مراجعة Luxell دفاية هالوجين كهربائية- 3 شمعات- 1800 وات

كتبت: أمنية عزمي

رغم إن الشتاء من الفصول الجميلة لكن بيمر علينا فيه أيام بتكون برد جدا وبنبدأ ندور على كل وسائل التدفئة من لبس وأكل ومشروبات سخنة تدفينا وطبعا مع قعدة التليفزيون بيحلى وجود الدفاية، ومن ضمن الأنواع الكتير الموجودة اختارنا نتكلم عن دفاية لوكسيل الهالوجين ب 3 شمعات لأنها اختيار مثالي للغرف الصغيرة ووزنها خفيف وتقدر تشيلها وتنقلها معاك من مكان لمكان، مصممة بقاعدة ثابتة مانعة للإنزلاق، قوتها 1800 وات، بتوفر تدفئة سريعة ومزودة بمفتاح أمان وآمنة على الأطفال والحيوانات الأليفة.

هنتعرف في المراجعة دي مع ياقوطة  على أهم مواصفاته ومميزاته وعيوبه Luxell دفاية هالوجين كهربائية- 3 شمعات- 1800 وات ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الكود التعريفي للمنتج: LU775HL0K04B0NAFAMZ
  • اللون: أسود.
  • بلد المنشأ: مصر.
  • رقم الموديل: LX1
  • أبعاد المنتج: 520×277×125 ملم.
  • الخامة الأساسية: بلاستيك.

المميزات

  • بتتميز ب 3 شمعات عريضة وكبيرة بعرض تصميم الدفاية المستطيل بتساعد على نشر الدفا في المكان بسرعة.
  • سخان الدفاية بيشتغل بقوة 1800 وات وبالتالي بتوفر تسخين فوري وحرارة مناسبة للمكان.
  • مثالية للاستخدام في المنازل لأن حجمها صغير ويمكن وضعها في أي مكان والتنقل بها بين الغرف.
  • بتتمتع بسهولة استخدامها ونقلها من مكان لمكان من خلال مقبض متكامل بيسهل حملها.
  • مزودة بمفتاحين للتحكم في درجة الحرارة المطلوبة وبتوفر الأمان والراحة في المكان بدون تعب في اختلاف درجات الحرارة الشديد.
  • مصممة بقاعدة عريضة بتمنعها من الإنزلاق وبتحافظ على ثباتها في الصدمات.
  • مصنعة من خامات بلاستيك عالية الجودة مغطى بطبقة إلكتروستاتيك مقاومة للصدأ والرطوبة ومقاومة للحرارة.
  • تعمل بتقنية مصابيح الهالوجين المزدوجة بتوفر الدفى بسرعة وموفرة في الكهرباء ومناسبة جدا للبيوت.
  • تصميمها عصري ولون مناسب لكل الديكورات.
  • مزودة بضوء مؤشر للطاقة بيسهل عملية تشغيلها وايقافها تحت أي إضاءة.
  • عناصر التدفئة مصممة بشكل خاص بيقلل خطر إصابات الأطفال والحيوانات الأليفة بشكل كبير.
  • جودتها العالية بتخلي عمرها طويل ومن مميزاتها بتعمل تدفئة بدون روائح غريبة زي بعض الدفايات.

العيوب

  • غير مزودة بمفتاح أمان لفصل التدفئة عند وقوع الدفاية.
  • استهلاكها للكهرباء عالي مقارنة بأنواع الهالوجين المزودة بمروحة.
  • صوتها عالي في بداية التشغيل.
  • لا يوجد بها تايمر.

خدمة ما بعد البيع

  • غير وارد ليهم أي تليفونات ولا مراكز للصيانة ولا خدمة عملاء للتواصلوا معهم.

تجربة المستخدم

  • بعض الناس اشتكت ان السلك بيسخن جدا لما بيشغلوا ال 3 شمعات مع بعض وبالتالي مش بيشغلوا غير واحدة أو اتنين والتدفئة بتكون ضعيفة، لما حاولوا يدوروا على مراكز صيانة ما تمكنوش من الوصول لأي مكان ولا تليفونات بالإضافة ان في حالات لقت الضمان منتهي أصلا وهما لسه واخدينها من وقت قليل، الخامات ضعيفة ومش بتستحمل، ومفيهاش أمان انها تفصل لما تقع.

شوف Luxell دفاية هالوجين كهربائية- 3 شمعات- 1800 وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *