مراجعة ماكينة صنع القهوة من موديكس- 1100 وات- ES4400

كتبت: أمنية عزمي

لو سألت عشاق القهوة عن أكتر نوع مفضل للقهوة بالنسبة لهم هتلاقي الأغلبية بتقول الاسبريسو وده لأنها بتبقى مركزة وليها مذاق خاص وبتكون الأساس في تحضير أنواع كتير من القهوة عالميا، دلوقت مش محتاج تروح كافيهات وتصرف كتير علشان تشرب مشروبك المفضل وتقدر تستمتع تحضر نوع قهوتك المفضلة في البيت في أي وقت بمزاج عالي باستخدام ماكينة موديكس بمجرد لمس زر التحضير لأنها بتستخدم تكنولوجيا بتسهل استخدامها، وطبعا كل ما كان نوع البن فخم ومميز كل ما هيكون الطعم جودته عالية.

تعالى مع ياقوطة علشان تتعرف على أهم مواصفات ومميزات وكمان عيوب ماكينة صنع القهوة من موديكس- 1100 وات- ES4400 ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري ماكينة صنع القهوة من موديكس- 1100 وات- ES4400 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: موديكس.
  • رقم الموديل: ES4400
  • نوع ماكينة القهوة: ماكينة اسبريسو.
  • وسادة/ كبسولات: لا.
  • الوات: 1100 وات.
  • نوع آلة الاسبريسو: قهوة+ اسبريسو.
  • نوع الوعاء: بدون وعاء.

المميزات

  • حجمها صغير جدا بيتناسب مع أي مساحة ومصممة بشكل أنيق بيكون إضافة للمكان وبكدا بتقدر تستمتع بمشروبك في أي وقت وفي أي مكان تستخدمها فيه.
  • بتوفر عناصر التسخين المثالية وبتضمن درجة حرارة التخمير المطلوبة من خلال عناصر التسخين المميزة اللي بتدي قهوتك درجة حرارة التخمير المثالية واستخلاص أفضل نكهة والحصول على أفضل مذاق للقهوة.
  • مصممة بأسلوب يسهل استخدامها من خلال مفتاح مكانه على جانب الماكينة بعد اختيار حجم القهوة سينجل ولا دبل من خلال المفاتيح الأمامية الموضحة بالرسم.
  • مزودة بسلك شبكي ستانلس ستيل قوي فوق الماكينة بتحط عليه الأكواب أو المج المستخدم علشان يكون دافي وقت الاستخدام ويحافظ عالاسبريسو سخن، ودي ميزة مش موجودة في أنواع ماكينات القهوة التانية.
  • متعددة الاستخدامات، بتوفرلك الرغوة الغنية السميكة للكابتشينو اليومي الخاص بك مع نظام مزج الكابتشينو الحاصل على براءة اختراع بمزج المية والحليب مع الهواء، وبتقدر تستخدم مية دافية لصنع قهوة أمريكية أو لتخمير الشاي.
  • بتقدر تستخدم معاها أي نوع بن مطحون ودي ميزة فيها قوية انها مش بتلزمك بكبسولات أو عبوات معينة وبالتالي بتشرب البن بتحويجته ونوعه اللي على مزاجك.
  • فيها خاصية إضافة الحليب للقهوة للناس اللي بتحبها بالحليب وبتوزعه وتمزجه بكفاءة، وبتقدر تعمل بها لاتيه وكابتشينو وموكا وأميركيان كوفي وموكاتشينو.
  • بتوفرلك مقاسين لكمية القهوة اللي محتاجها في الفنجان.
  • الماكينة بتشتغل بشكل أتوماتيكي بالكامل لكن بتقدر تحدد كمية شوت القهوة والتبخير اللي تناسبك مرة واحدة والماكينة بتسجلها وتستخدمها بعد كدا، ودا بيكون عن طريق الضغط على زرار الشوت ضغطة طويلة وبعدها بتضغط عليه مرة تانية عند الاكتفاء من الكمية المناسبة.
  • قوتها 1100 وات وبالتالي بتكون سريعة ومش بتاخد وقت طويل في التحضير.
  • فيها قاعدة مضادة للالتصاق سهلة التنضيف وبتقدر تشيلها من مكانها لو حجم المج كبير وترجعها تاني.
  • مزودة بفلتر دائم بشكل مخروطي وبيعتبر موفر لأنه بيتم تنضيفه وإعادة استخدامه.
  • عملية جدا في المنازل والمكاتب والفنادق مع الفطار الصبح لعشاق القهوة التركي.
  • بتوفر في الكهرباء لأنها بتفصل الطاقة أتوماتيك في الوقت اللي مش بتشغلها فيه، غير الأنواع اللي بتشتغل باستمرار علشان تحتفظ بالمية سخنة.

العيوب

  • لا تحتوي على خاصية التنضيف الذاتي.
  • الفلتر بيحتاج يتنصف أول بأول علشان بعد فترة بيصعب تنضيفه.
  • مش بييجي معها أكواب وبتستخدم الكوب الخاص بك.

خدمة ما بعد البيع

  • رقم الصيانة الخاص بتوكيل صيانة أجهزة موديكس 01211644110
  • بيوفروا خدمة تنظيف كاملة للأجهزة من الداخل والخارج.
  • بيوفروا قطع غيار أصلية مستوردة بضمان 3 شهور على قطع الغيار وسنة على أعمال الصيانة.

تجربة المستخدم

  • الحقيقة مفيش ناس كتير جربتها لكن اللي استخدمها شكر فيها جدا وقال إن الطعم فيها مميز ودي أهم حاجة، وبتحتاج شوية تجهيزات زي إنك توفر فوطة جنبها لأنها بتنزل شوية مية وقت ما بتحضر البخار.

شوف ماكينة صنع القهوة من موديكس- 1100 وات- ES4400 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *