفلاش اللي مش هيأثر بشكل إيجابي على جودة الصورة العامة
• الموبايل طبعًا بيعتمد على منفذ microUSB في الشحن ونقل البيانات
• الموبايل مستشعراته محدودة وأساسية بس
• الموبايل مش بيدعم أي تقنية من تقنيات الشحن السريع

شوف عروض أسعار موبايل Samsung Galaxy J4 Plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.