كتبت: أمنية عزمي

من أحسن أنواع مواتير المياه اللي بتستحمل وتعيش معاك بدون مشاكل فترات طويلة هي المواتير الإيطالي وتمنها فيها لأنها بتوفر عليك الأنواع الصيني اللي بيكون عمرها قصير وبتبوظ بسرعة، علشان كده دايما بنتختار الأنواع اللي بتقدر تعتمد عليها مهما كان عدد الشقق أو الأدوار في البناية وطبعا حسب قوته المخصصة لعدد الشقق والأدوار، أسير من الشركات الإيطالية المعروفة بجودتها رغم إن ملهاش شهرة كبيرة في مصر وبتوفر مواتير من 1 ل 3 حصان، تابعونا في المراجعة دي هنتكلم على موتور من منتجاتها بقوة 1 حصان.

هنشرح مع ياقوطة أهم مواصفات ومميزات وعيوب موتور ضخ مياه 1 حصان- أسير- إيطالي وهنتعرف على رأي المستخد فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• مصدر الطاقة: سلك كهرباء.
• النوع: مضخات مياه.
• رقم الموديل: MA1000
• الرقم المميز للسلعة: 2724698246691
• الخامة الأساسية: معدن.
• بلد المنشأ: إيطاليا.

المميزات

• موتور كفائته عاليه جدا، إيطالي الصنع ويعمل بقوة محرك 1 حصان، وبيغذي 5 شقق وقوته بيكفي لحد الدور السادس.
• مصنع من أفضل وأجود الخامات، الملف والساقية مصنعين من النحاس الصافي عالي النقاء، ودا طبعا أفضل كتير من الحديد اللي بيصدي ويعمل إنسداد ويكون سبب رئيسي لأعطال أتوماتيك موتور المياه.
• شديد التحمل، الموبينة مصنعة من الاستانلس ستيل ضد الصدأ.
• محرك أحادي الطور، بتبلغ سرعة المحرك فيه 2800 لفة في الدقيقة، المكثف 20.
• قدرته عالية على سحب المياه وبيرفع المياه لحد 52 متر كحد أقصى.
• صوته هادي وتقدر تركبه داخل أو خارج المنزل وتقدر كمان تثبته في الأدوار العالية لأنه مش بيسبب أي إزعاج.
• قوته 230 فولت/ 50 هيرتز، يعني تقدر تركبه في أي مكان من غير تجهيزات.
• بيوفر في إستهلاك الطاقة.
• الموتور مهيأ للخدمة الشاقة وأداؤه عالي ومزود بحمالة علشان تحميه من التحميل الحراري التلقائي المتكامل وده بيزود في عمره ويخليه يقدر يشتغل بنفس الكفاءة سنوات.
• يعمل أتوماتيك مع صنبور المياه، والنوع ده بيشتغل بفلوماك مش بالونة يعني مع فتح الحنفية الموتور بيشتغل ويفصل لما تقفلها.

العيوب

• قطعة مراقبة تدفق المياه في الفلوماك بتكون شاغلة حوالي 40% من فتحة تدفق المية واللي بيقلل خروج المياه وده مش بيناسب أماكن السحب العالي.
• الفلوماك بيفضل يكون إستخدام شخصي أو عدد محدود لانه لو استخدمته في بناية كبيرة معرض إن يكون فيها كذا شقة عندها تسريب مياه في حنفية أو تواليت ومجموعة التسريبات دي لما بتكون في عمارة كبيرة بتخلي الموتور يحس إن في مية إتفتحت فا يشتغل ومش هيفصل وبيحرق الموتور وبناء عليه مش بيناسب البنايات الكبيرة ودا لو قوته أكتر من 1 حصان لكن ال 1 حصان مناسب لوضع ال5 شقق، ده غير إن فتحة الموتور وتشغيله كتير دي بتستهلك كهربا كبيرة.

خدمة العملاء

• عليه ضمان 6 شهور ضد عيوب الصناعة، وليه وكلاء للصيانة في مصر وقطع غياره موجودة وبتتعامل مع مهندسيين أو فننين كفائتهم عالية.

تجربة المستخدم

• الموتور قوي وضغط المية فيه عالي وملوش مشاكل، صوته أعلى من المتوقع لكن مش مزعج زي باقي المواتير، أداؤه رائع ومفيش شكوى منه.

شوف موتور ضخ مياه 1 حصان- أسير- إيطالي من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.