مزايا وعيوب فلتر مياه تانك باور ٥ مراحل

مواصفات و مميزات وعيوب و سعر فلتر مياه تانك باور ٥ مراحل

كتبت: أمنية عزمي

كلنا بنسعى إن المية اللي بنشربها ونستخدمها في حياتنا تكون نقية وصحية لولادنا ولينا خاصة إن في مناطق بيكون فيها تلوث بيأثر على الصحة، فلاتر المية بتنقي منها الشوائب والأتربة والمعادن والميكروبات والأملاح والمعادن الضارة والصدأ والمواد العضوية والبيولوجية وبتنقي كمان المية من الكلور والروائح واللون.

هنتكلم في المراجعة دي مع ياقوطة بشكل مفصل عن فلتر مياه تانك باور ٥ مراحل ونتعرف على أهم مواصفاته ومميزاته وكمان عيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الكود المميز للسلعة TA643HL1LE7KWNAFAMZ
بلد المنشأ مصر.
خامة الصنع بوليبروبيلين.
اللون أبيض.
فترة الضمان ١ سنة.

المميزات

الفلتر بيمر بخمس مراحل تنقية عن طريق ٥ شمعات لكل شمعة منهم خاصية وتكنولوجيا بتعمل من خلالها.

  • الشمعة الأولى جودتها عالية جدًا لأنها مصنعة من مادة البولي بروبلين بمسام ٥ ميكرون واللي بتنقي المياه من الشوائب والأتربة والرمل والصدأ والحشرات، كفاءتها ٣ شهور.
  • الشمعة الثانية مصنعة بجودة عالية من حبيبات الكربون النشط ودي مرحلة تنقية المياه من الكلور والرائحة والطعم، كفاءتها ٦ شهور.
  • الشمعة الثالثة مصنعة من كتلة كربون عالي الجودة ودي بتمر فيها مرحلة إعادة تنقية المياه من الكلور والمواد العضوية والطعم والرائحة، كفاءتها ٦ شهور.
  • الشمعة الرابعة مصنوعة من الكربون واللي بيمتص لغاية ٩٩% من الكربون الموجود في المية. كفاءتها ٦ شهور.
  • شمعة المرحلة الخامسة مكونة من كربون جوز الهند بجودة عالية ودي اللي بتعزز الطعم في المياه، كفاءتها ١٢ شهر.
  • الخامات معتمدة من منظمة الصحة العالمية FDA.
  • الفلتر بيعمل بتكنولوجيا Micro shield اللي بتكون حريصة على تقديم مياه صحية بنسبة ٩٩٫٩٪ وخالية من الأتربة والشوائب والصدأ والأملاح الضارة والميكروبات والطعم والرائحة.
  • بيعادل نسبة الأملاح في المياه ونسبة الحمضية وبيزيد من قلوية المياه.
  • مزود بجوان لمنع التسريب.
  • بيتركب تحت الحوض أو يتعلق على الحائط وبالتالي مش بياخد حيز من المطبخ.
  • مزود بقاعدة بلاستيك ضد الصدأ، والصنبور الخاص به خامته عالية ضد الصدأ.

العيوب

  • القاعدة البلاستيكية اللي بيتركب فيها الشمعة بتكون بكتيريا وبتحتاج تنضيف باستمرار أول بأول.
  • فيه رأي بيقول إن المراحل الخمسة مش بيحافظ على المعادن والأملاح المفيدة والمهمة للجسم في عملية الفلترة ولقوا إن في معادن مهمة جدًا بتكون ناقصة زي الماغنسيوم والبوتاسيوم.

خدمة العملاء

  • عليه ضمان شامل لمدة سنة.
  • قطع الغيار متوفرة وخدمة تغيير الشمعات.

تجربة المستخدم

  • في منطقتنا جالنا ناس من فترة كبيرة كانوا بيحللوا عينات المياه وحللوا كمان مية الفلتر الخمس مراحل ولقوا إن الكلور والشوائب والبكتيريا متركزة في الفلتر وإن المية بتعدي عليها كل يوم. وده بيسبب مشاكل أكبر وكمان اكتشفت إن القاعدة البلاستيك بتاعته مفروض تتنضف ومكنتش بفكها ولقيتها عاملة دود صغير منظره بشع وفكيت الفلتر من وقتها.
  • أنا شغال عندي كويس وجايبه بقالي ٣ شهور لكن بيغيّر طعم المية وأخدنا فترة وبعدين اتعودنا عليه.

شوف فلتر مياه تانك باور- ٥ مراحل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة ١٠٠٪.

 

2 thoughts on “مزايا وعيوب فلتر مياه تانك باور ٥ مراحل”

  1. Mohamed says:

    شكرا للمراجعه الجميله بس ده تصحيح صغير

    المرحله الرابعة فى فلتر مياه تانك باور ٥ مراحل شمعتها من ماده Post Carbon (PC)
    مش مصنوعة من ماده Membrane لكن الشمعه دى موجوده فى فلتر السبع مراحل بس فى المرحله الرابعة حسب كلام الشركة المصنعة

    ودى التفاصيل من موقع الشركة :
    فلتر الخمس مراحل
    https://tankwaters.com/collections/water-filters/products/tank-power-plus-5

    فلتر السبع مراحل
    https://tankwaters.com/products/tank-power-plus-ro-7-half-year-contract-free?ref=yotpo_93

    1. Mohamed Abdelrahman says:

      شكرا

Leave a Reply

Your email address will not be published. Required fields are marked *