مراجعة موبايل Xiaomi Poco F1

مراجعة موبايل Xiaomi Poco F1

كتبت: أمنية عزمي

شركة شاومي من الشركات الصينية اللي حققت نمو كبير الفترة اللي فاتت وبتنافس بقوة بمنتجاتها في عالم الموبايلات، في أغسطس 2018 أطلقت هاتف جديد باسم Xiaomi Poco F1، الموبايل مميز بشاشة كبيرة بحجم 6.18 بوصة ووضوحها عالي بدقة 2246×1080 بكسل، بمعالج سناب دراجون 845، ويعمل بنظام تشغيل أندرويد 8.1، مميز بوضوح وإمكانيات الكاميرا الأمامية بدقة 20 ميجا بكسل والخلفية 12 ميجا بكسل.

تعالوا مع ياقوطة نتكلم بالتفصيل عن أهم مواصفات ومميزات وعيوب موبايل Xiaomi Poco F1  ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات 

الشاشة البروسيسور الرام الكاميرا الميموري البطارية

الأندرويد

٦.١٨

ثماني النواة ٦ جيجا ١٢ + ٢ (مزدوجة) ٦٤ / ١٢٨ جيجا ٤٠٠٠ مللي أمبير أوريو

المميزات

  • شاشة بحجم 6.18 بوصة IPS بدقة فل إتش دي، بكثافة 403 بكسل للبوصة، أعلى الشاشة يوجد الكاميرا الأمامية والاستشعارات اللي ممكن تلغيها من الإعدادات.
  • الشاشة بتستحوذ على 82% من جسم الموبايل واللي بتعتبر مساحة كبيرة هتحس معاها بحجم الشاشة.
  • مزودة بشاشة حماية من نوع غوريلا بتحفظه من الصدمات والخدوش.
  • مزود بذاكرة داخلية 64 / 128جيجا بايت وتقدر تزوده بذاكرة خارجية.
  • يدعم شبكة الجيل الرابع، ومزود بشريحتين تقدر تستخدمهم لرقمين موبايل أو تستخدم واحدة منهم لكارت ذاكرة خارجية حتى 256 جيجا بايت.
  • أفضل معالج بتكنولوجيا نانو10 “كوالكم 845” واللي بيمنح الموبايل أداء ممتاز في التعامل.
  • ثماني النواة، أربعة أنوية بقوة 2.8 جيجا هيرتز وأربعة بقوة 1.8 جيجا هيرتز.
  • معالج الرسوم أوكتا كور Adreno 360 ، معالج قوي مش هتحس معاه بأي مشاكل وقت تشغيل الألعاب الثقيلة.
  • مزود بنظام تبريد مائي بيحافظ على الموبايل من إرتفاع الحرارة وقت التشغيل المستمر.
  • مزود بكاميرا خلفية مزدوجة بعدسة رئيسية 12 ميجا بكسل بفتحة f/1.9 وعدسة ثانوية 5 ميجا بكسل بفتحة عدسة f/2.0 بالإضافة لفلاش ليد ثنائي بميزة التركيز التلقائي وصور عالية الوضوح تحت ظروف أي إضاءة.
  • كاميرا أمامية مميزة بدقة 20 ميجا بكسل وفتحة عدسة f/2.0 بتوفرلك إلتقاط الصور السيلفي بدقة عالية ووضوح مذهل مع دعم العزل والبورتريه
  • بتقدر تصور من خلالها فيديوهات 4k وفيها مثبت إلكتروني.
  • جسم الموبايل مصمم من بلاستيك البولي كربونيت القوي ووزنه 180 جرام.
  • يدعم البصمة لمنحك أعلى حماية ممكنة.
  • يدعم أيضا خاصية بصمة الوجه وبتعمل بكفاءة حتى في الظلام لوجود مستشعر IR اللي بيتمكن من التعرف على الوجه بسرعة تحت أي ظروف إضاءة.
  • يدعم تشغيل نظارات ال VR اللي بتعيش معاها متعة الألعاب بشكل مذهل.
  • صوته ممتاز ومدعم بسبيكر بسماعات ستيريو.
  • بطارية 4000 مللي أمبير تدعم الشحن السريع وبتستمر لمدة 30 ساعة بالتواصل على الإنترنت والألعاب بشكل متواصل و146 ساعة في حالة المكالمات فقط.
  • يعمل بنظام أندرويد أوريو 8.1 اللي بيضيف للموبايل مزايا كتير منها تقسيم التطبيقات حسب لون أيقونة التطبيق.
  • مدعم براديو إف إم، ومخرج سماعات 3.5 مم.
  • شاشة الموبايل أدائها ممتاز تحت أشعة الشمس.

العيوب

  • مستشعر بصمة الوجه لا يعمل إلا عند تحويل بلد الموبايل الهند.
  • الموبايل وزنه تقيل نسبيًا وده بيرجع لحجم البطارية الكبير.
  • الصور في الكاميرا الخلفية بتكون مهزوزة في الإضاءة الضعيفة لأنها مش بتحتوي على مثبت بصري، لكن رغم كدا تعتبر الأفضل في فئتها.
  • الإشعارات مش بتظهر بسبب النتوء أو النوتش ولازم تسحب القائمة العلوية علشان تشوف الإشعارات.
  • لما بتشغل فيديوهات عالشاشة بشكل كامل بتظهر الحواف دائرية من أسفل الشاشة وحادة من إتجاه النوتش.

تجربة المستخدم

  • Poco f1 يعتبر من أحسن الموبايلات الموجودة في فئته السعرية، أداؤه عالي جدًا بسبب إن الرامات عالية فيه، بالنسبة للكاميرا السلفي أحسن كتير من الكاميرا الخلفية، والصوت فيه أوضح من موبايلات كتير، البطارية ممتازة وبتستمر وقت طويل وبتعتبر من ضمن المميزات القوية فيه، عيبه إنه مش مقاوم للمية.

شوف موبايل Xiaomi Poco F1  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *