مواصفات وأسعار مروحة سقف 3 كلوب من فريش

fresh ceiling fan 3 spots

كتبت: أمنية عزمي

مروحة سقف فريش من الأنواع اللي ناس كتير بتسأل عنها وده لأن مراوح السقف بشكل عام بيكون ليها مميزات خاصة زي إنها مش بتاخد حيز من المكان وبتوزع الهواء بشكل جيد، ومراوح فريش بشكل خاص ناس كتير بتفضلها لأنها معروفة بقوتها وخاماتها وصيانتها وتوفر قطع غيارها، لكن هل يا ترى مروحة سقف فريش 3 كلوب بنفس القوة والمواصفات اللي الناس بتدور عليها!

ده اللي هنوضحه في الريفيو الجاي مع ياقوطة ، تابعنا علشان تتعرف على أهم مواصفات ومميزات وعيوب مروحة سقف 3 كلوب من فريش ورأي المستخدم فيها، ولو عجبك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري مروحة سقف 3 كلوب من فريش من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع المروحة: مروحة سقف.
  • العلامة التجارية: فريش.
  • عدد الريش: 3.
  • عدد السرعات: 5.
  • الحجم: 52 بوصة.
  • قدرة الموتور: 70 وات.
  • سرعة الموتور: 300 لفة/دقيقة.
  • اللون: بني.
  • مصدر الطاقة: الكهرباء.
  • وزن الحزمة: 6 كجم.

المميزات      

  • مزودة ب 3 ريش معدن بطول 52 بوصة ودا مناسب لتبريد ونشر الهواء في المساحات المتوسطة.
  • مزودة بخمس سرعات وطبعا كل ما عدد السرعات زاد تدفق الهواء بيزيد وتبريد المكان بيكون بشكل أفضل مع تعدد اختيار السرعة اللي بتلائم كل الاحتياجات.
  • مش بتاخد حيز من المكان لأنها بتتعلق في السقف ومكانها بيميزها بتوزيع الهواء بشكل جيد في المكان كله بالتساوي.
  • نجفة ومروحة في نفس الوقت، مزودة بعدد 3 كلوبات بلاستيك للإضاءة بشكل جمالي يضيف لأناقة المكان ويغنيك عن النجفة.
  • مزودة بمفتاح منظم خاص بيتركب في الحائط بتتحكم عن طريقه في السرعات والإضاءة.
  • بتعتبر من وسائل التهوية الصحية لأنها غير مباشرة والمسافة بعيدة بينها وبين الأرض.
  • موتور بقوة 70 وات وسرعة 300 لفة/الدقيقة واللي بيمنحك تهوية قوية وتقدر تعتمد على تشغيلها طول الوقت بدون قلق إنها تسخن.
  • الخامات المصنعة منها معدن بيتحمل العمل لمدد طويلة.

العيوب

  • المروحة ليها صوت عالي حتى ع السرعات الضعيفة.
  • اللون البني بيبان فيه التراب بسرعة وبتحتاج تنضيف باستمرار وهنا بنواجه صعوبة تنضيفها بسبب إرتفاعها.
  • الكلوبات مصنعة من البلاستيك مش من الزجاج.
  • تركيبها صعب وبتحتاج فني كهرباء متخصص.
  • سعرها عالي.

خدمة العملاء

  • الرقم المعتمد 19059
  • مراكز صيانة فريش متوفرة في القاهرة والجيزة والمحافظات.
  • بيوفروا قطع الغيار،والتعامل بيكون في مراكز الصيانة لكن مش بينتقلوا للمنازل.

تجربة المستخدم

  • المروحة تعتبر ضعيفة في نشر الهواء في المكان يعني بتعمل هوا تحتها فقط، وليها صوت زنة عالي وبتعمل دوشة على كل السرعات.
  • المفتاح ضعيف واتحرق بعد استخدامه بفترة قليلة حوالي شهرين.
  • عندها استعداد للصدأ خاصة اني في مكان ساحلي الرطوبة فيه عالية.
  • عند أصحاب لي، وللأسف فيه ناس اشتكت من صوتها العالي، وناس بتشكر فيها جدًا، وبتقول إنها معمرة وأعطالها مش موجودة تقريبًا.

شوف مروحة سقف 3 كلوب من فريش من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *