كتب: خالد عاصم

أجهزة اللابتوب المخصصة للألعاب بتحتل فئة أو نطاق سعري كبير، فممكن تشتري لابتوب ألعاب في نطاق ما بين 20 لحد 30 ألف كفئة أولى، بس لو بنتكلم في لابتوب ألعاب حقيقي فاحنا بنتكلم في رقم كبير، بس قصاد الرقم ده لازم تبقى واثق إن معاك وحش مفيس حاجة تقدر تقف قصاده، وده اللي بيقدمه لابتوب HP Victus 15-fa0092nia المخصص للألعاب.

جهاز HP Victus 15-fa0092nia من الأجهزة المتميزة من بين أجهزة اللابتوب المخصصة للألعاب واللي بيتميز بإمكانيات قوية جدًا وكمان بسعر يعتبر مناسب بالنسبة للنوع ده من الأجهزة وكمان بالنسبة لارتفاع الأسعار الكبير حاليًا، وفي المقال ده هنتكلم عنه بالتفصيل وهنعرض عليكم مراجعتنا الكاملة لمواصفاته.

وما تنسوش إن لو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب الألعاب HP Victus 15-fa0092nia

المواصفات

• الشاشة: شاشة IPS ليد بإضاءة خلفية بقطر ١٥٫٦ بوصة بدقة ١٩٢٠ × ١٠٨٠ بيكسل بمعدل تحديث 144 هيرتز مضادة للانعكاس والتوهج بأقصى معدل سطوع ٢٥٠ شمعة بتغطي نطق ألوان NTSC بنسبة ٤٥ في الميه وبتستحوذ على نسبة حوالي ٨٢٫٢ في الميه من مساحة الجسم بدون حساب السماعات
• المعالج المركزي: معالج Intel Core i7-12700H بتردد يوصل لحد ٤٫٧ جيجا يرتز مع تقنية Intel Turbo Boost والمعالج بذاكرة تخزين مؤقتة L3 سعتها ٢٤ ميجابايت ومكون من ١٤ نواة و٢٠ سلسلة معالجة
• الرامات: ١٦ جيجابايت رام فئة DDR4 بتردد ٣٢٠٠ ميجا هيرتز مكونة من شريحتين
• كارت الفيجا: كارت Nvidia GeForce RTX 3050 سعة ٤ جيجابايت رام فئة GDDR6
• الذاكرة الداخلية: سعة ٥١٢ جيجابايت فئة SSD
• لوحة المفاتيح: لوحة QWERTY بإضاءة خلفية من اللون الفضي
• البطارية: أربع خلايا سعة ٧٠ وات في الساعة
• الصوتيات: سماعات ستريو – ميكروفونات ثنائية التوجه
• المنافذ: منفذ ٣٫٥ مم – ٤ منافذ USB مختلفة – منفذ HDMI – منفذ إيثرنت – منفذ DisplayPort
• نظام التشغيل: DOS

مراجعة لابتوب الألعاب HP Victus 15-fa0092nia

لابتوب HP Victus 15-fa0092nia بيتميز بإمكانيات رائعة اللي هتخليه يقدر يدعمك في عالم الألعاب لفترة مش قليلة إطلاقًا، يعني هتدفع رقم كبير بس هيعيش معاك سنين بقدرة على تشغيل الألعاب على إعدادات عالية. وده بيبدأ من المعالج المركزي اللي بيعتمد عليه اللابتوب، وبيعتمد لابتوب HP Victus 15-fa0092nia على معالج Intel Core i7-12700H بتردد يوصل لحد ٤٫٧ جيجا يرتز مع تقنية Intel Turbo Boost والمعالج بذاكرة تخزين مؤقتة L3 سعتها ٢٤ ميجابايت ومكون من ١٤ نواة و٢٠ سلسلة معالجة، يني طاقة استثنائية بتقدر توفرلك كل القوة اللي انت محتاجها عشان الألعاب والمام المتعددة والتطبيقات التقيلة.

وعلى الرغم من أهمية المعالجات إلا إن الأجهزة المخصصة للألعاب بتعتمد بشكل رئيسي على كارت الجرافيكس أو معالج الرسوميات، وجهاز النهاردة بيعتمد على كارت Nvidia GeForce RTX 3050 سعة ٤ جيجابايت رام فئة GDDR6 وده واحد من افضل كروت الجرافيكس الموجودة في السوق حاليًا، يعني هتشغل كل الألعاب اللي نفسك فيها وعلى أعلى إعدادات من غير ما تحس بأي مشكلة، ده غير إن الكارت ده بيتمتع بمجموعة كبيرة من التقنيات المختلفة اللي هتخلي الصورة تطلع في أفضل شكل ممكن خصوصًا مع توصيل اللابتوب على شاشات كبيرة بتدعم تقنيات زي جودة 4K ومعدلات التحديث المرتفعة.

وعلى ذكر الشاشة، فشاشة اللابتوب ممتازة ومش بينقصها بس غير إنها بتدعم جودة 1080p بس وده طبيعي في اللابتوبات، وبيجي لابتوب HP Victus 15-fa0092nia بشاشة IPS ليد بإضاءة خلفية بقطر ١٥٫٦ بوصة بدقة ١٩٢٠ × ١٠٨٠ بيكسل بمعدل تحديث 144 هيرتز مضادة للانعكاس والتوهج بأقصى معدل سطوع ٢٥٠ شمعة بتغطي نطق ألوان NTSC بنسبة ٤٥ في الميه وبتستحوذ على نسبة حوالي ٨٢٫٢ في الميه من مساحة الجسم بدون حساب السماعات. وعشان التجربة تكمل فالجهاز كمان بيتمتع بنظام صوتي قوي بفضل الاعتماد على سماعتين ستريو قويتين مع دعمهم بتقنيات HP Audio Boost وتقنيات شركة B&O الشهيرة.

بالعودة لمواصفات وخصائص الجهاز، فهو بيتميز برامات سعتها ١٦ جيجابايت رام مكونة من شريحتين سعة ٨ جيجابايت رام فئة DDR4 بمعدل تحديث ٣٢٠٠ هيرتز يعني تقدر تنقل بيانات بسرعة بتوصل لحد ٣٢٠٠ ميجا في الثانية، أما الذاكرة الداخلية فسعتها ٥١٢ جيجابايت من فئة SSD وممكن طبعًا تزودها من خلال وسائل كتير مختلفة.

بيتميز اللابتوب كمان باعتماده على أحدث التقنيات اللاسلكي المختلفة وبنظام لقط صوت قوي، وكمان فيه كاميرا HP Wide Vision عالية الجودة ده غير لوحة المفاتيح كاملة الحجم اللي بتعتمد على إضاءة خلفية باللون الفضي، والجهاز بيعتمد على بطاري قوية مكونة من أربع خلايا بقدرة ٧٠ واط في الساعة بتقدر تشتغل لحد ٨ ساعات وربع وبتدعم الشحن السريع لحد ٥٠ في الميه في نص سعة بس.

اتعرف على عروض أسعار لابتوب HP Victus 15-fa0092nia من هنا.

اتعرف على عروض أسعار أجهزة لابتوب HP المختلفة من هنا.

اتعرف على عروض أسعار مختلف أجهزة لابتوبات الألعاب على ياقوطة من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.