كتبت: أمنية عزمي

Miele علامة تجارية واخدة شهرة عالمية في مجالها، وتم التصويت عليها في ألمانيا إنها أفضل علامة تجارية على الإطلاق في كل فروع منتجاتها، مميزة بأدائها العالي والتصميم المريح الملائم للبيئة وبيتناسب مع معظم التصميمات الداخلية وواجهات المطابخ الحديثة، فرن Miele H22611B مميز بمساحته الداخلية الكبيرة، وفيه ميزة إنه مصنع من خامات سهل جدا تنضيفها ومطلي من الداخل بنوع طلاء ضد إلتصاق أي أطعمة عليه ودا بيسمح لك بإزالة أي دهون عنيدة بشكل سلس، الفرن مميز بنظام تبريد قوي بيحافظ على برودة الفرن من الخارج وأجزاؤه المحيطة زي مفاتيح التحكم ومقبض الفرن، مزود بشاشة بتقدر تتحكم فيها من ناحية اللغة والإشارات التحذيرية ونسبة سطوعها،الفرن يعمل بالكهرباء ومصنف من الفئة A الموفرة للطاقة.

مميزات كتير هنتكلم فيها مع ياقوطة بالتفصيل عن فرن ميلا بلت ان كهرباء- ستانلس ستيل 60 سم وهنتعرف على أهم مواصفاته ومميزاته وعيوبه، ولو عجبك وحبيت تشتريه هتلاقي عندنا أرخص الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• العلامة التجارية: Miele
• بلد المنشأ: ألمانيا.
• اللون: ستانلس ستيل.
• السعة باللتر: 76.
• التثبيت: مدمج.
• تحكم الزمن: إلكتروني.
• نظام فتح الباب: من أعلى لأسفل.
• فترة الضمان: 5 سنوات.
• مروحة: نعم.
• خاصية الشواء: نعم.
• الارتفاع: 60 سم.
• موديل: H2261B
• النوع: فرن كهرباء بلت إن.

المميزات

• بيتيمز بالتبريد الفائق من جميع الجهات، مزود بألواح عزل متعددة الطبقات تعمل على عزل باب الفرن بشكل فعال جدا وبيضمن الحفاظ على مستوى برودة الأجزاء الخارجية زي أدوات التحكم والمقابض والخزانات المجاورة للفرن في وحدات المطبخ وده بيوفر أعلى درجات الأمان والحماية من الحروق.
• CleanSteel، بيتميز فرن Miele بإنه مصنع من الفولاذ المقاوم للصدأ ومزود بطبقة سطحية من الفولاذ Clean Touch بتوفر عناية فائقة للسطح وبتتميز ان بصمات الأصابع بتكون غير مرئية عليه وبالتالي بيحتفظ بأناقته ورونقه طول الوقت.
• بيتميز بسهولة التحكم، مزود بشاشة عرض فيها سبع أجزاء بتتحكم فيها عن طريق مفتاح دوار.
• بيتميز بالسهولة العالية في التنضيف، مصمم ببطانة خلفية إضافية في الجزء الخلفي من الفرن بتحفز بتعمل على تحليل بقايا الدهون والشحوم باستمرا وبالتالي بيحافظ على الحد الأدنى في مجهود التنضيف.
• الباب مصمم بفكرة Clean Glass Door وهو تصميم داخلي مسطح للباب بدون أي حواف أو زوايا تكون سبب في تجمع الدهون والأوساخ وده بيخلي تنضيفه سهل جدا، وتقدر كمان تستخدمه رف.
• مكونات الفرن بالكامل مميزة بتشطيب من نوع دهان حاصل على براءة اختراع بخصائص غير لاصقة زي جسم الفرن من الداخل وصواني الخبز بتقدر تزيل منها البقع بسهولة بمجرد تنضيفها بسفمجة بالماء والصابون السائل.
• بيتميز بالمرونة في تغيير الإعدادات، بتقدر تتحكم في إعادة ضبط المصنع بشكل فردي زي التحكم في اللغة ونغمات التنبيه ودرجة سطوع الشاشة وكل الإعدادات بما يتناسب مع احتياجاتك في أي وقت.
• مزود بمؤقت مصمم بوظائف توقيت متعددة وتنبيه مثالي دقيق، بتقدر تبرمجه على أوقات البداية والانتهاء المطلوبة حسب مدة الطهي وبيفصل الفرن أتوماتيك بعدها، وفي حالة انقطاع الكهرباء بيتم توفير الوقت المحدد لمدة تصل لحوالي 200 ساعة.
• بيتميز بمساحة داخلية كبيرة 76 لتر ومقسم مستويات لخمس رفوف لتنظيم الطهي بالإضافة لميزة التنظيف الذاتي الانحلالي وهو تنضيف تلقائي للفرن بيحول فيها الشحوم والمخلفات لرماد وقت وصوله لدرجة حرارة عالية في التشغيل وبتعتبر ميزة فعالة جدا وآمنة بتستخدمها كل فترة.
• مزود بشواية حجم كبير متعددة الاستخدامات بتكفي كميات كبيرة من الشوي سواء لحوم وكباب أو فراخ.
• الفرن يعمل بالكهرباء وبيوفر نتائج مثالية في الخبز والتحميص لحد 3 مستويات ورائع في تسوية الكيكات والحلويات بالإضافة انه بيتميز بخاصية كلاسيكية ودرجة حرارة عادية لتقديم أطباق متعددة.
• خاصية اختيار مصدر الحرارة، مع فرن ميلا تقدر تختار تشغيل الحرارة من أسفل الفرن في حالة تحميص الأكل من الأسفل أو تسويته في حمام ماء ساخن.
• مزود بمروحة داخلية بتوزع الهواء السخن في كل أنحاء الفرن لتسوية متساوية ومثالية من الداخل والخارج.

العيوب

• استهلاك الكهرباء عالي ومش موفر زي البوتاجازات الغاز، بالإضافة انه بيعطل في حالات انقطاع الكهرباء.
• عبارة عن فرن فقط بس وبالتالي بتتكلف انك تجيب بوتاجاز بشكل منفصل، وبيكونوا تكلفتهم أعلى من البوتاجاز على بعضه خاصة ان سعر الفرن مش رخيص.
• زجاج باب الفرن مش شفاف وبالتالي مش بتقدر تتابع منه التسوية أو الخبز وبتضطر تفتحه علشان تتأكد بنفسك.

خدمة العملاء

• رقم الخدمة السريع في مصر 19028
• بيوفروا قطع غيار أصلية بأسعار مناسبة، الدعم الفني متوفر 24 ساعة والصيانة منزلية إلا في حالة لو استدعى نقل الفرن في الأعطال الكبيرة.
• ضمان سنة على قطع الغيار وأعمال الصيانة.
• متوفرين في جميع المحافظات.

تجربة المستخدم

قول لنا تجربتك مع فرن ميلا بلت ان كهرباء- H2261B

شوف فرن ميلا بلت ان كهرباء- ستانلس ستيل 60 سم- H2261B من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.