مراجعة فرن آريون كهربائي- 36 لتر

فرن آريون كهربائي- 36 لتر- AR3602R

كتبت: أمنية عزمي

الفرن الكهربائي آريون صناعة مصرية مميزة، حجمه 36 لتر، مزود بمروحة داخلية بتوزع الحرارة بشكل متساوي لتسوية أفضل، مزود بسيخ شوي، بتقدر تسخن فيه الأكل أو تسوي فيه الأكل المعمول نص سوى وبيبقى هايل في المخبوزات زي البيتزا والكيك وبيوفر الوقت بشكل كبير لأنه سريع بقوة 1500 وات، فيه تايمر أتوماتيك بيفصل الفرن بعد انتهاء الوقت المحدد، ولمبة داخلية، وبتتحكم فيه عن طريق 3 مفاتيح لضبط الحرارة، وضبط البرنامج المخصص للتسوية، خامات صنعه قوية وسعره مناسب.

اتعرف مع ياقوطة على أهم مواصفات ومميزات وعيوب فرن آريون كهربائي- 36 لتر- AR3602R واعرف تجربة المستخدم معاه ولو عجبك وحبيت تشتريه هتلاقي عندنا أحسن الأسعار ليه وتقدر كمان تطلبه من خلالنا وبوصلك في أسرع وقت.

بنفكرك إنك ممكن تشتري فرن آريون كهربائي- 36 لتر- AR3602R من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • رقم الموديل: AR3602R
  • اللون: أسود
  • السعة: 36 لتر
  • القدرة: 1500 وات/ 50هرتز/220 فولت
  • نوع الوقود: كهرباء
  • الخامة الأساسية: معدن
  • بلد المنشأ: مصر

المميزات

  • سعته الداخلية 36 لتر وبيجي معاه صينيتين فوق بعض تقدر تعمل فيهم حلويات أو مخبوزات أو أكل متنوع.
  • مميز بسهولة تشغيله والتحكم فيه عن طريق 3 أزرار للحرارة والتوقيت والمروحة لكل واحد منهم ترقيمه الخاص به.
  • مزود بمستويات متعددة للطاقة بداية من 100 ل 280 درجة مئوية بتختار منها حسب نوع الطعام اللي محتاج تجهيز بين تسخين أو تسوية.
  • إمكانية تشغيل الشواية فقط مع المروحة (للتحمير العلوي) أو السيخ فقط للمشويات أو تشغيل الشواية العلوية مع التسوية (تسخين علوي وسفلي) أو التسوية فقط (تسخسن سفلي).
  • مزود بمروحة داخلية بتوزع الحرارة في الفرن بشكل قوي ومتساوي لتسوية أفضل من كل الجوانب.
  • مزود بتايمر أو مؤقت بيديك إنذار لما الوقت بيخلص وبيفصل الفرن أتوماتيك وبتتحكم فيه حسب الوقت اللي محتاجه للأكلة.
  • إمكانية الاحتفاظ بالأكل لفترة ساخن على حرارة 100 لحد وقت التقديم.
  • الشبكة الداخلية مطلية بالكروم المضاد للصدأ وسهلة التنظيف.
  • مزود بإضاءة داخلية لرؤية بشكل أوضح.
  • فيه 3 ارتفاعات لمستوى الصواني بتتحكم فيهم حسب المطلوب.
  • بييجي معاه ماسك للصواني بتتحكم منه في تحريك الصواني أو الأرفف لو كان ساخنة.
  • بيوفر جدا في الوقت ودي من مميزاته القوية لو قارناه بالأفران العادية، يعني تقدر تجهز مقتك معاه في وقت قياسي.
  • بتقدر تذوب فيه اللحوم أو الأكلات المجمدة بسرعة، وبعدين تسخنها أو تسيبها لمرحلة الطهو.
  • حجمه صغير وسهل تنضيفه وتقدر تحطه في أي مكان في المطبخ أو تستخدمه في الشركات.
  • سهل في صيانته وتنضيفه، كل اللي هتحتاجة قماشة قطن مبلولة مية أو قطعة اسفنج وتمسح بيها الفرن من جوا وانتهى.

عيوبه

  • نقطعة ضعفه هي المفصلات، المفصلات نوعها متوسط ومش لينة.
  • مفيهوش خاصية أمان للأطفال.
  • لو الكهرباء قطعت مش هتقدر تستخدمه.
  • خامات صنعه متوسطه.

خدمة ما بعد البيع

  • الرقم المخصص لصيانة آريون: 1211115709
  • مراكزهم متوفرة في كل محافظات الجمهورية.
  • بيوفروا قطع غيار بالضمان.

آراء المستخدمين

  • الأراء اللي اتكلمت عنه قالت إن التسوية فيه كويسة جدا والتحمير والشوي وسريع والمروحة فيه هايلة وبتفرق جدا مع طريقة تسوية الأكل لكن تنضيفها صعب خصوصا إنها في مكان مغلق لكن بتحتاج تتفك وتتنضف كل فترة من الزيوت علشان تشتغل بنفس الكفاءة، وقالوا إن المفصلات ضعيفة وفيه سيدة قالت إنها لقيتها متنية بعد فترة قصيرة من الاستخدام ومش عارفة دا سوء استخدام من الأولاد ولا لأ لكن بشكل عام المفصلات في الباب ضعيفة وبتبقى أحسن كتير في الحركة لما تتشحم.

شوف فرن آريون كهربائي- 36 لتر- AR3602R من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروس كويس جدا.

Leave a Reply

Your email address will not be published. Required fields are marked *