كتب: خالد عاصم

النهاردة هنتكلم عن واحد من أكتر اللابتوبات المثيرة للجدل بسبب التوافق مع بين إمكانياته وسعره، واللي مجموعة من المتابعين شايفينها مناسبة ومجموعة تانية شايفين إن الجهاز سعره مبالغ فيه فعليًا وكان الأفضل إنه يكن بسعر أقل، الجهاز اللي هنتكلم عنه النهاردة هو HP Pavilion x360 14-dy0017ne اللي بينتمي لفئة الأجهزة المتحولة، والنهاردة هنتعرف على اللابتوب ده بالتفصيل وهنقدملك مراجعتنا الكاملة ليه.

وما تنسوش إن لو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب HP Pavilion x360 14-dy0017ne

المواصفات

• الشاشة: شاشة IPS قابلة للمس ليد بإضاءة خلفية بقطر ١٤ بوصة بجودة Full HD Plus بدقة ١٩٢٠ × ١٠٨٠ بيكسل بمعدل تحديث ٦٠ هيرتز مضادة للانعكاس والتوهج بحواف نحيفة جدًا محيطة بيها وبزاوية عرض ١٧٨ درجة
• المعالج المركزي: معالج Intel Core i3-1125G4 الجيل الحداشر رباعي النواة بتردد بيوصل لحد ٣.٧ جيجا هيرتز بحد أقصى وبكاشات ٨ ميجابايت كاش
• الرامات: ٤ جيجابايت رام فئة DDR4 بتردد ٣٢٠٠ ميجا هيرتز 
• كارت الفيجا: كارت فيجا داخلي مدمج Intel UHD
• الذاكرة الداخلية: هارد SSD سعة ٢٥٦ جيجابايت
• لوحة المفاتيح: لوحة QWERTY 
• المنافذ والمستشعرات: منفذ ٣٫٥ مم – منافذ USB مختلفة – منفذ HDMI – قارئ كروت ميموري
• نظام التشغيل: ويندوز ١٠

مراجعة لابتوب HP Pavilion x360 14-dy0017ne

لابتوب HP Pavilion x360 14-dy0017ne من الأجهزة اللي ممكن يكون سعرها عالي بالنظر لاعتماده على معالج Intel Core i3 بس وده معالج مش قوي أوي وكمان مدعوم برامات ٤ جيجابايت رام، بس ده مايخليناش ننسى أو نتجاهل إن اللابتوب ليه مميزات كتير أوي بتكمن في التفاصيل، وبداية التفاصيل دي هنلاحظها مع الهيكل والتصميم وهنلاحظ التميز بكل بساطة والتميز نفسه في البساطة، فتصميم الجهاز بسيط جدًا وأنيق وجذاب جدًا في الوقت نفسه وهتحس إنه كتلة واحدة كأنه معمول من سبيكة، ومع تميزه بخفة استثنائية ونحافة صعب تلاقيها في أجهزة تانية، ده غير إن شاشته بتتفتح بزاوية ٣٦٠ درجة عين بيفتح أفاق كبيرة جدًا للاستخدام سواء كلابتوب عادي أو تابلت أو شاشة مقبول جدًا إنك تتفرج منها على أفلامك اللي بتحبها.

بتستمر روعة التصميم في الشاشة اللي بتتمتع بحواف نحيف جدًا حواليها بس وده اللي خلى الشاشة تستحوذ على نسبة كبيرة من جسم اللابتوب الأمامية يعني كأنك ادام شاشة بس وده اللي خلى إنه على الرغم من إن الشاشة قطرها ١٤ بوصة بس إلا إنك مش هتحس إن الشاشة صغيرة أو إن استخدام اللابتوب في الترفيه مزعج أو صعب، وفي مسألة الترفيه تحديدًا اللابتوب هيكون ممتاز جدًا سواء على مستوى البصريات أو الصوتيات وده بفضل إنه بيعتمد على سماعتين ستريو قويتين جدًا ومحسنتين من خلال شركة B&O وكمان اللابتوب بيدعم تقنيات صوتية قوية جدًا.

الشاشة نفسها كوسية جدًا فهي بتدعم جودة Full HD Plus باعلى دقة ليها ومعدلات السطوع والتباين ممتازة وكمان مانع التوهج واللمعان اللي بيخلي استخدام الشاشة مريح جدًا حتى مع ساعات الاستخدام الطويلة، والشاشة أصلًا مصممة لكده وده لانها بتتمتع بتقنيات بتمنع الفليكر اللي ممكن يكون مضر للعين وكمان بتقلل من انبعاث الضوء الأزرق قدر الإمكان ومن غير حتى تدخل من نظام التشغيل.

على مستوى الإمكانيات، فالجهاز بيعتمد على معالج انتل كور i3 الجيل الحداشر اللي يعتبر من أحدث الأجيال الموجودة من المعالج ده واللي بيقدر يوصل لحد تردد ٣.٧ جيجا هيرتز في العمليات التقيلة مع كاشات سعتها ٨ ميجابايت وعلى الرغم إن دي مش إمكانيات قوية إلا إنها هتكون كافية للأعمال الأساسية وأكتر من كافية للاستخدام الترفيهي أو الاستخدام اللي بتعتمد فيه على الحركة والرغبة في توفر جهاز متكامل للاعمال الأساسية، والجهاز لأنه مش مخصص للألعاب فبيعتمد على كارت الشاشة المدمج وهو كارت كويس بس مش هيقدر يدعمك طبعًا في الألعاب التقيلة والجهاز نفسه مش موجه للمجال ده، رامات الجهاز سعتها ٤ جيجابايت رام وبيعتمد على هارد SSD سعة ٢٥٦ جيجابايت، والجزء الأول عيب منقدرش ننكره بالنسبة للسعر ده، أما الجزء التاني فميزة كبيرة جدًا.

اللابتوب بيتميز كمان إنه بيعتمد على أحدث التقنيات اللاسلكية زي Wi-Fi 6 وبلوتوث ٥.٢، اما منافذه فمتعددة وبتتميز بسرعة نقل بيانات عالية جدًا، واللابتب بيعتمد على نظام تشغيل ويندوز ١٠ واللي هيحصل على ترقية مجانية لنظام تشغيل ويندوز ١١ بمجرد ما هتشغل الجهاز لأول مرة.

اتعرف على عروض أسعار لابتوب HP Pavilion x360 14-dy0017ne من هنا.

اتعرف على عروض أسعار مختلف لابتوبات HP المتوفرة على ياقوطة من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.