مراجعة غسالة فريش تحميل علوي سعة ١٠ كيلو

مميزات وعيوب و سعر غسالة فريش تحميل علوي سعة ١٠ كيلو

كتبت: أمنية عزمي

فريش من الشركات العملاقة اللي بتوفر كل أنواع الأجهزة الكهربائية لكل المستويات والمتطلبات اللي بيحتاجها، من أجهزتها غسالة فريش تحميل علوي بحجم كبير اللي بتساعدك على غسل كميات كبيرة في مرة واحدة ومناسبة جدا للعائلات المتوسطة والكبيرة بالإضافة لأنك تقدر تغسل فيها المفروشات والبطاطين بسهولة ومناسبة لكل أنواع المنسوجات وبتتحكم في درجة حرارتها بما يتناسب مع نوعية القماش.

تعالوا مع ياقوطة نتعرف بشكل أكبر على غسالة فريش تحميل علوي سعة ١٠ كيلو ونوضح أهم مواصفاتها ومميزاتها وكمان نتعرف عيوبها ورأي المستخدم فيها علشان تقدر تكون فكرة كاملة قبل ما تشتري، لو عجبتك الغسالة وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الكود التعريفي للسلعة FR057HL0EELU6NAFAMZ
اللون أبيض.
سعة الموديل ١٠ كيلو جرام.
بلد المنشأ مصر.
الخامة الأساسية بلاستيك.

المميزات

  • الغسالة سعتها لحد ١٠ كيلو بتقدر تحط فيها كميات كبيرة ومناسبة جدًا للعائلات الكبيرة والمتوسطة.
  • موفرة جدًا في المسحوق لأنك بتقدر تستخدم معاها أي أنواع مساحيق عادية.
  • الحوض الداخلي للغسالة ستانلس ستيل كبير ضد الصدأ وسهل التنظيف.
  • غطاء الغسالة شفاف وبتقدر تتابع دورة الغسيل من خلاله.
  • فتحتها العلوية مفيدة في إنك بتقدر تضيف أي قطعة غسيل منسية وقت التشغيل وكمان وضعها مريح لكبار السن واللي عندهم مشاكل في العمود الفقري.
  • تشتمل على برامج متعددة مناسبة لكل أنواع المنسوجات أقطان وصوف وحرير وكمان برنامج للنقع.
  • مصممة بتقنية منع تشابك الملابس وبالتالي بتحافظ على عمر النسيج والخامات الحساسة.
  • صوتها هادي ومالهاش ضجيج عالي.
  • مزودة بمؤقت مع إيقاف تلقائي.
  • فيها فلتر للألياف والخيوط علشان يحافظ على نعومة ونظافة المنسوجات.
  • موتور قوي بيمنحك أفضل أداء.
  • مزودة بطلمبة لضخ المياه.
  • الجسم الخارجي مصنع من البلاستيك القوي ضد الصدمات ومش بيضيف وزن تقيل للغسالة.
  • بسبب سعتها الكبيرة بتقدر تغسل فيها البطاطين أو اللحاف والمفروشات والستائر بأنواعها وبتوفر عليك مصاريف الدراي كلين.
  • دورة الغسيل فيها مش طويلة زي الغسالات الأتوماتيك وبالتالي بتنجز في الوقت.
  • عملية جدا لأنك بتقدر تظبط مستوى المياه لو عندك غسيل كمية قليلة ومحتاج تغسله، يعني مش لازم تملاها.

العيوب

  • مفيهاش سخان داخلي وبتضطر تعملها وصلة للسخان أو تسخنلها مية، وده طبعًا بيكون تكلفة على السخان سواء غاز أو كهرباء.
  • مفيهاش مجفف ولا بخار.
  • مفيهاش وضع أو رز حماية للأطفال ضد العبث.
  • بتستهلك مية أكتر كتير من الغسالات الأتوماتيك.

خدمة العملاء

  • فريش بتعتمد في صيانتها للغسالات على أكفأ المهندسين والفنيين والصيانة بتم في المنازل.
  • بيوفروا كل قطع الغيار بالضمان وليهم مراكز متوفرة ومنتشرة في كل أنحاء الجمهورية.

تجربة المستخدم

  • الناس اللي بتستخدمها شكرت فيها جدًا وبتقول إنها بتتحمل شغل كتير.
  • سعتها حلوة وكبيرة وموفرة جدُا في المسحوق لأن بيستخدموا معاها مسحوق عادي وتنضيفها عالي.
  • الصيانة محترمين في تعاملهم وقطع غيارهم بالضمان.

شوف غسالة فريش تحميل علوي سعة ١٠ كيلو من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

   أمنية عزمي، بكتب من 8 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

   

Leave a Reply

Your email address will not be published. Required fields are marked *