كتبت: أمنية عزمي

غسالة نصف أتوماتيك من يونيون إير بتتميز بإنها من الأنواع الموفرة جدا في الصابون والمية والكهرباء، بالإضافة إنك تقدر تستخدم معاها أي نوع مسحوق يعني مش شرط أنواع غالية، الغسالة مكونة من حوضين، واحد منهم للغسيل والتاني للشطف والعصر، ومن مميزاتها اللي ناس كتير أجمعوا عليها إنها بتنضف الغسيل جدا وقدرتها عالية على إزالة البقع وعلشان كدا ناس كتير بتفضل الغسالات النصف أتوماتيك لحد النهاردة وفي ناس بتستعين بها مع الأتوماتيك، الحلة الداخلية فيها استانلس ستيل ناعمة جدا عالملابس والمنسوجات بعكس الغسالات العادية اللي دايما تواجهنا فيها المشكلة دي مع الملابس خاصة الأصواف والحراير ودي من أهم الحاجات اللي بتميز غسالة عن التانية، وطبعا ضد الصدأ، وسعرها مناسب جدا لأي ميزانية.

تعالى مع ياقوطة علشان تتعرف بالتفصيل على أهم مواصفات ومميزات وعيوب غسالة نصف أتوماتيك سعة 10 كجم- حوضين- من يونيون إير ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

بنفكرك إنك ممكن تشتري غسالة نصف أتوماتيك سعة 10كجم- حوضين- من يونيون إير من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: UW150T-P
• السعة: 10 كيلو.
• قدرة التجفيف: 3 كيلو.
• كمية مياه الغسيل: من 40 ل 60 لتر.
• قدرة مضخة الصرف: 25 لتر/ الدقيقة.
• قدرة موتور الغسيل: 220 وات.
• قدرة موتور العصر: 70 وات.
• صافي الوزن: 30 كيلو.
• الأبعاد: 93× 82.5× 52.5 سم.
• النوع: غسالة نصف أتوماتيك بمسحوق عادي.

المميزات

• هاف أتوماتيك، مميزة بسعتها الكبيرة 10 كيلو ومناسبة للعائلات المتوسطة والكبيرة لأنها بتوفر عدد مرات الغسيل وتقدر تغسل فيها بطاطين ومفروشات وتوفر عليك مصاريف الدراي كلين وتعب الغسيل اليدوي.
• مزودة بحوضين واحد للغسيل بسعة 10 كيلو والتاني بيشطف ويعصر بسعة 3 كيلو، ووجود حوض مخصص للعصر بيخلي العصر فيها أقوى من الغسالات العادية.
• موفرة جدا في المسحوق لأن بتقدر تستخدم معاها أي أنواع مساحيق وكمان مش بتحتاج كمية كبيرة من المسحوق.
• معدل دورانها 1400 لفة في الدقيقة يعني قوة العصر فيها عالية والغسيل مش بيحتاج وقت طويل علشان ينشف.
• نظام الدوامات في إتجاهين، ودا بيخلي قدرتها على التنضيف وإزالة البقع عالية جدا حتى في اللون الأبيض وناس كتير بتفضل غسيلها عن الأتوماتيك بسبب قدرتها عالتنضيف.
• مزودة بتايمر بتتحكم في التوقيت اللي عايزه من خلاله حسب نوع الأقمشة ودرجة إتساخها.
• فتحتها العلوية سهلة في التعامل ومناسبة للأشخاص اللي عندهم مشاكل في الضهر وكبار السن وكمان تقدر تضيف أي قطعة غسيل منسية خلال الدورة وهي شغالة بعكس الأتوماتيك.
• مزودة بطلمبة لصرف المياه.
• فيها دورة نقع للغسيل اللي فيه بقع قوية ومحتاجة وقت تنضيف.
• مدة العصر فيها 20 دقيقة.
• لونها الأبيض مخلي شكلها شيك مع تداخل اللون الأزرق الخاص بلوحة المفاتيح المضادة للماء، بالإضافة لغطاء شفاف على حوض العصر
• مصنوعة من مواد عالية الجودة ومضادة للصدأ.

العيوب

• مش بتوفر مجهود ووقت زي الغسالات الفل أتوماتيك لأنك بتحتاج تتابعها وتنقل من الغسيل للشطف والعصر بشكل يدوي في كل مرحلة.
• برامجها مش متنوعة حسب نوع الأقمشة والمنسوجات زي الأتوماتيك وبتشتغل بنظام ثابت.
• مفيهاش سخان داخلي وبتضطر توصلها بالسخان أو تسخن مية بشكل يدوي.
• استهلاكها للمياه أعلى من الغسالات الأتوماتيك.

خدمة العملاء

• يونيون إير بتدي صيانة 5 سنوات عالغسالة رغم إنه مش مذكور الضمان، لكن بالنسبة للتعامل فهو أسوأ تعمال لشركة في خدمة العملاء ممكن تقابله والحقيقة ملقيتش رأي واحد ينصفهم للأسف. الغسالة أعطالها كتير ولو الفنيين استجابوا للعميل بييجوا ويمشوا والعطل هو هو موجود وأوقات تانية مش بيردوا عالعملاء أصلا والأجهزة بايظة بالشهور.

تجربة المستخدم

• مش بتشطف الغسيل بشكل جيد ومعظم اللي بيستخدموها بيضطروا يشطفوا الغسيل بشكل يدوي لأن بقايا المسحوق بتسبب حساسية جلدية والشطف اليدوي بياخد مجهود عالي وبيكون متعب في الشتاء والبرد.
• بتنضف بأي نوع مسحوق وبتوفر كتير في سعر المسحوق.

شوف غسالة نصف أتوماتيك سعة 10كجم- حوضين- من يونيون إير من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.