كتبت: أمنية عزمي

الجسم الممشوق هو حلم كل حد فينا بيتمناه ويعيش على أنظمة الريجيمات ويشتغل على تغيير نظام الحياة بشكل أفضل علشان يحقق حلمه، إضافة ميزان لحمامك يخليك تقدر تتابع وزنك كل يوم الصبح وبالتالي يشجعك إنك تتحكم أول بأول في أسلوب حياتك بشكل صحي وتغير العادات اللي متعود عليها اللي بتسبب سوء التغذية وزيادة الوزن، ولو كنت من الناس اللي وزنها مثالي هيساعدك تطمن على وزنك باستمرار، الموازين الحديثة فيها أنواع كتير ومميزات تقدر تساعدك من خلال المعلومات اللي بتقدمهالك لتحسين صحتك، كمان تصميماتها فيها تنوع كبير، منها المصنوع من المعدن والبلاستيك ومنها المصنع من الزجاج من نوعية خاصة وهو الأكثر انتشارا وطلبا ومصمم لتحمل الأوزان الثقيلة وشكله أنيق وقياسه رقمي وبيقدم قياس دقيق.

هنتكلم في المراجعة دي مع ياقوطة عن ميزان رقمي لقياس وزن الجسم- 180 كيلو وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر بنفسك تقارن بينهم وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الرقم المميز للسلعة: 2724592617573
• النوع: رقمي.
• السعة القصوى للوزن: 180 كيلو.

المميزات

• شكله عصري أنيق، مصمم من خامات زجاجية سمك 8 ملي قوية ومستقرة في الاستخدام، لما تقف عليه بتحس بالصلابة والثبات خاصة إن حجم القاعدة كبير ومريح للناس بشكل عام والأحجام الكبيرة.
• ميزان ديجيتال حساس لدرجة كبيرة وبيدي نتائج حقيقية وفريدة حتى في الوزن الأدنى في الكسور.
• مزود بشاشة LCD كبيرة بيظهر عليها الوزن بشكل أرقام كبيرة واضحة يسهل قرائتها.
• بيتحمل الأوزان العالية حتى 180 كيلو وبالتالي سعته أعلى من موازين كتير واستخدامه أوسع.
• مزود بأربع أجهزة استشعار مدمجة في القاعدة بتوصل قراءة دقيقة للوزن ومصممة بشكل يحافظ على ثباته.
• مصنع من مواد تتحمل الصدمات والأوزان الثقيلة.
• سهل الاستخدام، استخدام الميزان الرقمي سهل جدا وبتقدر تشغله بنفسك وإيقاف التشغيل بيكون بشكل تلقائي بعد الوزن.
• وزنه خفيف بيسهل حمله ومش بياخد حيز من المكان وتقدر تخزنه في أي مكان لو حبيت.

العيوب

• رغم انه قوي وبيتحمل الصدمات لكن مع الصدمات المتكررة أو الوقوع ممكن يتكسر لكن ده مش بيحصل لو كان ثابت في مكانه ومش بيتحرك كتير.
• بيحتاج تنظيف مستمر خاصة لو مكانه في الحمام لأن السطح الزجاجي بيبان عليه الأوساخ وبيبوظ أناقته.
• بيحتاج تغيير للبطارية كل فترة وبالتالي احتفظ ببطاريات احتياطي طول الوقت علشان ما يتوقفش فجأة.
• مش معروف نوعه ولا مذكور ليه فترة ضمان وغالبا بيكون الضمان لمدة سنة من البائع.

تجربة المستهلك

• الناس اللي جربته بتشكر فيه جدا وانه دقيق في وزنه حتى لو الوزن اختلف في نفس المرة وبيقولوا ان ده الطبيعي وبتاخد بأول وزن، بيتحمل الأوزان ومريح في الوقفة عليه.
• بعض الناس قالت انها بتحتاج تعمل له اعادة ضبط كل فترة من شهرين لتلاتة من الاستخدام.
• جربته وطلع وزني زايد وجابلي اكتئاب، وبعدها جربت أكتر من ميزان طلع أقل من الرقم اللي كان عليه.

شوف ميزان رقمي لقياس وزن الجسم- 180 كيلو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 15 شهر، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.