مراجعة مواصفات وأسعار غسالة فريش تحميل علوي- 4 كيلو
كتبت: أمنية عزمي
غسالة فريش تحميل علوي بسعة 4 كيلو مفيدة جدا للي عندهم أطفال رضع لأنهم بيوسخوا هدومهم بسرعة وطول الوقت وبتبقى محتاجة غسيل فوري لأنها بتبقع وبتبقى ريحتها وحشة لو إتركنت شوية، وبتنفع كمان العائلات الصغيرة وميزتها إنها بتنضف الغسيل جدا لأنك بتتحكم في دورتها، الغسالة سعتها 4 كيلو يعني مناسبة للأسر الصغيرة وتحميلها من فوق يعني سهلة في الإستخدام وتقدر تضيف ليها أي قطعة وهي شغالة، ومناسبة لكل أنواع المنسوجات وبتقدر تتحكم في درجة حرارتها بما يتناسب مع نوعية القماش، وكمان موفرة جدا لأنك بتستخدم معاها أي نوع صابون عادي.
تابعنا مع ياقوطة علشان تتعرف على أهم مواصفات ومميزات وعيوب غسالة فريش تحميل علوي- 4 كيلو وهننقل لك كمان رأي المستخدم فيها علشان تقدر تكون فكرة كاملة قبل ما تشتري، ولو عجبتك الغسالة وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.
بنفكرك إنك ممكن تشتري غسالة فريش تحميل علوي- 4 كيلو FWS400NA- أبيض من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- رقم الموديل: FWS400NA
- السعة: 4 كيلو
- نوع التحميل: تحميل علوي
- نوع الغسالة: عادية
- اللون: أبيض
- مادة الصنع: بلاستيك
المميزات
- غسالة عادية سعة 4 كجم، سعتها مناسبة للعائلات اللي عدد أفرادها قليل أو اللي عندها أطفال بتحتاج غسيل فوري وبتكون عملية كمان في المصايف.
- بتوفر في الكهرباء لأنها مش بتسخن المية وبالتالي مش بتسحب كهرباء.
- فتحتها العلوية مفيدة في انك بتقدر تضيف أي قطعة غسيل منسية وقت التشغيل وكمان وضعها مريح لكبار السن واللي عندهم مشاكل في العمود الفقري.
- تشتمل على برامج متعددة مناسبة لكل أنواع المنسوجات أقطان وصوف وحرير وكمان برنامج للنقع.
- مزودة بعدد 2 أزرار، واحد لضبط البرنامج والتاني لضبط التوقيت اللي بتحتاجه للغسيل حسب شدة إتساخه.
- عملية جدا لأنك بتقدر تظبط مستوى المياه لو عندك غسيل كمية قليلة ومحتاج تغسله، يعني مش لازم تملاها.
- مزودة بمؤقت 15 دقيقة مع إيقاف تلقائي بعدها وبينفع لغسل الملابس بشكل سريع.
- موفرة جدا في المسحوق لأنك بتقدر تستخدم معاها أي أنواع مساحيق عادية.
- موتور قوي بيمنحك أفضل أداء.
- مزودة بطلمبة لضخ المياه.
- بتتميز بجسم خارجي مصنع من البلاستيك القوي ضد الصدمات ومش بيضيف وزن تقيل للغسالة.
- دورة الغسيل فيها مش طويلة زي الغسالات الأتوماتيك وبالتالي بتنجز في الوقت.
- وزنها خفيف وتقدر تحركها من مكانها بشكل سلس وكمان صوتها واطي أثناء التشغيل.
- سعرها في متناول الجميع وإمكانياتها كويسة بالنسبة للسعر.
- عليها ضمان من فريش لمدة 5 سنوات.
العيوب
- مفيهاش سخان داخلي وبتضطر تعملها وصلة للسخان أو تسخنلها مية ودا طبعا بيكون تكلفة عالسخان سواء غاز أو كهرباء.
- لا تحتوي على خيار زر تأجيل البدأ.
- حوض واحد فقط للغسيل ولا تحتوي على مجفف وبتحتاج تشطف بنفسك وتعصر.
- مفيهاش وضع أو رز حماية للأطفال ضد العبث.
- بتستهلك مية أكتر كتير من الغسالات الأتوماتيك.
- السطح العلوي للغسالة غير مستغل بسبب ان فتحتها علوية.
خدمة العملاء
- فريش بتعتمد في صيانتها للغسالات على أكفأ المهندسين والفنيين والصيانة بتم في المنازل.
- بيوفروا كل قطع الغيار بالضمان وليهم مراكز متوفرة ومنتشرة في كل أنحاء الجمهورية.
- رقم الصيانة الخاصة بهم 19059
تجربة المستخدم
- عندي منها وشغالة عليها طول الوقت علشان هدوم البيبي والحقيقة نفعاني كتير.
- غسالة كويسة وسعرها حلو على أد إمكانياتها.
- مفيش منها شكوى ومستوى الصيانة في فريش رائع في التعامل.
شوف غسالة فريش تحميل علوي- 4 كيلو FWS400NA– أبيض من هنا.
**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.