مميزات وعيوب موبايل Huawei Y6 Prime 2019

مميزات وعيوب موبايل Huawei Y6 Prime 2019 الموبايل الأبرز في الفئة الاقتصادية

كتب: خالد عاصم

خلال الفترة اللي فاتت طرحت شركات كتير من الشركات المطورة للموبايلات عدد من الموبايلات متوسطة الفئة اللي بتتميز بسعر منخفض وبإمكانيات ممتازة، وده قدر يجذب عدد من المستخدمين اللي كانوا بيفضلوا الفئة الاقتصادية، وده أدى بطبيعة الحال لانخفاض سعر الموبايلات الاقتصادية عشان تقدر تقدم بديل مناسب أكتر لشريحة أكبر من المستخدمين، ومن بين الموبايلات اللي سعرها انخفض وبقت تمثل حل ممتاز للمستخدمين اللي بيتسهدفوا الفئة دي، موبايل Huawei Y6 Prime 2019 اللي رغم انخفاض سعره إلا أنه بيقدم حل كويس جدًا للمستخدمين خصوصًا على مستوى التصميم والشكل اللي مايختلفش كتير عن الموبايلات الاعلى في الفئة السعرية.

في المقال ده هنتكلم عن موبايل Huawei Y6 Prime 2019 المنتمي للفئة الاقتصادية وهنتعرف على مواصفاته ومميزاته وعيوبه وكمان متوسط سعره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

موبايل Huawei Y6 Prime 2019

المواصفات

  • أبعاد الموبايل: ٨ × ٧٣.٥ × ١٥٦.٣ مم.
  • وزن الموبايل: ١٥٠ جرام.
  • البناء والصناعة: جسم من البلاستيك بزجاج أمامي.
  • شرائح الاتصال:  ثنائي الشريحة.
  • شاشة الموبايل: شاشة موبايل Huawei Y6 Prime 2019 كاملة بشق قطرة المياه قطرها ٦.٠٩ بوصة بتشغل حوالي ٧٩.٢ في الميه من مساحة الموبايل الأمامية. والشاشة بتقدم دقة عرض ١٥٦٠ × ٧٢٠ بيكسل بكثافة ٢٨٢ بيكسل لكل بوصة والشاشة مصنوعة من شرائح IPS LCD.
  • أداء الموبايل: معالج MediaTek Helio A22 رباعي النواة وسرعته ٢.٠ جيجا هيرتز لأربع شرائح من Cortex-A53 والمعالج مدمج بمعالج جرافيكس PowerVR GE8320. والموبايل بيصدر بإصدار واحد بذاكرة عشوائية سعتها ٢ جيجابايت رام وبذاكرة داخلية سعتها ٣٢ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي.
  • واجهة المستخدم: EMUI 9
  • الكاميرا: الموبايل الكاميرا الخلفية بتاعته أحادية بقوة ١٣ ميجا بيكسل وفتحة مستشعر f/1.8 والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٨ ميجا بيكسل وفتحة مستشعر f/2.0 والكاميرا مدعومة بإضاءة فلاش ليد وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: خلفي.
  • المستشعرات: التسارع – التقارب.
  • البطارية: بطارية الموبايل غير قابلة للإزالة سعتها 3020 مللي أمبير في الساعة.
  • ألوان الموبايل: الأسود – الأزرق – البني.

مميزات وعيوب Huawei Y6 Prime 2019

مميزات Huawei Y6 Prime 2019

  • الموبايل بيتميز بتصميم ممتاز جدًا بيعتمد على شق قطرة المياه والحواف المحيطة بيه خصوصا من فوق ومن الجنبين نحيفة جدًا على عكس السفلية السميكة شوية بس بشكل مش مستفز.
  • الموبايل بيقبل شريحتين اتصال بيشتغلوا مع بعض في نفس الوقت.
  • شاشة الموبايل بتحتل نسبة مش بطالة من مساحة الموبايل الأمامية وتصميمها واعتمادها على معدل الشاشات الطويلة بيخليها تبان أكبر وبتوفر مساحة رؤية كويسة جدًا.
  • ألوان شاشة الموبايل واضحة وطبيعية.
  • الموبايل بيشتغل بنظام تشغيل اندرويد 9 باي.
  • الموبايل بيقبل كروت الميموري لحد 512 جيجابايت.
  • كروت الميموري مش بتعطل استخدام شريحة الاتصال التانية لأن ليها منفذ مخصص.
  • الكاميرا الخلفية للموبايل ممتازة جدًا على مستوى القوة وكمان فتحة المستشعر واسعة نسبياً وده بيساعد على إنه يلقط صور كويسة حتى في الإضاءة المنخفضة.
  • الكاميرا الخلفية مدعومة بتقنية التركيز التلقائي PDAF
  • الكاميرا الخلفية لموبايل Huawei Y6 Prime 2019 بتصور فيديو علي الجودة
  • الكاميرا الأمامية مقبولة
  • الكاميرا الأمامية مدعومة بفلاش ليد عشان تاخد صور سيلفي أوضح حتى في الإضاءة المنخفضة
  • الكاميرا الأمامية بتقدر تصور فيديو عالي الجودة
  • الموبايل فيه منفذ 3.5 مم
  • الموبايل فيه راديو إف إم بهوائي مدمج يعني يقدر يشتغل من غير ما تحتاج تركب السماعات
  • فيه ماسح بصمة.
  • بطارية الموبايل مقبولة جدًا خصوصا وإن الشاشة والبروسيسور مش بيستهلكوا طاقة كبيرة قوي.

عيوب Huawei Y6 Prime 2019

  • الموبايل وزنه خفيف جدًا وبمجرد ما بتمسكه ممكن تحس إن ثباته في إيدك ضعيف شوية.
  • الموبايل معمول من البلاستيك.
  • مفيش أي حماية أو عزل ضد الغبار أو المياه.
  • شاشة الموبايل وضهره مش محميين ضد الخدش أو الكسر.
  • الشاشة دقتها ضعيفة شوية بس ده ممكن يكون طبيعي بالنسبة لموبايل اقتصادي.
  • الموبايل بيعتمد على بروسيسور رباعي النواة بس صحيح أداءه كويس بس في حدود إمكانياته اللي ماتقدرش تشغل عدد كبير من الألعاب والتطبيقات المعقدة.
  • الموبايل بيصدر بإصدار واحد بس ومحدود على مستوى الرامات والذاكرة الداخلية.
  • كاميرا Huawei Y6 Prime 2019 الخلفية أحادية مفيهاش عدسة تانية تقدر تصور صور بورتريه.
  • الموبايل بيعتمد على منفذ microUSB في الشحن ونقل البيانات.
  • مستشعرات الموبايل محدودة جدًا.
  • الموبايل مش بيدعم تقنية الشحن السريع.

شوف عروض أسعار موبايل Huawei Y6 Prime 2019 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *