مراجعة لعبة Red Dead Redemption 2

كتب: عمر مدني

بعد 8 سنين من إطلاق روك ستار جيمز للعبة Red Dead Redemption، واللي كانت مش مشجعة إلى حد كبير أو ملهاش حظ في سوق الألعاب وقتها لأنها مكنتش أفضل لعبه وقتها قررت في 2018 إطلاق الجزء التاني من اللعبة واللي لحد يومنا واللعبة لسه متربعة على عرش الألعاب وهي لعبة Red Dead Redemption 2 والي بتحكي أحداثها عن الحقبة الي قبل الجزء الأول الي ساعد في رفع مبيعات الجزء الأول عشان السبب اللي هنتعرف عليه في المقال ده ، بس لعبة Red Dead Redemption 2 تعتبر ومازالت من أفضل الألعاب الي لعبتها بشكل شخصي من فتره قريبة وإستمتعت جداً بيها وبنصح بيها بشدة أي حد بيحب لعب العالم المفتوح أو القصص الطويلة، إنه يجربها ، ولو كنت مهتم تعرف اللعبة من غير حرق متعتها، المقال ده ليك.

ماتنسوش إنكم لو قررتوا تشتروا لعبة Red Dead Redemption 2 هتقدروا تطلبوها من خلالنا في ياقوطة وهيوصلكم لحد باب البيت وكمان تقدروا تشتروها بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

التعريف بالشخصيات المهمة

  • يعتبر بطل اللعبة هو Arthur Morgan الاسم اللامع في اللعبة وعالم الألعاب عموماً لدرجة إن هتلاقي نفسك بتتأثر بشكل كبير بشخحصية أرثر مورجان، أرثر مكانش مجرد فرد في عصابة ، أرثر شخص عانى كثير في الماضي ويتحمل أخطاء اختياراته في الحاضر بالإضافة إلى ولاءه وإخلاصه اللي هيدفع تمنهم في أحداث اللعبة وصاحب الجملة الأشهر “We’re thieves, in world that don’t want us no more” نحن لصوص في عالم لا يريدنا بعد الآن.
  • تاني شخص وهو Dutch Van Der Linde زعيم العصابة الي اسمها على نفس اسمه وصديق مقرب لأرثر مورجان، شخصية فوضوية بتتميز بلباقة في الاتفاقات والكلام وعنده درجة كبيرة من الندالة والأنانية وحب الذات.
  • تالت شخص وهو Hosea Matthews ، هوسيا شخص ذكي لأبعد حد وأكتر واحد داتش بيثق فيه وهو قدر يشكر في نفسه بمقوله “I wish I had acquired wisdom at less of a price” كنت أتمنى أن أحصل على الحكمة والفصاحة بثمن أقل.
  • الشخص الرابع ليس بالأهمية الكبرى ولكن يعتبر هو البطل في الجزء الأول من اللعبة وهو Jhon Marston فرد قوي من أفراد العصابة وكان محبب من داتش وأرثر وبتدور حوليه أحداث الجزء الأول.
  • باقي أفراد العصابة وأهمهم الفأر كما أطلق عليه أرثر من شدة خداعه وخيانته Micah Bell.

أحداث القصة (يوجد بعض الحرق)

  • بتدور أحداث القصة في سنة 1899 أي في أواخر عصر الـCow boy والعصابات والمستوطنين في أمريكا وأصبح كل أفراد العصابات مطلوبين للعادلة، كان هناك في منطقة تسمى Black Water كان بها المعسكر الرئيسي لعصابة Dutch Van Der Linde والتي أصبحت تواجه خطرين خطر العدالة وخطر عصابة أودريسكول بسبب قتل دوتش لأخ وحبيبة زعيم العصابة، فوجود العصابة في بلاك وتر بقى مستحيل ، فقررت العصابة تعمل عملية سرقة لقطر خاص بعصابة أودريسكول وبعد كدة تروح لجبل قريب من مدينة إسمها Valentine وبيتطلب من أرثر يحرر فرد من أفراد العصابة اتقبض عليه إسمه مايكا بيل ، ولتاني مرة يقرروا يهاجروا عشان الشرطة كانت هتكشف مكانهم لولا أرثر مورجان الي ضللهم وهاجروا لمنطقة بعيدة ومن هنا تبدأ الأحداث الرسمية وهي Rhodes ويطلب من العصابة عشان تحمي نفسها إنهم يلبوا ولائهم لأكبر قوتين وهما قوة بوليس رودس وقوة الأسرة الغنية صاحبة السلطة والنفوذ Braithwaite واللي هيكون فيها أفضل مشهد سينمائي درامي مؤثر في اللعبة لما يهجم أفراد العصابة على قصر Braithwaite عشان يرجعوا ابن جون مورستن اللي خطفوه منهم ويحرقوا القصر ويقتلوه أولاد صاحبة القصر قدام عنيها والي هتكون وديته مع ظابط جيش إيطالي في منطقة إسمها Saint Denis هيروح مايكل ودوتش عشان ينقذوا ابن جون وهينجحوا في ده مقابل بعض الأعمال لظابط الجيش، هيمر فترة هدوء على العصابة ولكن أرثر هيكتشف إنه مريض بمرض السل والي كان وقتها ملهوش علاج ويعرف إن اللي باقي من عمره مش كتير، هيحاول يقنع داتش عن إنهم يبطلوا إجرام لكنه هيفشل طبعا وهيزيد غرور داتش وجنونه لدرجة إنه لما فقد أعز أصحابة هوسيا مفكرش للحظة إنه يحمي جثته ويدفنه وده كان مبيعجبش أرثر ، بعد فترة هيكتشفوا إن في خاين في العصابة  والشكوك هتروح على مرات داتش الي سابته وهربت وبعدين رجعت تاني فهيقرر أنه يقتلها، وهيتم إختطاف واحدة من أفراد العصابة اسمها أبيجيل وهي مرات جون مورستون ، وفي عملية إنقاذها هيكتشف أرثر إن الخاين هو مايكا بيل الفار ، ولكن لما يرجع المعسكر محدش هيصدقه ولا حتى داتش وديه بتكون أخر جزء في اللعبة الشرطة هتهجم على معسكرهم وهيقدر أرثر وجون يهربوا ولكن أرثر مش هيقدر يكمل جري ويزيد عليه التعب هيطلب من جون أنه يسيبه ويهرب ويديله طاقيته ، ونتفاجيء بهجوم شديد من مايكا بيل على أرثر اللي بيموت وهو بيقول لداتش أن مايكا هو الخاين وإني عمري ما خونتك ولا بيعت العصابة وهنا يموت أرثر من السل وداتش يقرر يبعد ومايكا بيل يهرب وتنتهي لعبه من أفضل ألعاب على مر التاريخ.

مزايا اللعبة

  • أهم شيء يميز لعبة Red Dead Redemption 2 هو الجرافيك والواقعية في كل تفصيلة في اللعبة لدرجة إن شعر ودقن أرثر مورجان بيطولوا كل ما يمر عليه فترة من الزمن وتكون بحاجة لإنك تحلقه ، تفاصيل لدرجة لو سبت اللعبه وهي شغالة أرثر هيبدأ يدندن ولو واقف في الشمس هيبدأ يعرق ده غير حيوانات الغابة وتفاعلها مع العالم الخارجي ولو أرثر شال على كتفه حيوان إستطاده أو إنسان بينزف الهدوم هتتوسخ بالدم ، حقيقي روك ستار قدمت تفاصيل تستحق بسببها اللعبة تفضل أهم لعبه أنتجتها الشركة بعد GTA.
  • أول مره نشوف تجربة جيم بلاي للماضي بجرافيك عصري ومستقبلي فبعيدًا عن المدن والعربيات كان الصحاري والمعسكرات والخيول تجربة فريدة ممتازة جداً.
  • تجربة الحرب على الخيل مش طبيعية وحقيقي مهما هوصف الإبداع فيها مش هقدر أوصلك الإحساس غير لما تجربه بنفسك.
  • الكات سينز أو المشاهد التصويرية حقيقة تمتع العين وإنت بتلعب.
  • بتقدر تتحكم في إنك تكون راجل شريف ولا عديم الشرف من خلال التفاعل مع باقي شخصيات اللعبة وده هيفرق في نهاية اللعبة هي النهاية الموت ، ولكن لو كنت شرف قليل مايكا مش هيهرب زي ما قولنا في القصة وهيرجع يقتل مايكل وهتكون أكتر نهاية مستفزة في تاريخ الألعاب زي ما كتير من عشاق الألعاب شايفين.
  • الأداء الصوتي مميز جداً.

العيوب

  • نهاية اللعبة مش أحسن حاجة لان لما تلعب اللعبة وتحب أرثر مورجان وتشوف الأحداث هتتوقع إن أرثر هيسيب عالم الجريمة وتبقى Happy End لكن حصل العكس تماما.

أما عن متطلبات تشغيل اللعبة

  • للكونسول اللعبة متاحة من أول PS4 و X-Box One.
  • أما للـPC:
  1. نظام التشغيل: Windows 7 – Service Pack 1 (6.1.7601)
  2. المعالج: Intel Core i5-2500K / AMD FX-6300
  3. سعة الرامات:8 جيجا بايت
  4. كارت الشاشة:Nvidia GeForce GTX 770 2GB / AMD Radeon R9 280 3GB
  5. مساحة فارغة:150 جيجا بايت

السعر

تقدر تشوف لعبة Red Dead Redemption 2 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن الكاتب:

عمر مدني، تقريباً أنا أصغر مراجع تكنولوجيا في مصر، سني 20 سنة طالب وبدرس تكنولوجيا حيوية وجيمر ومحب للتكنولوجيا ، بدأت شغل في موقع Mobihall  من عام 2019، وليا مقالات على موقع Mobilesgateلأني إشتغلت فيه فترة في السنة الي فاتت وكان لشغفي دور كبير في اختيار مجال التكنولوجيا وبستنى كل جديد عشان أعرف عنه أكتر، أتمنى أكون نلت إعجابكم.

Leave a Reply

Your email address will not be published. Required fields are marked *