مراجعة قلاية ديجيتال موديكس بدون زيت- 7.5 لتر

Modex air fryer af9900

كتبت: أمنية عزمي

مع الاتجاه لكل ما هو صحي بدأت ناس كتير تشتري القلايات الكهربائية بدون زيت، وبما إن القلايات بأحجام مختلفة وقريبة من بعض لكن سعتها بتكون غالبا قليلة وفي الحالة دي بتكون مناسبة لأسرة صغيرة أو بتضطر تجهز الطعام فيها على أكتر من مرحلة، حبينا نتكلم عن قلاية موديكس بدون زيت لأن من أهم مميزاتها هو سعتها الكبيرة 7.5 لتر، قلاية موديكس بتعتمد على تقنية تسخين الهواء لدرجات حرارة عالية جدا وبتمرره على الأطعمة المطلوب طهيها أو تحميرها وبتوصل لنفس النتيجة المطلوبة لكن بشكل صحي أكتر وبسعرات حرارية أقل بكتير من كونه خالي من الدهون المشبعة،  مصممة إنها تتقفل بإحكام علشان تحافظ على حرارة الهواء وتمنع تسريبه للخارج لأن دا غير إنه مش هيسوي كويس كمان هيستهلك كهرباء بشكل أكبر، متعددة الاستخدامات، فيها إمكانية القلي وتحميص وخبز المأكولات، مؤقت ذكي أتوماتيك ويدوي، باللإضافة لفلتر هيبا لتنقية الهواء المنبعث من الدهون وروائح الأكل المختلفة.

تابعنا مع ياقوطة واتعرف بشكل مفصل على أهم مواصفات ومميزات وعيوب قلاية ديجيتال موديكس بدون زيت- 7.5 لتر- AF9900 ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري قلاية ديجيتال موديكس بدون زيت- 7.5 لتر- AF9900 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: موديكس
  • رقم الموديل: AF9900
  • النوع: قلاية بدون زيت
  • السعة: 7.5 لتر
  • اللون: متعددة الألوان

المميزات

  • بتساعدك تبدل حياتك بنظام صحي لأنك بتستخدمها بدون زيت أو بتستخدم كمية قليلة جدا، وبالتالي بتبعد عن الدهون الثلاثية والكوليسترول والحموضة وغيرها.
  • مميزة بتقنية الهواء السريع ومن أفضل مميزاتها السرعة العالية في دوران الطعام مع موجات الهواء الساخن في كل أنحاء القلاية ودا بيساعد على خروج الأكل صحي مقرمش ذهبي وخفيف بدون دهون.
  • متعددة الاستخدامات، ليها أربع إمكانيات للطهي عبارة عن قلي وخبز وشوي وتحميص، وبالتالي بتنوع الوجبات فيها زي البطاطس المحمرة والفراخ المشوية والمخبوزات والمافن بشكل صحي لذيذ وسريع.
  • سريعة، ودي واحدة من أهم مميزاتها إنها بتوصل لدرجة حرارة عالية في وقت قصير جدا ودا مفيد للناس اللي وقتها ضيق.
  • مزودة بشاشة ومرسوم عليها كل أنواع الأطعمة والتوقيت الخاص بعملية التسوية، بمجرد ما بتختار نوع الطعام بيتم اختيار الحرارة المناسبة له والتوقيت الخاص بالتسوية.
  • بتقدر تعتمد على نظامها الأتوماتيك في اختيار الحرارة والتوقيت المطلوب أو تتحكم فيها بشكل يدوي وتختار الحرارة والوقت بنفسك.
  • سهلة في استخدامها وعميقة بدرجة كبيرة وبتاخد لحد 2.5 كيلو ودا بيخليها تنجز كميات كبيرة في المرة الواحدة.
  • مؤقت ذكي، مزودة بتايمر يصل ل 30 دقيقة وبيتوقف تلقائيا بعدها علشان ميحرقش الأطعمة.
  • مزودة بفلتر هيبا اللي بينقي الهواء في المكان من روائح الأكل الخارجة من القلاية.
  • مزودة بزر أمان لغلق المقلاية، وبيستخدم لفصل الحلة الداخلية المستخدمة للقلي لسهولة تنضيفها.
  • مزودة بمستويات متعددة للحرارة لتنوع نوع القلي زي القلي العميق للبطاطس مثلا والقلي السطحي للبصل أو شرايح الحوم.
  • سهلة التنظيف، الأجزاء الداخلية فيها مقاومة للإلتصاق وآمنة للغسيل في غسالة الأطباق.
  • آمنة لأنها مش بتحتاج زيت ومحكمة الإغلاق بالتالي هتتخلص من معاناة الزيت الزيت المغلي المتطاير في كل مكان وقت عملية القلي.

العيوب

  • بتستهلك كهرباء عالية علشان تقدر تسخن وتسوي في وقت قياسي.
  • سعرها غالي نسبيا مقارنة بالأنواع التانية.

خدمة العملاء

  • رقم الصيانة الخاصة بموديكس: 01211644110

تجربة المستخدم

  • حلوة جدا في الاستخدام وحجمها رائع إنه الواحد بيقدر يستخدم فيها كميات كبيرة، لكن ملاحظ إن التوقيتات الأتوماتيك مش دايما بتظبط مع بعض الأكلات وبتنشفها فا بحب أظبط التوقيت بشكل يدوي أفضل، تنضيفها سهل، بتسحب كهربا كتير مع الاستخدام اليومي.

شوف قلاية ديجيتال موديكس بدون زيت- 7.5 لتر- AF9900 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *