مراجعة مواصفات موبايل Huawei Nova 3

مميزات وعيوب و سعر و تقييم موبايل Huawei Nova 3  الممتاز

كتبت: أمنية عزمي

هواوي أصدرت فئة نوڨا من الموبايلات المعروفة بمواصفاتها الرائعة وخاماتها الممتازة في التصنيع ومن ضمنهم Huawei Nova 3 اللي بيتفوق بأفضل معالج كيرين 970 ثماني النواة اللي بيتميز بسرعته وأداؤه العالي اللي بيلبي كل إحتياجاتك بسهولة وسرعة، ومميز كمان بالكاميرا الخلفية 16 ميجا بكسل اللي فيها مستشعر IR للتعرف على الوجه وكاميرا أمامية 24 ميجا بكسل صورها في غاية الدقة وكل تفاصيلها واضحة وبتدعم الذكاء الإصطناعي، بالإضافة لمنفذ يو إس بي من فئة سي.

تعالوا مع ياقوطة نتكلم بالتفصيل عن أهم مواصفات ومميزات وعيوب موبايل Huawei Nova 3 ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الشاشة البروسيسور الرام الكاميرا الميموري البطارية الأندرويد
6.3 بوصة ثماني النواة 4 جيجا 16 + 24 (مزدوجة) 128 جيجا 3750 مللي أمبير أوريو

 المميزات

  • شاشة بحجم 6.3 بوصة IPS إل سي دي أبعادها 19.5:9، بدقة FHD+، ونسبة استحواذ الشاشة 83% يعني نسبة حواف الشاشة قليلة وهتحس بحجم الشاشة الكبير.
  • الشاشة بتحتوي على نوتش وفيه إمكانية إخفائها من الإعدادات.
  • مزود بشريحتين ويدعم شبكة الجيل الرابع يعني تقدر تشغل الشريحتين على 4G، وتقدر تستخدم مكان إحدى الشريحتين لإضافة كارت ذاكرة خارجية بالسعة اللي تحبها.
  • يدعم نظام التشغيل أندرويد أوريو 8.1 مدعم بواجهة هواوي EMUI 8.2
  • مميز بأفضل معالج من هواوي “كيرين 970″، تماني النواة وأداؤه قوي.
  • معالج الرسومات Mali-G72 MP12 اللي أثبت كفاءة عالية جدًا في تشغيل الألعاب والإنتقال بين التطبيقات بسرعة وسلاسة.
  • بيدعم GPU تربو اللي بيوفر في إستهلاك البطارية بنسبة كبيرة وبيحسن أداء الرسومات.
  • ذاكرته الداخلية 128 جيجا بايت مع 4 جيجا رام، مش هتشيل هم تطبيقاتك وذاكرة التخزين وكمان هتحس بالسرعة في الأداء.
  • كاميرا خلفية مزدوجة بدقة 24 ميجا بكسل + 16 ميجا بكسل واللي بتقدر تتعرف على 22 مشهد مختلف وبتوثق صور إستثنائية بفضل أدوات التصوير المدعومة بالذكاء الاصطناعي.
  • كاميرا أمامية مزدوجة بدقة 24 ميجا بكسل+ 2 ميجابكسل بتقدر تتعرف على 8 مشاهد متنوعة ومدعومة بالذكاء الاصطناعي وبتمنحك لقطات إحترافية، غير إنها بتدعم العزل والبورتريه.
  • تقنية إتش دي آر برو اللي بتتحكم من خلالها في تقنية التعريض الضوئي للموبايل لضمان دقة ووضوح الصور في الإضاءة تحت الشمس.
  • خاصية الإيموجي ثلاثية الأبعاد، بتقدر تاخد سيلفي من خلاله وتحول صورك لإيموجي وتختار كمان الصوت وتستخدمه في مواقع التواصل الاجتماعي أو مراسلاتك.
  • يدعم مستشعر بصمة الإصبع المتواجدة في ظهر الموبايل وسريع التعرف.
  • يدعم خاصية بصمة الوجه تحت أي ظروف إضاءة لتواجد مستشعر IR بالنوتش فبيتعرف من خلالها على بصمة الوجه.
  • بطارية قوية بسعة 3750 مللي أمبير، تدعم الشحن السريع ويكتمل الشحن في ساعتين وربع وتستمر طول اليوم.
  • يوجد به لمبة إشعارات تحت سماعة المكالمات بألوان مختلفة من اختيارك بتتعرف بها على التطبيق اللي يوجد به إشعارات.
  • يدعم تشغيل سماعات 3.5مم
  • الموبايل وزنه 166 جرام تصميمه زجاجي بطلاء لامع بتغير بانعكاس الضوء عليه، وإطار بنفسجي ألومنيوم لحماية أفضل.
  • زر الباور مصمم بنقشة مختلفة علشان تقدر تميز بينه وبين أزرار التحكم في الصوت بسهولة.

العيوب

  • معظم الأوقات مش بتقدر تميز لمبة الإشعارات إذا كانت مضيئة أو لا لأنها مش بتكون واضحة كفاية.
  • إذا احتاجت تركب كارت ذاكرة خارجية لازم تستغنى عن شريحة اتصال، مفيش مكان مخصص لكارت الذاكرة لوحده.
  • الموبايل لا يدعم خاصية NFC للنقل السريع، ولا يوجد به راديو إف إم.
  • البطارية غير قابلة للإزالة، لكن الاتجاه الحديث كله في الموبايلات بقى في نفس المشكلة.
  • مفيش معلومة بتقول إنه بيحتوي على شاشة حماية ضد الصدمات والخدوش.
  • غير مقاوم للماء.

تجربة المستخدم

  • هواوي نوفا 3 تخطى توقعاتي بمميزاته ومواصفاته الرائعة في فئته السعرية، وزنه خفيف وسريع سواء في الألعاب أو التطبيقات ومميز بصوره ووضوحها المذهل، مساحة تخزينه كبيرة مش هتحتاج معاها مساحة إضافية وشريحتين ومقابلتش مشاكل معاه.

شوف موبايل Huawei Nova 3 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *