بعد شهور من توفره في السوق المصري … مراجعة موبايل Samsung Galaxy A32

بعد شهور من توفره في السوق المصري ... مراجعة موبايل Samsung Galaxy A32

كتب: خالد عاصم

بعد مرور شهور على توفره في السوق المصري لا يزال موبايل Samsung Galaxy A32 يعتبر من بين الخيارات المتميزة اللي لازم نحطها عين الاعتبار لكل واحد عايز يشتري موبايل جديد، بس بعد ارتفاع الأسعار ووصول موبايلات جديدة للسوق، بقينا محتاجين نعيد نظرتنا مرة تانية للموبايل في ظل المنافسة القوية الحالية، وعشان كده بنراجع الموبايل عشان نعرف مميزاته وعيوبه في ظل المنافسة القوية الحالية في السوق.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A32

المواصفات

  • أبعاد الموبايل: ٨.٤ × ٧٣.٦ × ١٥٨.٩ مم.
  • وزن الموبايل: ١٨٤ جرام.
  • البناء والصناعة: هيكل وظهر من البلاستيك بزجاج أمامي.
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة Super AMOLED كاملة بشق قطرة المياه قطرها ٦.٤ بوصة ومعدلها ٢٠:٩ وده بيخليها تشغل حوالي ٨٤.٦ % من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤١١ بيكسل لكل بوصة والشاشة بتدعم معدل تحدي شاشة ٩٠ هيرتز.
  • أداء الموبايل: معالج MediaTek Helio G80 بمعمارية ١٢ نانوميتر ثماني النواة والمعالج مدمج بمعالج جرافيكس Mali-G52 MC2. والموبايل بيصدر بإصدار ٦ جيجابايت رام و ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ١١ بواجهة مستخدم One UI 3.1
  • الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية PDAF وبمثبت صورة بصري وبقوة ٨ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.2 للعسة الخاصة باستشعار عمق الصورة والكاميرا مدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ٢٠ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتدعم تقنية الشحن السريع بقوة ١٥ وات.

مزايا وعيوب موبايل Samsung Galaxy A32

مزايا موبايل Samsung Galaxy A32

  • الموبايل أبعاده مناسبة ومريحة وخصوصًا على مستوى السمك والوزن وهما أهم عنصرين في الأبعاد، والموبايل سمكه مش كبير ووزنه مش تقيل يعني هيكون مريح جدًا في الاستخدام
  • بيعتمد الموبايل على شاشة Super AMOLED وبتدعم دقة عالية وبتتميز بمجموعة من المميزات زي استحواذها على نسبة كبيرة من المساحة الأمامية بالنظر لتصميمها وكمان بتدعم معدل تحديث ٩٠ هيرتز وبتتميز بمعدلات سطوع كبيرة ودقة عالية
  • الموبايل بيدعم كروت الميموري من خلال منفذ مستقل مش بيأثر على استخدام شريحتي الاتصال
  • الموبايل بيشتغل بنظام تشغيل اندرويد ١١ باحدث واجهة مستخدم من سامسونجوبيقبل التحديث لنظام تشغيل اندرويد 12
  • كاميرا الموبايل الخلفية ممتازة بتتكون من عدسة رئيسية قوية وكمان عدسات العزل والماكرو دقتهم عالية ودي ميزة مش متوفرة في موبايلات كتير بتعتمد على دقة ضعيفة في العستين دول
  • كاميرا أمامية قوية
  • الموبايل بيدعم تقنية NFC
  • بيتميز الموبايل بماسح بصمة مدمج أسفل الشاشة
  • فيه مستشعر الدوران يعني يقدر يشغل تطبيقات وألعاب الواقع الافتراضي وفيديوهات ٣٦٠ درجة
  • بطارية قوية سعتها ٥٠٠٠ ميللي أمبير في الساعة مدعومة بتقنية الشحن السريع

عيوب موبايل Samsung Galaxy A32

  • الموبايل بيعتمد على البلاستيك بشكل كامل في صناعة الهيكل والضهر
  • الموبايل مش بيتمتع بأي حماية على الضهر أو الشاشة من أي طبقة من طبقات زجاج كورنينج جوريلا جلاس
  • الموبايل مش بيتمتع بأي حماية ضد المياه
  • المعالج كويس بس مع مايعتبرش أفضل المعالجات في الفئة دي وخصوصًا بعد ارتفاع سعر الموبايل مؤخرًا
  • الموبايل مش بيتوفر بإصدار برامات ٨ جيجابايت رام وكمان سعر الموبايل بالإصدار ده مبالغ فيه شويه يمكن
  • الموبايل مفيهوش تقنيات صوتية متطورة يعني مفيش سماعات ستريو ولا دعم دقة صوت عالية
  • كاميرات الموبايل مش بتدعم تصوير افيديو بجودة 4K وبتكتفي بجودة 1080p بس
  • الموبايل بيدعم تقنية الشحن السريع بس بقوة ١٥ وات ودي قوة ضعيفة جدًا مقارنة بموبايلات تانية منافسة كتيرة

اتعرف على عروض أسعار موبايل Samsung Galaxy A32 من هنا.

اتعرف على عروض أسعار مختلف موبايلات سامسونج المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *