مراجعة مفرمة لحم نوفال ١٦٠٠ وات

مميزات وعيوب و سعر مفرمة لحم نوفال ١٦٠٠ وات

كتبت: أمنية عزمي

 المفرمة الكهربائية بقت من الأجهزة المنزلية اللي ممكن نستغنى بيها عن الفرم خارج المنزل، ونقدر من خلالها نتحكم في مدى نعومة اللحمة المفرومة على حسب نوع الأكلة اللي هنستخدمها فيها عشان نطبخ أشهى الأطباق. كمان ممكن نستعملها في عجن وفرم مكونات الكحك وبعض أنواع الحلويات، ودي كلها أمور بتسهل وقت وكمان بتوفر فلوس.

هنتكلم النهارده عن واحدة من أكتر المفارم شعبية على ياقوطة. مفرمة لحم نوفال ١٦٠٠ وات، وهنتعرف من خلال الريفيو ده على مواصفاتها ومميزاتها وعيوبها ورأي المستخدمين فيها علشان لو عجبتك وحبيت تشتريها تقدر تطلبها من خلالنا وهتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

استهلاك الطاقة ١٦٠٠ وات.
وزن الحزمة ٦ كيلو.
كو المنتج NO497HL07W8SKNAFAMZ
الخامة الأساسية معدن ستانلس ستيل.
اللون أسود.
بلد المنشأ مصر.
كدة الضمان عامان.
العلامة التجارية نوفال.
الرقم المميز للسلعة 2724446483538

المميزات

  • العلامة التجارية نوفال. شركة نوفال واحدة من أكبر الشركات الرائدة في السوق المصرية ومحافظة على مستوى منتجاتها واسمها قوي في السوق.
  • قدرتها الكهربائية ١٦٠٠ وات. دي من أهم المميزات اللي لازم تدور عليها في المفرمة الكهربائية اللي هي الطاقة أو القدرة الكهربائية، وكل ما بتكون أعلى بيبقى الموتور أو المحرك أقوى وبتنتج كميات أكبر في وقت قصير بيقاس بالدقيقة ١٦٠٠ وات قدرة جيدة جده علشان تقوم بالفرم بالشكل والسرعة والقوة المطلوبين.
  • موتور هادي. صوتها هادي مش بتعمل صفير أو صوت عالي وقت التشغيل.
  • مزودة بمفتاحين للأمان في التشغيل. وده أمان أكتر لو عندك أطفال ممكن يلعبوا فيها.
  • مزودة بضاغط طعام. وده اللي بيساعدك في ضغط اللحوم أو أنواع الطعام اللي عايز تفرمها داخل المفرمة.
  • شكل انسيابي. مفرمة لحم نوفال مميزة بشكلها الانسيابي الأنيق واللي بيدي إضافة لأي مطبخ توضع فيه.
  • مزودة بأسلحة لفرم ناعم وخشن ومتوسط. كل ما بتتعدد أسلحة المفرمة كل ما بتديك اختيارات أوسع لطريقة الفرم والإخراج بالشكل المطلوب للطعام حسب احتياجك. سواء خشن، أو ناعم، أو متوسط. وبيتحكموا فيها عن طريق عدد وحجم الثقوب اللي بيخرج منها اللحم وده اللي بيديك القوام اللي محتاجة حسب اختيارك.
  • فيها خاصية الدوران العكسي. دي من أهم المواصفات والمميزات اللي لازم تتأكد إنها موجودة في المفرمة وهي الدوران بشكل عكسي، لإن هي اللي بتحصل من خلالها على فرم ناعم للحوم.
  • مزودة بأداة حشو السجق وأداة الفرم المتجانس لعمل كبيبة.
  • مصنعة من الاستانلس ستيل وهو معدن مش بيصدي وسهل تنضيفه.
  • حجم المفرمة مناسب لاحتواء كمية كبيرة من اللحم أو المواد المراد فرمها.

العيوب

  • مش مزودة بقواعد مطاطية كافية اللي بتمنعها من الانزلاق.
  • استهلاكها للكهربا عالي بسبب قوة الموتور.
  • لازم تنضف اللحم من الشغت، لإنه لو دخل في المفرمة بيوقف عملها لو قطع كبيرة.
  • الأسلحة اللي معاها مش كافية، وكان يفضل إنها تكون مزودة بوحدهت البسكوت والحلويات.

خدمة العملاء

  • نوفال بتديك سنتين ضمان على المفرمة وبتوفر قطع غيار أصلية.
  • مستوى خدمة العملاء سيء جده في التعامل والاستجابة للعميل والرد والتفاعل معاه ومستوى الفنيين سيء للأسف.

تجربة المستخدم

  • منتج جيد ومميز.
  • خدمة العملاء سيئة جدًا ومفيش استجابة للشكاوى من المستخدمين ولا رد على التليفونات للأسف.
  • مفيش عندهم لا ضمان ولا صيانة ولا خدمة ولا أي ثقة في التعامل.

شوف مفرمة لحم نوفال ١٦٠٠ وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

3 thoughts on “مراجعة مفرمة لحم نوفال ١٦٠٠ وات”

  1. السلام عليكم عن تجربه مفرمه سيئه جدا جدا جدا والماتور ضيعيف جدا لايعبر عن 1600 وات هذا المنتج الشركه المنتجه بتستخف بعقول المصريين وتقول 1600 وتنصح جموع الناس بالابتعاد عن هذا المنتج لانه لايعبر الاعن الاستخفاف بعقول الناس واين اداره الرقابه والجوده من هذا المنتج انا مستعد أن أكون قيد المسئاله إذا اختلاف كلامى عن ما قلت

  2. مفرمة نوفال زى الزفت وما فيش قطع غيار للمفرمه والتروس البلاستك سهلة الكسر وعندى فرامه نوفال عطلانه من سنتين بسبب مافيش ترس لها فى السوق وخدمة العملاء سيئه ونصابين

  3. جمال اسكندرية says:

    ماركة زبالة وسيئة وملهاش توكيلات وحت التوكيل الوحيد بيلعن التعامل مع شركة نوفال وملهاش قطع غيار فى السوق خالص فلوس واترمت فى الارض

Leave a Reply

Your email address will not be published. Required fields are marked *