مراجعة مبرد هواء هوم- ١٥ لتر ٦٥ وات

مبرد هواء هوم- 15 لتر- أبيض- 65W

كتبت: أمنية عزمي

مبرد هواء هوم من الأنواع اللي بتتميز بأناقة ونعومة التصميم المعروفة به شركة هوم، وبيوفر تهوية عالية للمكان وتبريد قوي بفضل تقنية تربو، بالإضافة لفلتر ضد الغبار بيوفر تهوية نقية في المكان، مزود بعجلات سفلية بتسهل عليك تنقله وتحركه من مكان لمكان، مزود بدرجين للتلج علشان يوفر تبريد أعلى، ومؤشر تعرف منه منسوب المياه، وبيوفر مستوى ضوضاء أقل، بيغطي مساحة 15 متر مربع، وعليه ضمان لمدة سنة.

هنوضح في المراجعة دي مع ياقوطة أهم مواصفات ومميزات وعيوب مبرد هواء هوم- ١٥ لتر ٦٥ وات وكمان رأي المستخدم فيه علشان تقدر تكون فكرة كاملة عنه قبل ما تشتري، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري مبرد هواء هوم- 15 لتر- أبيض- 65W من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • العلامة التجارية: هوم
  • الموديل: YC7112
  • نوع التكييف: مبردات بخارية صحراوية
  • السعة: 15 لتر
  • الخامة الرئيسية: بلاستيك
  • بلد المنشأ: الصين

المميزات

  • مميز بنظام تبريد قوي جدا يضمن للمستخدم الحصول على هواء بارد وجو لطيف حصوصا في الأجواء الجافة، ومزود بفتحات متأرجحة لضمان توزيع مثالي في المكان كله.
  • مدمج ومحمول، وزنه خفيف بيسهل حمله ونقله من مكان لمكان وبتقدر تحركه باستخدام العجلات اليدوية والعجلة الخلفية القابلة للقفل.
  • سعته اللترية 15 لتر ومزود بمدخل للمياه من الجانب الخلفي.
  • مزود بعدد 2 عبوة للتلج واستخدامه بيزيد برودة الجو بشكل كبير.
  • مضخة قوية وموتور قوي بيغطوا أماكن مساحتها كبيرة.
  • بيشتغل ب 220 فولت ومش محتاج تجهيزات مسبقة، واستهلاكه للطاقة الكهربائية حتى 330 وات، وتقدر تشغله على أي محول كهرباء في حال إنقطاع التيار الكهربائي.
  • مزود بمروحة قوية ليها 3 سرعات بتوفر ميزة تدفق الهواء بقوة وتوزيعه في المكان بفضل التأرجح التلقائي اللي بينشر البرودة في المكان.
  • بيتمتع بموتور قوي واللي بيديك تبريد سريع للمكان في وقت قليل بالإضافة لتقنية تربو اللي بتعمل على دفع الهواء البارد بقوة كبيرة لمسافة بعيدة.
  • موزع التدفق البارد بيضمن توزيع قوي ومتساوي للمياه للحصول على درجات تبريد عالية في كل أنحاء المكان.
  • مزود بفلتر ضد الغبار بعمل على تنقية الهواء من الأتربة ومنع دخول أي حشرات داخل الجهاز.
  • مصنع من البلاستيك الحراري القوي اللي بيتحمل وضد الصدأ وسهل التنظيف.
  • مش بيشغل مساحة كبيرة وتقدر تحطه في أي مكان بسهولة وتنقله كمان بين الغرف بسهولة.
  • مزود بمؤشر شفاف لمتابعة مستوى المياه وحمايته من انخفاض مستوى المية.
  • مثالي جدا للأماكن الجافة وبيمنحها معادلة الرطوبة المطلوبة لجو صحي.
  • أداؤه قوي وصوته هادئ وبالتالي تقدر تستخدمه في أوقات النوم بدون إزعاج.

العيوب

  • مزود بجهة تبريد واحدة فقط في الواجهة.
  • سعته اللترية قليلة وبتحتاج تملاه مرات متعددة في اليوم حسب الاستهلاك وبالتالي بيكون مجهود.
  • بيحتاج لصيانة دائمة دورية زي تغيير الحشوة الداخلية المبطنة علشان تمنع الأملاح والأتربة والروائح الكريهة منه وميكونش مجال لنمو الميكروبات اللي بتزود الحساسية الصدرية.
  • بيحتاج غسل حوض المياه باستمرار وتنظيفه من الأتربة والترسبات علشان متكونش وسط لنمو الميكروبات.
  • المروحة الداخلية بتحتاج فحص وتزييت باستمرار.
  • لا يصلح للأجواء اللي فيها رطوبة لأنه هو نفسه بيزود الرطوبة في الجو وزيادتها بتعمل اختناق واحساس عالي بالحرارة.

تجربة المستخدم

  • استخدمته في البيت لغرفة الأولاد والحقيقة هايل وبيبرد الجو فعلا ومناسب لحجم الغرفة لكن بيعلي الرطوبة خاصة في أغسطس.
  • قطع غياره متوفرة وسعرها حلو وهو حلو في الاستخدام خاصة في الأماكن الخارجية.
  • الفلتر بيتسد بعد فترة قليلة وبيحتاج تنضيف باستمرار علشان يشتغل بنفس الكفاءة طول الوقت.

شوف مبرد هواء هوم- 15 لتر- أبيض- 65W من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من أكتر من 3 سنين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *