مراجعة مواصفات سماعات أذن Joyroom JR-T03S TWS Double Wireless Bluetooth AirPods

كتبت: أمنية عزمي

مع التطور المستمر والسريع في عالم الهواتف الذكية تطورت معها أدوات التكنولوجيا اللي بيتعامل من خلالها المستخدم في كل الأوقات واللي بتسهل أسلوب حياته بشكل كبير عن طريق توفير ملحقات للهواتف بتكنولوجيا عالية زي سماعات الأذن اللي بتعتبر من أهم الملحقات في وقتنا هذا خاصة بعد اتجاه شركة أبل لإزالة منفذ السماعة من معظم هواتفها الذكية الحديثة، لكن طبعا بتقدر تستخدمها مع كل أنواع الهواتف، السماعات البلوتوث بتقترن بالهواتف الذكية وأجهزة الكمبيوتر وبتقدر تسمع بها موسيقى وتجري مكالماتك من خلالها، والنوع ده من السماعات سهل جدا في استخدامه بالإضافة ان عمره طويل لأنه مش بيتعرض للقطع زي الأنواع اللي فيها كيبل.

هنتكلم في المراجعة دي مع ياقوطة عن سماعات أذن Joyroom JR-T03S TWS Double Wireless Bluetooth AirPods وهنتعرف على أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • اللون: أبيض.
  • الكود التعريفي للمنتج: JO326EL0CNERFNAFAMZ
  • الموديل: JR-T03S

المميزات

  • بتتميز بشبكة لاسلكية خاصة بها من خلال بلوتوث V 5.0 بتضمن استقبال وإرسال الموجات بين الهاتف والسماعة بكل وضوح، وبتقدر توصلها بأكتر من جهاز من غير ما يكون في بينهم ارتباط زي انك تسمع من خلالها موسيقى وأغاني من موبايل صديقك.
  • بطارية سماعة بسعة 45 ملي أمبير، مش بتحتاج غير كمية قليلة من الطاقة لإعادة شحنها وده لأن طبيعة إشارتها وتواجدها حول الهاتف بيكون مداه قصير حوالي 10 متر وبيكون مفيد لعمر البطارية لأنها بتعيش فترة أطول قبل ما تحتاج إعادة شحن.
  • سعة صندوق البطارية 400 ملي أمبير، شحن السماعات بيستمر معاك في أقصى حالات استخدامها في الألعاب لمدة 3 ساعات، وبتستمر لمدة 24 ساعة في وضع الاستعداد وعمر البطارية بيعتبر من أهم مميزاتها.
  • مزودة بسينسور للشحن أتوماتيكي بخلاف الجيل السابق اللي كان لازم تضغط على الزر المتواجد على العلبة علشان تشحن، لكن JR-T03S علبة الشحن بتشحن السماعات بمجرد ما تحس انها محتاجة للشحن.
  • بتدعم الشحن اللاسلكي، لو عندك شاحن لاسلكي بتقدر تشحنها فيه.
  • السماعة تاتش بتتوصل بالموبايل بمجرد ما تفتح العلبة ومش بتحتاج تطلعها زي الأنواع التانية.
  • تعمل باللمس، لو حابب تشغل أغنية أو توقفها بتضغط على السماعة اليمين مرة واحد ولو حابب تعلي الصوت بتضغط مرتين ولو حابب توطي الصوت بتضغط تكتين على السماعة الشمال، 3 تكات على السماعة الشمال بتقلب الأغاني للأمام و3 عالسماعة اليمين بترجه الأغاني لورا.
  • لو موبايلك آي فون بيقدر يتعرف عليها بمجرد ما تفتح علبة السماعات وطبعا دي ميزة بتستغلها آبل بمبالغ كبيرة في سماعاتها.
  • بتكفي لشحن السماعات 5 مرات وبتشحن أتوماتيك لما تحتاج شحن، والشاحن الخاص بها زي شاحن آبل مش مايكرو يو إس بي زي الأندرويد.
  • مرفق معها حافظة شحن السماعات بتقدر تشيلها في جيبك وتحميها.

العيوب

  • لا يوجد فيها عازل للضوضاء وبالتالي بيكون صعب تسمع المكالمة لو فيه ضجيج حواليك.
  • بيتم تلقي إشارات البلوتوث من خلال سماعة واحدة فقط وبتنقل البيانات للسماعة التانية وده بيقلل من قوة الإتصال، عكس السماعات الأصلية اللي بتتلقى كل سماعة منهم الإشارة في نفس الوقت.
  • الاتصال بالسماعات بيكون ضعيف في الأماكن المزدحمة زي الكافيهات أو الجيم وأماكن التجمعات اللي فيها واي فاي بصفة عامة وده لأن كل جميع الأجهزة بتعمل على نفس التردد 2.4 جيجاهيرتز وبالتالي جودة الاتصال بتنخفض.
  • السماعات مش بتكون مريحة لكل الأشخاص مع اختلاف شكل الأذن خاصة إن السماعة مش محاطة بمخدات مطاط زي العادية وبالتالي لازم تجربها الأول علشان تتأكد اذا مناسبة أو لأ.
  • مش بتقدم عدد ساعات كافي من الاستماع وتعتبر مستواها متوسط في عمر البطارية.
  • غير مقاومة للماء والتعرق وبالتالي ما تقدرش تستخدمها في الجيم.

تجربة المستخدم

  • السماعة جيدة لو بتسمع أغاني لكن سيئة جدا في المكالمات والطرف التاني مش بيسمعك معظم الوقت.
  • سماعة واحدة بس هي اللي بتشتغل بشكل أساسي والتانية مكملة ليها وسعرها عالي.

شوف سماعات أذن Joyroom JR-T03S TWS Double Wireless Bluetooth AirPods من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *