المراجعة الكاملة لمميزات وعيوب موبايل Samsung Galaxy A52

المراجعة الكاملة لمميزات وعيوب موبايل Samsung Galaxy A52

كتب: خالد عاصم

قدرت سامسونج خلال الكم سنة اللي فاتوا إنها تستعيد مكانتها مرة تانية في سوق الهواتف المتوسطة بعد التطوير المتميز لفئة A اللي قدرت تكون منافس قوي جدًا لموبايلات الشركات الصينية اللي قدرت تفرض سيطرتها على الفئة دي لفترة مش قليلة، ومن بين الموبايلات المتميزة لفئة A المتوفرة في السوق المصري حاليًا، موبايل Samsung Galaxy A52 واللي رغم وجوده في السوق المصري لكذا شهر ورغم ظهور منافسين أقوياء إلا إنه لسا واحد من أفضل موبايلات الفئة السعرية دي لو ماكنش أفضلهم لعدد كبير من المستخدمين.

في المقال ده هنتعرف على موبايل Samsung Galaxy A52 عن قرب في ظل المنافسة القوية اللي فرضتها موبايلات جديد، وهنعيد تعرفنا على مميزات وعيوب الموبايل في ظل المنافسة دي، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A52

المواصفات

  • أبعاد الموبايل: ٨.٤ × ٧٥.١ × ١٥٩.٩ مم.
  • وزن الموبايل: ١٨٩ جرام.
  • البناء والصناعة: هيكل وظهر من البلاستيك بزجاج أمامي محمي بطبقة من زجاج كورنينج جوريلا جلاس الإصدار الخامس.
  • شرائح الاتصال: إصدار أحادي الشريحة وإصدار ثنائي الشريحة.
  • حماية الهاتف: يتمتع الهاتف بحماة ضد الغبار والغمر في المياة طبقًا لمعيار IP67.
  • شاشة الموبايل: شاشة موبايل Samsung Galaxy A52 من نوع Super AMOLED كاملة بثقب في المنتصف قطرها ٦.٥ بوصة ومعدلها ٢٠:٩ وده بيخليها تشغل حوالي ٨٤.١ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٧ بيكسل لكل بوصة والشاشة بتدعم معدل تحدي شاشة ٩٠ هيرتز ومحمية بزجاج كورنينج جوريلا جلاس الإصدار الخامس.
  • أداء الموبايل: معالج كوالكوم سنابدراجون 720G بمعمارية ٨ نانوميتر ثماني النواة وسرعته ٢٫٣ جيجا هيرتز لشريحتين من Kryo 465 Gold وبسرعة ١.٨ جيجا هيرتز لست شرايح Kryo 465 Silver والمعالج مدمج بمعالج جرافيكس Adreno 618. والموبايل بيصدر بإصدارات بذاكرة عشوائية ٤ جيجابايت رام أو ٦ جيجابايت رام أو ٨ جيجابايت رام وبذاكرة داخلية سعتها ١٢٨ جيجابايت أو ٢٥٦ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ شريحة الاتصال الثانية.
  • نظام التشغيل: الموبايل بيشتغل بنظام تشغيل أندرويد ١١ بواجهة مستخدم One UI 3.1
  • الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية PDAF وبمثبت صورة بصري وبقوة ١٢ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.2 للعسة الخاصة باستشعار عمق الصورة والكاميرا مدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدلات ٣٠/٦٠ إطار في الثانية، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٤٥٠٠ مللي أمبير في الساعة وبتدعم تقنية الشحن السريع بقوة ٢٥ وات.

مزايا وعيوب Samsung Galaxy A52

مزايا Samsung Galaxy A52

  • الموبايل سمكه مش كبير أوي وكمان وزنه مقبول جدًا يعني مش هيكون مزعج في استخدامه حتى بإيد واحدة
  • على عكس أغلب موبايلات الفئة دي الموبايل بيتمتع بحماية ضد الغبار والغمر في المياه لحد عمق ١ متر ولمدة ٣٠ دقيقة بحد أقصى طبقًا لمعيار IP67
  • تصميم الثقب أعلى المنتصف للشاشة وهو تصميم جذاب هو نفسه تصميم موبايلات سامسونج الرائدة  اللي بتعتمد على التصميم ده كونه الأفضل حاليًا
  • شاشة Super AMOLED بتتميز بإمكانيات كتير ومختلفة زي دقة العرض العالية ودعمها لمعدل تحديث ٩٠ هيرتز وقدرتها على الوصول لمعدلات سطوع عالية
  • الشاشة محمية بطبقة من زجاج كورنينج جوريلا جلاس الإصدار الخامس
  • الموبايل بيعتمد على معالج من أفضل المعالجات المتوسطة اللي ظهر خلال الفترة اللي فاتت وبيتميز المعالج ده بدعمه لعدد كبير من الألعاب اللي بيخدمها بأداء ممتاز جدًا
  • الموبايل بيتميز بإصدارات متعددة وبتدي مساحة اختيار واسعة جدًا للمستهلك
  • الموبايل بيقبل كروت الميموري
  • بيعتمد الموبايل على نظام تشغيل اندرويد ١١ مباشرة
  • عدسة رئيسية ممتازة للكاميرا الأمامية سواء من حيث الدقة أو المستشعر أو التقنيات زي مثبت الصورة البصري اللي مش بيكون متوفر في الموبايلات المنتمية للفئة دي
  • باقي عدسات الكاميرا الخلفية كمان ممتازة جدًا وبتقدم أداء ممتاز
  • كاميرا أمامية قوية جدًا
  • سماعات ستيريو قوي مع الاحتفاظ بمنفذ ٣٫٥ مم
  • الموبايل بيدعم تقنية NFC
  • ماسح بصمة مدمج أسفل الشاشة
  • بطارية مقبولة جدًا وبتدعم تقنية الشحن السريع بقوة ٢٥ وات

عيوب هاتف Samsung Galaxy A52

  • الموبايل بيعتمد على هيكل وضهر من البلاستيك
  • الشاشة مش بتدعم تقنية HDR
  • الموبايل بيقبل كروت الميموري من خلال منفذ شريحة الاتصال التانية يعني مش هتقدر تزود مساحة الموبايل وتستخدم شريحتين في وقت واحد
  • الكاميرا الخلفية مفيهاش عدسة مقربة
  • الموبايل مش بيدعم تقنية الشحن اللاسلكي ولا تقنية الشحن العكسي

اتعرف على عروض أسعار موبايل Samsung Galaxy A52 من هنا.

اتعرف على عروض أسعار موبايلات سامسونج المختلفة المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *