مراجعة غسالة HOVER (هوڨر) فل أتوماتيك سعة 8 كيلو

hover washing machine 8 k- DXOA38AC3-EGY

كتبت: أمنية عزمي

غسالات هوفر صناعة إيطالي بتمميز بالجودة والخامات العالية جدا، بتتمتع بتقنية الغسيل الذكي من خلال التحكم في الغسالة عن طريق الموبايل بتكنولوجيا NFC وبتقدر تتعرف من خلالها على أي مشكلة في الغسالة وكمان بتقدر تتحكم فيها عن بعد من الموبايل، بتمتلك أفضل الشاشات الديجيتال، وجسم الغسالة غير قابل للصدأ، بيميزها عرض فتحة الباب الكبيرة واللي بتسمح بدخول المفروشات فيها بسهولة، فيها برنامج إقتصادي مدته 20 دقيقة ونضافته هايلة، فيها خاصية تعقيم الملابس ومنع الكرمشة، ومن مميزاتها انها بتحافظ على نفسها من أي خطأ زي انها بتحافظ على السعة المفروضة وبترفض تشتغل لو التحميل عالي أو كمية الغسيل كبيرة علشان ما يؤثرش على الموتور وتقدر توفر أعلى نضافة.

تابعنا مع ياقوطة علشان تتعرف على أهم مواصفات ومميزات وعيوب  بالتفصيل عن غسالة HOVER (هوڨر) فل أتوماتيك سعة 8 كيلو- DXOA38AC3-EGY وهننقل لك رأي الناس اللي استخدمتها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

بنفكرك إنك ممكن تشتري غسالة HOVER (هوڨر) فل أتوماتيك سعة 8 كيلو- DXOA38AC3-EGY من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.


المواصفات

  • موديل المنتج: DXOA38AC3-EGY
  • النوع: فل أتوماتيك.
  • نوع التحميل: تحميل أمامي.
  • سعة الغسالة: 8 كيلو.
  • معدل الدوران: 1300 لفة في الدقيقة.
  • سخان داخلي: متوفر.
  • طلمبة: نعم.
  • شاشة ديجيتال: نعم.
  • الأبعاد (العرض×الارتفاع× العمق): 60×85×52 سم.
  • فترة الضمان: خمس سنوات ضمان مجاني شامل.

المميزات

  • إيطالية الصنع بالكامل وبتتمتع بأجود الخامات من الداخل والخارج من معدن الكروم ومعالجة ضد الصدأ.
  • مزودة بتقنية الغسيل الذكي عن طريق التحكم في تشغيلها من الموبايل بتكنولوجيا NFC بتوصلها بالواي فاي وتتحكم فيها عن بعد وبتتعرف من خلالها على البيانات والأعطال.
  • تعمل بموتور انفرتر وبيعتمد على الدفع المباشر اللي بينقل الحركة بطريقة مباشرة للحلة والمروحة بدون ناقل الحركة (السير) ودا بيضمن قوة أعلى للدوران وبيوفر الهدوء للغسالة وعدم الاهتزاز وقت العصر، وبيقلل من استهلاك الكهرباء بنسبة 30% اقل.
  • سعة الغسالة 8 كيلو بتوفر عدد مرات الغسيل وتقدر تغسل فيها بطاطين ومفروشات وتوفر عليك مصاريف الدراي كلين وتعب الغسيل اليدوي.
  • معدل دورانها 1300 لفة في الدقيقة يعني قوة تنضيف عالية وقوة عصر عالية والغسيل مش بيحتاج وقت طويل علشان ينشف.
  • تعمل بتكنولوجيا All in One، يعني تقدر تغسل الأبيض مع الألوان في غسلة واحدة بدون قلق وبدون ما تستنى تكمل نفس نوعية الغسيل.
  • مزودة ببرامج متعددة لكل أنواع الملابس.. برنامج غسيل جميع أنواع الأقمشة بدرجة حرارة 20، برنامج التعقيم الشامل بالبخار، برنامج غسيل جميع أنواع الأقمشة في 59 دقيقة بدرجة حرارة 40، البرنامج السريع في 14 و30 و44 دقيقة، برنامج غسيل القمصان بالبخار، برنامج الملابس الداكنة، برنامج غسيل الملابس البيضاء+ الغسيل التمهيدي للملابس شديدة الإتساخ، برنامج الشطف، برنامج العصر والصرف، برنامج الغسيل اليدوي والحرير، برنامج الصوف، برنامج غسيل الأقمشة الناعمة والرقيقة، برنامج غسيل الأقمشة الصناعية المختلطة، برنامج غسيل الأقمشة القطنية، برنامج التشغيل عن طريق تطبيق NFC.
  • خاصية إبادة الجراثيم في حالة وجود مرض عائلي مع برنامج التعقيم الشامل بالبخار عند درجة حرارة 60.
  • بتتميز بفتحة باب واسعة بعرض 35 سم بتفتح بزاوية 180 درجة بيسهل كتير إنك تضيف الملابس الشتوي والبطاطين والمفروشات بسهولة.
  • تعمل بخاصية الغسيل ثلاثي الأبعاد، خاصية شلال التربو تعمل على توزبع المياه بشكل ثلاثي الأبعاد وتدويره بالتساوي لتقليل تشابك الملابس والتخلص من أي رواسب.
  • من الغسالات الأكثر كفاءة على الإطلاق ومصنفة فئة A+++ بتوفر جدا في استهلاك الكهرباء والمية.
  • مزودة بشاشة LCD من أفضل الشاشات الديجيتال في السوق، مساحتها كبيرة وألوانها واضحة وتعمل باللمس.
  • جسم الغسالة مصنع من الاستانلس ستيل بالكامل المضاد للصدأ ولون ومادة صنع باب الغسالة من الكروم وبيحفظها من مشاكل البارومة اللي بنعاني من مشاكلها مع الغسالات.
  • الحلة الداخلية ستانلس ستيل بالكامل مقاومة للصدأ وبتحافظ على نسيج الأقمشة.
  • خاصية تأجيل بدء التشغيل حتى 24 ساعة كاملة.
  • مزودة بعدة مفاتيح للتحكم.. مفتاح بدء التشغيل والإيقاف المؤقت باللمس، مفتاح التحكم في سرعة العصر، مفتاح للتحكم في درجة الحرارة، مفتاح البرنامج السريع وتحديد درجة اتساخ الملابس، مفتاح تأجيل بدء التشغيل، مفتاح مانع لكرمشة الملابس، مفتاح العناية الحساسة، مفتاح التعقيم للملابس عند درجة حرارة 60.
  • عليها ضمان مجاني لمدة 5 سنوات مجاني شامل من توشيبا العربي.

العيوب

  • لا تحتوي على مجفف.
  • صوتها عالي أثناء العصر.
  • بتتوقف عن العمل لو كمية الغسيل زادت عن الحد المحدد الغسالة أو كمية المية اللي داخلة قليلة.
  • قطع غيارها مش دايما متوفرة ودا لأنها مستوردة وبيكون سعرها عالي.

خدمة العملاء

  • الرقم السريع لصيانة العربي جروب: 19319
  • مراكز الخدمة متوفرة في كل محافظات الجمهورية، وبيوفروا قطع غيار لكن بتكون أسعارها عالية لأنها مستوردة.
  • في شكوى من سوء مستوى الصيانة والخدمة.

تجربة المستخدم

  • أكتر ميزة بتعجبني إني بقدر أغسل الألوان مع الأبيض من غير ما يحصل لهم حاجة دي هايلة ومش بتخلي الغسيل يتكوم، وكمان برنامج الغسيل السريع 20 دقيقة هايل وبينضف كويس جدا.
  • أول لما اشتريتها وكنت أوقات بحط الغسيل واتفاجأ انها بتتوقف لأن الحمولة زيادة ودا عجبني جدا انها بتحافظ على الموتور وعلى الكمية الصح اللي بتاخدها، والشاشة فيها واضحة وبتتعامل باللمس وكمان تشغيلها عن طريق الموبايل مريح جدا. فعلا غسالة ذكية.
  • في ناس بتواجه صعوبة في التعامل مع الغسالة من خلال توصيلها بالموبايل.

شوف غسالة HOVER (هوڨر) فل أتوماتيك سعة 8 كيلو- DXOA38AC3-EGY من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *