مزايا وعيوب موبايل Oppo A83

مميزات وعيوب و سعر و تقييم موبايل Oppo A83

كتبت: أمنية عزمي

أوبو رغم إنها شركة حديثة لكن بتنافس بكل قوتها لإثبات نفسها في السوق بموديلات مختلفة كتير وكل موديل بيوفر إمكانيات تناسب المستخدم بأسعار اقتصادية ومواصفات عالية وقدرت فعلا تعمل لاسمها كيان قوي في وقت قليل. ومن أحدث إصداراتها لهذا العام هو موبايل Oppo A83 اللي بيتميز بإمكانياته العالية اللي بتفي بإحتياجات المستخدم واللي نزلته بتقنيات قوية منافسة في إمكانياتها وسعره في السوق.

مع ياقوطة هنتعرف في المراجعة دي أهم مواصفات ومميزات وعيوب Oppo A83 ونعرف رأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه اللي تقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الشاشة نظام التشغيل البروسيسور الذاكرة الداخلية الرامات الكاميرا الخلفية الكاميرا الأمامية البطارية
٥.٧ بوصة أندرويد نوجا 7.1 ثماني النواة ٣٢ جيجا بايت ٣ جيجا رام ١٣ ميجا بكسل ٨ ميجا بكسل ٣١٨٠ مللي أمبير

المميزات

  • شكله أنيق ووزنه ١٤٣ جم، أبعاده ١٥٠٫٥ × ٣٧٫١ × ٧.٧
  • شاشة كبيرة بحجم ٥٫٧ بوصة، دقة ٧٢٠ × ١٤٤٠ بكسل، تاتش كاباستيف IPS LCD اللي بتتميز بجمال ألوانها وفيها ١٦ مليون لون وبتمنحك رؤية واضحة من كل الزوايا، وبتوفر في استهلاك البطارية.
  • نظام التشغيل أندرويد نوجا إصدار 7.1  اللي من مميزاته الإضاءة الليلية اللي بتحمي عين المستخدم، وبتحسن مستوى أداء الشاشة، بيعمل تحديثات بشكل تلقائي.
  • معالج ثماني النواة بسرعة 2.5 جيجا هيرتز كورتكس، نوع المعالج ميدياتك MT6763T هيليو 23P.
  • ذاكرته الداخلية ٣٢ جيجا بايت وممكن تدعمه بذاكرة خارجية ل ٢٥٦ جيجا بايت في مكان منفصل بدون إزالة شريحة الاتصال.
  • الإصدار الموجود في السوق مزود ب ٣ جيجا رام وفيه نسخ منه ب ٤ جيجا رام.
  • الكاميرا الخلفية ١٣ ميجا بكسل بفتحة عدسة f/2.2 وفلاش إل إي دي وميزة التحديد التلقائي والبانوراما وخاصية ضبط تركيز الكاميرا باللمس، والفيديو بدقة ١٠٨٠ بكسل.
  • الكاميرا الأمامية ٨ ميجا بكسل.
  • البطارية قوتها ٣١٨٠ ملي أمبير غير قابلة للإزالة.
  • الموبايل بيدعم شريحتين وده مناسب لأغلبية الناس اللي بتشيل أكتر من خط موبايل.

العيوب

  • مفيهوش مستشعر بصمة.
  • مفيهوش راديو إف إم.
  • مش بيدعم خاصية الشحن السريع.
  • مش مزود بشاشة حماية من الصدمات والخدوش.

تجربة المستخدم

  • الموبايل مريح في مسكته وحجم شاشته مريح في الألعاب والفيديوهات والقراءة سهلة من عليه، وسعره كويس جدا بالنسبة لإمكانياته، الكاميرا كويسة لكن مش الأعلى في فئته وبستخدم معاه نظارة VR في الألعاب وممتعة الحقيقة، وبطاريته معقولة بالنسبة لحجم الشاشة ومع الاستخدام العادي من غير إنترنت بتستمر يوم وبالواي فاي بتستمر حوالي ٦ ساعات استخدام متواصل، لكن البطارية غير قابلة للإزالة ودا عيب فيه وكمان مفيهوش ميزة الشحن السريع.
  • رغم مميزاته ومواصفاته لكن مفيهوش راديو بالرغم إن أي موبايل في فئته فيه راديو، وبما إني من الناس اللي مهم عندها جدا الراديو فبيمثل بالنسبة لي عيب.

شوف موبايل Oppo A83 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *