مراجعة لاب توب لينوفو أيديا باد 130-15IKB إنتل كور i5- ٤ جيجا بايت رام
كتبت: أمنية عزمي
لينوفو أيديا باد 130-15IKB لاب توب بشاشة 15.6 بوصة كاملة الدقة من فئة الميزانية المتوسطة، يعمل بنظام ويندوز، مصنوع من البلاستيك بشاشة كاملة الجودة المضادة للتوهج لكن ينقصها الوضوح وزوايا المشاهدة العريضة للوحات IPS، ولوحة المفاتيح فيه بدون إضاءة خلفية، تم تجهيزه بمعالجات رئيسية ممتازة- معالج إنتل كور i5 رباعي النواة من الجيل الثامن، يحتوي على ذاكرة وصول عشوائي 4 جيجا رام، بالإضافة لمحرك أقراص ثابتة بسعة 1 تيرا بايت وبطارية 30 وات تعتبر الأصغر في فئة اللاب توب مقاس 15.6 بوصة ولينوفو بتقول إنها بتستمر لمدة 5 ساعات.
مع ياقوطة هنتكلم بالتفصيل على أهم مواصفات ومميزات وكمان عيوب لاب توب لينوفو أيديا باد 130-15IKB إنتل كور i5– 4 جيجا بايت رام- 1 تيرا بايت HDD– 15.6 كاملة الجودة- معالج رسومات 2 جيجا بايت- دوس ولو عجبك وحبيت تشتريه هتقدر تعرف من خلالنا أحسن الأسعار ليه وتقدر تقارن بينهم بنفسك وممكن كمان تطلبه من خلالنا ويوصلك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- نوع العرض: FHD|LED
- الإتصال: Wi-Fi| Bluetooth| HDMI| USB 3.0
- الموديل: 81H7001TAX
- السعة (جيجا بايت): 1024.
- الكود التعريفي للسلعة: LE018EL17TP4ONAFAMZ
- حجم الشاشة (بالبوصة): 15.6.
- ذاكرة الرسوم البيانية (جيجا بايت): 2.
- فترة الضمان: 1 سنة.
- سرعة البروسيسور: 1.60 جيجا هيرتز.
- نوع المعالج: Intel Core i5
- الذاكرة: 4 جيجا بايت رام.
المميزات
- أداء قوي يعتمد عليه مع معالج Intel Core i5-8250U بسرعة 1.60 جيجا هيرتز (6 ميجابايت ذاكرة مؤقتة، تصل ل 3.40 جيجا هيرتز، عدد النواة 4).
- مميز بشاشة نحيفة بحجم 15.6 بوصة فل إتش دي بدقة 1920× 1080 بكسل ضد التوهج وبتحافظ على نضافتها من البصمات.
- ذاكرة DDR4 بسرعة 2400 ميجاهرتز، بتقدر تشغل عدة برامج في وقت واحد بسهولة وسرعة.
- رسومات متقدمة مع معالج الرسومات NVIDIA GeForce MX110 بسعة 2 جيجا رام GDDR5 واللي بتوفرلك رسومات سلسة وأداء أفضل للألعاب بدون التأثير على إستجابة السرعة الكلية وسواء كنت بتشغل ألعاب أو بتفتح محتوى صور هتستمتع بوضوح الصورة.
- بيحتوي على سعة تخزينية 1 تيرا بايت 5400 لفة في الدقيقة علشان يكون عندك المساحة الكافية اللي تحتفظ فيها بصورك وأفلامك والفيديوهات العالية الجودة وأي محتوى تحب تخزنه بدون قلق من المساحة.
- بتقدر تتصل بالإنترنت في أي مكان عن طريق الواي فاي ومزود بإتصال بلوتوث وشبكة LAN.
- مزود بمنفذين USB 3.0 اللي هيساعدك تنقل البيانات بينه وبين الأجهزة الأخرى بسرعة أكبر من العادي.
- مزود بمخرج HDMI بتقدر توصله من خلاله بأي شاشة تانية سواء تليفزيون أو غيره بالإضافة ل RJ-45 ومنفذ للسماعات.
- مزود بقارئ بطاقات 4×1 (SD,SDHC,SDXC,MMC).
- مزود بلوحة مفاتيح كاملة مع لوحة رقمية ولوحة اللمس متعددة اللمس.
- مزود بمطاط من الغطاء الأسفل بيسمح بتهويته بشكل جيد.
- مزود بكاميرا ويب اتش دي 720 بكسل للتواصل بوضوح وميكروفون.
- وضوح عالي للصوت بفضل دولبي مكبر الصوت 2× 1.5 اللي بيمنحك دردشة مرئية واضحة بالتفاصيل وصوت واضح في الأفلام والألعاب.
- بيعمل بنظام ويندوز 10.
العيوب
- مش بيحتوي على USB-C.
- في الاستخدام المكثف كارت الرسومات بيكون بطيء.
- البطارية مش قوية كفاية ومش بتستمر فترة طويلة وبتضطر تعتمد على الكهرباء معظم الوقت، وهتحتاج تشحنها أكتر كل ما استخدامك زاد.
- لوحة المفاتيح غير مضيئة.
- لوحة اللمس استجابتها ضعيفة وهتحتاج تعتمد على ماوس خارجي أفضل.
خدمة العملاء
- لينوفو شركة صينية وبالنسبة لمصر المستخدم بتتعامل مع أحد توكيلاتها اللي موجودة في بعض المحافظات زي القاهرة والجيزة واسكندرية والمنيا فقط لا غير ومش بتغطي باقي المحافظات.
تجربة المستخدم
- آراء كتير بتقول انه فيه عيوب كتير، أولا الرسومات فيه سيئة جدا، مش بس الجهاز اللي بيسخن دا المفاتيح نفسها بتسخن جدا برغم وجود التهوية تحتها، المنافذ كلها مرصوصة في جانب واحد وده بيصعب استخدامها، والخامات المصنع منها ضعيفة.
- زرار الطاقة اللي بيفتح ويقفل اتجمد بعد شهر واحد من الاستخدام وباظ.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من 14 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.