مراجعة مواصفات مروحة فريش ستاند ١٦ بوصة بريموت كنترول

مميزات وعيوب و سعر مروحة فريش ستاند ١٦ بوصة

كتبت: أمنية عزمي

المراوح هي أسهل وأنسب وسيلة للتهوية في الحر واللي مفيش بيت بيخلوا منها لأن أسعارها مناسبة للجميع. وكمان بتوفر كهرباء طبعًا لو قارناها بالتكييفات وارتفاع أسعار الكهرباء فبالتالي بتكون هي الحل البديل خاصة في الأيام اللي الحرارة بتكون فيها معقولة. أنواع المراوح كتير وبتختار منها اللي يناسب المكان عندك، يعني لو المكان ضيف أو كافيه أو مكاتب ممكن تختار مراوح الحائط أو مراوح السقف ولو المكان مناسب بتختار المراوح الاستاند اللي بتناسب البيوت وبتقدر تتحكم في ارتفاعها عن طريق عمود مثبت في القاعدة وبتقدر كمان تثبت اتجاهها على مكان واحد لو حبيت. وكمان بتقدر تنقلها من غرفة لغرفة لأن وزنها سهل الحمل ومش محتاجة ترتيبات ولا تثبيت غير إنك بتوصلها بالكهرباء في أي مكان.

هنتكلم في المراجعة دي من خلال ياقوطة عن مروحة من أكثر المراوح مبيعًا على ياقوطة وفي كل مكان بسبب نجاحها وسعرها ومواصفاتها اللي بتنافس بها أنواع تانية كتير من الأعلى منها في الفئة السعرية، وهي مروحة فريش ستاند ١٦ بوصة بريموت كنترول، تعالوا نتعرف على مواصفاتها ومميزاتها وعيوبها وكمان رأي المستخدم فيها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الكود التعريفي للسلعة FR057HL0TVOPQNAFAMZ
اللون رمادي.
الخامة الأساسية بلاستيك.
بلد المنشأ مصر.
فترة الضمان ٥ سنوات.

المميزات

  • موتورها قوي ومزودة ب ٣ سرعات اللي بتمنحك 3 مستويات لقوة تدفق الهواء والسرعة الثالثة فيها عالية.
  • صوتها هادي جدًا ودي ميزة قوية فيها بمقارنتها بالفئات الأعلى واللي صوتهم عالي.
  • بتقدر تتحكم في مستوى طولها حسب رغبتك عن طريق عمود بتقصره وتطوله حسب الرغبة وتثبته.
  • فيها ٣ ريش بلاستيك عريض واللي بيزيد من تدفق الهواء بقوةـ واللي بيوفرلك التهوية المطلوبة في المكان.
  • مزودة بقاعدة دائرية كاملة مثبتة فيها المروحة والقاعدة ثابتة، وبالتالي بتحافظ على ثبات المروحة تمامًا في السرعة القوية.
  • مزودة بزرار من خلاله بتقدر تتحكم في تثبيت اتجاه المروحة وتدفق الهواء في اتجاه معين.
  • مزودة بتايمر ٧٫٥ ساعة واللي بتقدر من خلاله تظبط التايمر وهي تفصل لوحدها بعد كده.
  • بتقدر تشغلها متواصل طول اليوم بدون ما تفصل.
  • مزودة بريموت كنترول يخليك تتحكم فيها عن بعد بسهولة وراحة.
  • سهلة التركيب وكمان سهلة الفك لتنضيفها كل فترة.
  • عليها ضمان ٥ سنوات ودي فترة حلوة جدًا في المراوح وفريش مميزة بصيانتها.

العيوب

  • بتكون مشكلة وقت تخزينها في الشتاء لأنها بتشغل حيز كبير ومش سهل تشيلها.
  • مش بتكفي تهوية مساحات كبيرة، يعني لازم تعرف مساحتك وتختار على أساسها.

خدمة العملاء

  • فريش بتقدملك خدمات متميزة عن طريق مراكز الصيانة الموجودة في كل مكان ١٩٠٨٩ ده الرقم اللي تقدر تتواصل معاهم من خلاله، متوفر عندهم فنيين ومهندسين على أعلى مستوى، وقطع الغيار والصيانة بالضمان.

تجربة المستخدم

  • كل الآراء اللي سألتهم عنها بيقولوا إنها حلوة جدًا ومالهاش صوت وثابتة على السرعة العالية والحمد لله ماواجهوش أي مشاكل معاها.
  • مهم قبل ما تشتري المروحة تشغلها في المحل وتتأكد إن الريش بتاعتها متزنة ومش بتعمل صوت، كتير من المستخدمين اكتشفوا العيب ده وللأسف المروحة كانت مزعجة جدًا وبتعمل صوت مزعج.

شوف مروحة فريش ستاند ١٦ بوصة بريموت كنترول من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *