مراجعة غسالة وايت بوينت- غسالة ملابس تحميل أمامي- ٥ كيلو

 

كتبت: أمنية عزمي

أنواع الغسالات كتير والمنافسة بينهم قوية، كل واحد بيحدد النوع والحجم المناسب ليه حسب احتياجه، لكن بما إن الغسالات من الأجهزة اللي استهلاكها عالي وغالبًا مفيش بيت مش بيحتاج لصيانة الغسالة يبقى لازم في كل الاختيارات نهتم بمستوى خدمة العملاء وقت الاختيار لأن دول اللي هيستمروا معاك بعد البيع.

هنستعرض من خلال الريفيو ده غسالة وايت بوينت- غسالة ملابس تحميل أمامي- 5 كيلو وهنتعرف على أهم مواصفاتها ومميزاتها وعيوبها ورأي المستخدم في خدمة العملاء بعد البيع، ولو عجبتك وحبيت تشتريها هتلاقي على ياقوطة أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الكود التعريفي للمنتج: WH042HL013PCMNAFAMZ
  • اللون: أبيض.
  • بلد المنشأ: تركيا.
  • الموديل: WPW 5613W
  • أبعاد المنتج: 84.5× 60×53.
  • الخامة الأساسية: إيناميلد.

المميزات

  • الغسالة سعتها 5 كيلو بتحميل أمامي، مناسبة للعائلات الصغيرة والمتوسطة وبتوفر في الوقت والكهرباء.
  • بتتميز بعدد 15 برنامج بيتناسبوا مع كل أنواع المنسوجات وبتوفر النضافة اللي بتحتاجها لكل أنواع الغسيل.
  • سرعة دورانها 600 لفة في الدقيقة مما يعني نضافة أعلى وعصر أقوى.
  • نظام إلكتروني للتحكم في درجات الحرارة، يعني المستخدم بيختار البرنامج حسب نوع القماش ولونه وشدة اتساخه، والبرنامج بيكون متظبط إلكترونيًا على درجة الحرارة ودا أأمن للغسيل علشان يحافظ عليه.
  • بتوفر برامج تتناسب مع كل استخدامات العائلة زي برنامج الغسل السريع، وبرنامج الغسل اليدوي وبرنامج الغسيل المختلط اللي بيحافظ على الأوان من البهتان عن طريق تخصيص درجة حرارة منخفضة للغسلة، غير برنامج غسل الحمولة المخفضة.
  • حجمها مش كبير وبيسمح انك ممكن تحطها في أي مكان وتتماشي مع دولاب المطبخ أو الحمام بسهولة.
  • مزودة بمفتاح لاختيار البرامج مع شرح مختصر لأنواع البرامج حوله وأنواع النسيج الملائمة له.
  • مزودة بنظام توازن تلقائي بيمنع الإهتزاز والصوت العالي ويديها ثبات قوي في مكانها.
  • نظام استشعار ذكي لتوفير الكهرباء والمسحوق والمية.
  • بتقدر تتحكم في سرعة العصر بالتحكم في عدد اللفات في الدقيقة عن طريق البرامج والأزرار اللي بتمنحك إختيارات كتير.
  • مصنعة من الإيناميلد القوي ضد الصدأ.

العيوب

  • طبقة الدهان بتتقشر وجسم الغسالة بيصدي لو اتحطت في الحمام وخدمة الصيانة بتقول إن شرط استخدامها ضد الصدأ إنها تتركب في المطبخ، وده معناه إن الدهانات مش قوية.
  • مش بتحتوي على شاشة ديجيتال LCD اللي بتعرف من خلالها البرنامج والوقت المتبقي على إنتهاؤه والأعطال اللي ممكن تتعرضلها.
  • مفيهاش مجفف للملابس.
  • سعتها مينفعش تاخد بطاطين كبيرة أو لحاف كبير.
  • الفتحة الأمامية صعبة بالنسبة للبعض زي اللي عندهم مشاكل في العمود الفقري أو كبار السن.
  • وزنها تقيل وصعب تحركها من مكانها.

خدمة العملاء

  • رقم الخط الساخن 19595.
  • شركة العبد مستواها إنحدر في الصيانة وفي شكاوى كتير جدًا منها، ومش بتوفر قطع الغيار، والموديلات الجديدة بتنزل بعيوب صناعة.

تجربة المستخدم

  • أنا شخصيا عندي غسالة وايت بوينت العبد وكانت بتعمل صوت عالي وهي لسه جديدة ولما طلبت خدمة العملاء جه الشخص اللي ركبها وشغلها وقالي إن الصوت ده هو الطبيعي بتاعها، وكانت مزعجة جدًا ودي كانت أول صدمة أتصدمها فيها، بعد شهر الصوت زاد وطلبت الصيانة وجه واحد مختلف وقالي ده رومان بلي وحاول يفهمني انه من سوء الاستخدام علشان يحملني تكاليفها رغم إنها في الضمان وبقالها شهرين فقط، بعدها عرفت من كذا حد إن الغسالات بتنزل بعيوب صناعة واتنين من اللي أعرفهم كان عندهم نفس مشكلتي وحاولوا يماطلوا معاهم لحد ما تعدي فترة الضمان إلا إن الغسالة بتتهالك، بعد ما اتصلحت بقت كويسة بقالها فترة.
  • الصيانة سيئة، طلبت منهم ييجوا يصلحوا الغسالة وقالولي كشف 100 جنيه والتصليح هيتكلف 1200 جنيه وهناخدها نصلحها عندنا وأخد مقدم 600 جنيه وبقاله 3 أسابيع مش بيرد على الموبايل ومحدش معبرني في الصيانة.

شوف غسالة وايت بوينت- غسالة ملابس تحميل أمامي- 5 كيلو- من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 12 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *