مواصفات وأسعار ماكينة تحضير القهوة والاسبريسو من ديلونجي- EC221

DELONGI ESPRESSO MACHINE

كتبت: أمنية عزمي

القهوة هي بداية يوم كتير من الناس لأنها بتساعد عالتركيز وبتخلي الواحد يفوق، والاسبريسو ليها ناسها وبتخليك تقدر تكمل اليوم وانت في كامل نشاطك، في ناس بتحب تروح أماكن معينة علشان تشرب فيها القهوة وفي ناس بتجيب ماكينات صنع القهوة لغاية عندها وتشرب في أي وقت سواء في البيت أو الشغل، ديلونجي من أشهر ماكينات صنع القهوة وناس كتير بتفضلها لأنها متنوعة، يعني بتعمل أكتر من نوع حسب رغبتك زي القهوة واسبريسو وكابوتشينو برغوته المميزة أو لاتيه، سرعتها عالية في التحضير لأنها مش مفلترة، سهلة في استخدامها عن طريق مقبض دوار بتحضر به القهوة من البن المطحون أو الكبسولات الجاهزة بالإضافة لعصا بخار يدوية دوارة لرغوة الحليب الكثيفة مع نظام تسخين مدمج داخل غلاية من الفولاذ المقاوم للصدأ، حجمها صغير ووزنها خفيف يناسب أي مكان.

هنوضح مع ياقوطة أهم مواصفات ومميزات وكمان عيوب ماكينة تحضير القهوة والاسبريسو من ديلونجي- EC221 ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري ماكينة تحضير القهوة والاسبريسو من ديلونجي- EC221من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: ديلونجي.
  • رقم الموديل: EC221
  • أعلى إستهلاك للطاقة: 1100 وات.
  • أقصى ضغط: 15 بار.
  • إغلاق أتوماتيكي: نعم.
  • نظام الضغط: مضخة.
  • نوع القهوة المستخدم: كبسولات وقهوة مطحونة.
  • نوع الآلة: ماكينة قهوة واسبريسو وكابتشينو ولاتيه.
  • الخامة: بلاستيك.

المميزات

  • مصممة بحجم صغير يتناسب مع أي مساحة ووزنها خفيف لأنها مصنوعة من البلاستيك بأبعاد وقياسات ما تحتاجش حيز كبير في المكان، بتشتغل بفرق جهد كهربائي يصل ل 220 فولت وقوة 1100 وات.
  • متعددة الاستخدامات، بتوفرلك الرغوة الغنية السميكة المثالية للكابتشينو اليومي الخاص بك مع نظام مزج الكابتشينو بالمية والحليب مع الهواء، وبتقدر تستخدم مية دافية لصنع قهوة أمريكي، وبتقدر تعمل بها لاتيه واسبريسو وأي نوع قهوة بالحليب.
  • بتقدر تستخدم معاها أي نوع بن مطحون ودي ميزة فيها قوية انها مش بتلزمك بكبسولات أو عبوات معينة وبالتالي بتشرب البن بتحويجته ونوعه اللي على مزاجك.
  • نظام تشغيلها سهل وبسيط في الاستخدام، بتتحكم في وظائفها وبتقدر تظبط كثافة وكمية القهوة يدويا عن طريق مقبض دوار مكانه في منتصف الماكينة.
  • مزودة بعصا بخار يدوية دوارة قابلة للتعديل لجهة اليسار وظيفتها تبخير الحليب وتحضير رغوة كثيفة لعمل كابتشينو أو لاتيه.
  • مصممة بخزان مياه شفاف قابل للإزالة سعته 1 لتر بيساعدك في تحضير عدة أكواب من القهوة قبل ما تحتاج تملاه مرة تانية، تعبئته سهلة بمجرد رفع غطاء الخزان لأعلى أو إزالته بالكامل، وبيتميز بسهولة تنضيفه.
  • مزودة بمضخة ضغط بقوة 15 بار مع غلاية من الفولاذ المقاوم للصدأ بتستوعب 180 ملي، وبتوفر درجة حرارة مناسبة للاستخراج بشكل سريع وفيها مؤشر بتعرف منه إمتى بتكون الماكينة جاهزة للاستخدام.
  • بتوفر في الكهرباء لأنها بتفصل الطاقة أتوماتيك في الوقت اللي مش بتشغلها فيه بعد من 9 ل 20 دقيقة من عدم استخدامها ، غير الأنواع اللي بتشتغل باستمرار علشان تحتفظ بالمية سخنة.
  • مزودة بسلك شبكي قوي مع صينية تنقيط قابلة للإزالة بتقدر تستخدم عليها أكواب بأحجام مختلفة لحد ارتفاع 89 سم كحد أقصى للكوب.
  • سهلة التنضيف والصيانة لأن معظم أجزائها قابلة للإزالة وبتقدر تغسلها وتنضفها وترجعها بسهولة.
  • قوتها 1100 وات وبالتالي بتكون سريعة ومش بتاخد وقت طويل في التحضير.
  • عملية جدا في المنازل والمكاتب والفنادق مع الفطار الصبح لعشاق القهوة بأنواعها.

العيوب

  • بتحتاج تظبط القهوة بشكل يدوي علشان تحصل على النكهة المناسبة لذوقك.
  • لا تحتوي على خاصية التنضيف الذاتي.
  • مكان عصا البخار الخاصة برغوة الحليب غير مناسب في الجهة اليسرى لأنه بيصعب إخراج فلتر القهوة لو كانت عصا التبخير سخنة لأنك وقتها هتتجنب ملامستها.
  • جودة الهيكل مش عالية لأنه مصنوع من البلاستيك.
  • مفيهاش الجزء الخاص بتقنية تدفئة الأكواب.

خدمة ما بعد البيع

  • الرقم الخاص بتوكيل صيانة ديلونجي 01000212731.
  • بيقدموا أقوى وأسرع خدمة صيانة لجميع ماكينات القهوة ماركة ديلونجي وبيوفروا صيانة منزلية.

تجربة المستخدم

  • الناس اللي جربتها بتشكر فيها فيها جدا وبتقول إنها عملية والحلو فيها إنها بتعمل كل أنواع القهوة والحليب وسعرها هايل بالنسبة لإسم كبير زي ديلونجي.

شوف ماكينة تحضير القهوة والاسبريسو من ديلونجي- EC221 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *