كتب: خالد عاصم

لو بتدور على جهاز لابتوب اقتصادي يساعدك في الدراسة أو الشغل وكمان يسليك لو بتحب الأفلام والمسلسلات، فالخيارات المتوفرة في السوق كتيرة جدًا، وبتقدمها مختلف الشركات، والنهاردة هنتكلم عن خيار من الخيارات الممتازة في أجهزة اللابتوب الاقتصادية، وهو لابتوب Lenovo IdeaPad 3 15ITL6 الاقتصادي من لينوفو.

فالنهاردة هنتكلم بالتفصيل عن لابتوب Lenovo IdeaPad 3 15ITL6 الاقتصادي وهنتعرف على كامل مواصفاته اللي هنراجعها بالتفصيل في المقال عشان نلقي نظرة فاحصة على اللابتوب ونعرف إن كان يستحق يكون من خيارات الشراء لو بتدور على لابتوب اقتصادي كويس ولا لا.

وما تنسوش إن لو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب Lenovo IdeaPad 3 15ITL6

المواصفات

• الشاشة: شاشة IPS ليد بإضاءة خلفية بقطر ١٥٫٦ بوصة بجودة Full HD Plus بدقة ١٩٢٠ × ١٠٨٠ بيكسل بمعدل تحديث ٦٠ هيرتز مضادة للانعكاس والتوهج بحواف نحيفة نسبيًا محيطة بيها وبمعد سطوع ٢٥٠ شمعة
• المعالج المركزي: معالج Intel Core i3-1125G4 الجيل الحداشر رباعي النواة بتردد بيوصل لحد ٣.٧ جيجا هيرتز بحد أقصى وبكاشات ٨ ميجابايت كاش
• الرامات: ٤ جيجابايت رام فئة DDR4 بتردد ٣٢٠٠ ميجا هيرتز 
• كارت الفيجا: كارت فيجا داخلي مدمج Intel UHD
• الذاكرة الداخلية: هارد ديسك HDD سعة ١ تيرابايت
• لوحة المفاتيح: لوحة QWERTY كاملة 
• المنافذ والمستشعرات: منفذ ٣٫٥ مم – منافذ USB مختلفة – منفذ HDMI – قارئ كروت ميموري
• بطارية: شريحتين ٣٨ وات في الساعة
• نظام التشغيل: ويندوز ١١

مراجعة لابتوب Lenovo IdeaPad 3 15ITL6

صحيح إننا نتكلم عن لابتوب بأكتر من ١٢ ألف جنيه على إنه لابتوب اقتصادي مسألة غريبة شوية، بس هو ده الواقع اللي لازم نتعامل معاه، ولازم نفهم إن الفئة السعرية دي في أجهزة اللابتوب بقى منطقي إننا نوصفها بالفئة الاقتصادية اللي بتعتمد على معالج زي intel Core i3 اللي بيعتمد على اللابتوب ده من لينوفو. بس لما نتكلم عن المعالج ده متخليهوش يخدعك بإنه ضعيف أوي للدرجة دي لأن الواقع مش كده، المعالج من الجيل الحداشر وده من أحدث أجيال المعالج ده، وبيتميز بإنه بتمن خيوط ورباعي النواة بتردد ٣٫٠ جيجا هيرتز وبتوصل لحد ٣٫٧ جيجا هيرتز في حالة الأداء القصوى، والمعالج كمان بكاشات سعة ٨ ميجابايت كاش، وده معناه إنه يقدر يقدم أداء ممتاز جدًا إجمالًا خصوصًا لو انت مش هتعتمد على تطبيقات تقيله زي الجرافيكس أو المونتاج ومش مهتم بالألعاب خصوصًا إن الهاز بيعتمد على كارت الجرافيكس المدمج في المعالج المركزي وهو Intel UHD المخصص لمعالجات الجيل الحداشر وبسعة أساسية ١٫٢٥ جيجا هيرتز وده بالتأكيد مش مناسب للألعاب بشكل عام ماعدا بعض الألعاب الخفيفة، عشان كده على مستوى الأداء فأنت تقدر تستخدم اللابتوب في مهامك اليومية العملية أو الدراسية المعتادة عدا المجالات اللي اتكلمنا عنها.

باستكمال الكلام عن الأداء، فاللابتوب بيعتمد على رامات سعة ٤ جيجابايت رام بس تقدر بعد ده تزودها لأن المعالج بيدعم الرامات لحد ٦٤ جيجابايت رام وكمان الماذر بورد بتدعم تركيب شريحتين رامات، يعني سرعة نقل بيانات ممتازة، أما على مستوى السعة التخزينية للجهاز فهي ١ تيرابايت، ودي مساحة ممتازة وكافية لتخزين كل الملفات اللي انت محتاجها حتى لو فيها عدد كبير من الأفلام أو المسلسلات عالية الجودة، وبما إن اللابتوب مش مخصص للألعاب فأنت مش هتضيع مساحة كبيرة في تخزين الألعاب الضخمة.

شاشة اللابتوب عادية ومعتادة في الفئة دي وغيرها، فاللابتوب بيعتمد على شاشه LCD بقطر كامل ١٥٫٦ بوصة وبتدعم جودة Full HD Plus بدقة 1920 × 1080 بيكسل وبتدعم معدل سطوع لحد ٢٥٠ شمعة وده معدل منخفض طبعًا بس لو مش هتستخدم اللابتوب أسفل ضوء مباشر فمش هتحس بمشكلة كبيرة، أما باقي عناصر المالتيميديا بشكل عام فبتتضمن كاميرا بجودة 720p وفيه سماعتين ستريو بقوة ١٫٥ وات بتدعم تقنيات دولبي أوديو يعني هيقدم تجربة صوتية ممتازة.

الجهاز طبعًا فيه كل المنافذ اللي هتحتاجها زي تلات منافذ USB مختلفة الفئات والإصدارات، بالإضافة لمدخل ٣٫٥ مم ومدخل HDMI ومدخل لقراية كروت الميموري الخارجية، وبطارية الجهاز كمان ممتازة وبتقدر تقدم أداء كويس جدًا، والجهاز بيعتمد على نظام تشغيل اندرويد ١١ هوم يعني مش محتاج أي مصاريف إضافية في شراء أي نسخة ويندوز أصلية.

اتعرف على عروض أسعار لابتوب Lenovo IdeaPad 3 15ITL6 من هنا.

اتعرف على عروض أسعار مختلف أجهزة لابتوب لينوفو من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.