مواصفات وأسعار مضخة مياه بينتير نوكي Pentair Nocchi

كتبت: أمنية عزمي

الغالبية العظمى من البيوت والعمارات السكنية بتستخدم مضخات المياه والمواتير لضمان وصول المياه بالكميات والقوة المطلوبة للاستخدام، وبما إن الانتشار الكبير لأنواع المضخات عمل روح منافسة قوية بين الشركات المنتجة والكل بيتنافس على تحسين عمل المحرك والأسلاك الموجودة فيه واللي اختيار مواصفاتها بيكون مهم جدا لأن هي اللي بتعزل المحرك عن الماء، اختارنا نتكلم عن واحد من الأنواع الإيطالية Pentair المميزة بخبرة تزيد عن ال 90 سنة ومعروفة  في السوق إنها من الأنواع اللي بتستحمل وتعيش معاك بدون مشاكل فترات طويلة.

تابعنا مع ياقوطة علشان تتعرف على أهم مواصفات ومميزات وعيوب مضخة مياه بينتير نوكي Pentair Nocchi وهنتعرف على رأي المستخدم فيها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري مضخة مياه بينتير نوكي Pentair Nocchi من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • النوع: مضخات مياه.
  • رقم الموديل: NEWJET 45/43M
  • الكود التعريفي للسلعة: PE176HL0N8TSMNAFAMZ
  • بلد الصنع: إيطاليا.
  • الخامة: صلب.
  • الوزن: 8.2 كيلو.
  • اللون: أسود.
  • فترة الضمان: 1 عام.

المميزات

  • موتور كفائته عاليه جدا، إيطالي الصنع، قدرته على ضخ المياه تصل ل 43 متر ودي مسافة كبيرة جدا تخليك تقدر تستخدمه للأدوار العالية.
  • مضخة فتيلة ذاتية أو التحضير الذاتي وبتقوم بعملية التحضير الذاتي حتى مع وجود فقاعات الهواء أو فقاعات الغاز المحبوسة في الماء.
  • بتتميز بالقدرة على رفع وتوزيع المياه في الأنظمة المحلية سواء مع التشغيل المتواصل أو على فترات متقطعة.
  • متعددة الإستخدامات، بتقدر تستخدمها في غسل وري الحدائق وتوصيل المياه للنوافير والتحويلات ولرفع المياه النقية من الآبار بشرط أن لا تحتوي على مواد صلبة مترسبة أو مواد لاصقة لان استخدامها أصلا للمياه النقية.
  • بيعتمد في استخدامه على الكهرباء، قوته 230 فولت/ 50 هيرتز، يعني تقدر تركبه في أي مكان من غير تجهيزات بالإضافة إنه موفر للكهرباء.
  • الموتور مهيأ للخدمة الشاقة وأداؤه عالي ومزود بحمالة علشان تحميه من التحميل الحراري التلقائي المتكامل ودا بيزود في عمره ويخليه يقدر يشتغل بنفس الكفاءة سنوات.
  • يعمل أتوماتيك مع صنبور المياه، والنوع دا بيشتغل بفلوماك مش بالونة يعني مع فتح الحنفية الموتور بيشتغل ويفصل لما تقفلها.

العيوب

  • الفلوماك بيفضل يكون إستخدام شخصي أو عدد محدود لأنه لو استخدمته في بناية كبيرة معرض إن يكون فيها كذا شقة عندها تسريب مياه في حنفية أو تواليت ومجموعة التسريبات دي لما بتكون في عمارة كبيرة بتخلي الموتور يحس إن في مية إتفتحت فا يشتغل ومش هيفصل وبيحرق الموتور وبناءا عليه مش بيناسب البنايات الكبيرة وده لو قوته أكتر من 1 حصان لكن ال 1 حصان مناسب لوضع الـ 5 شقق.
  • قطعة مراقبة تدفق المياه في الفلوماك بتكون شاغلة حوالي 40% من فتحة تدفق المية ودا بيقلل خروج المياه وده مش بيناسب أماكن السحب العالي.
  • عليه ضمان لمدة سنة.

تجربة المستخدم

  • آراء المستخدم بتقول إن الموتور رائع وقوي وضغط المية فيه عالي ومالوش مشاكل، صوته أعلى من المتوقع لكن مش مزعج زي باقي المواتير، أداؤه رائع ومفيش شكوى منه.

شوف مضخة مياه بينتير نوكي Pentair Nocchi من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *