مراجعة غسالة توشيبا فوق أتوماتيك 10 كيلو

كتبت: أمنية عزمي

معظم الغسالات الفوق أتوماتيك في السوق شبه بعض في مواصفاتها وبرامج التشغيل فيها، وبالتالي بنفرق بين الغسالات وبعضها بجودة خاماتها وإمكانياتها وتوفر قطع غيارها وخدمة ما بعد البيع خاصة إن اللي بيجيب غسالات سعتها كبيرة زي ال 10 كيلو بيدور على أنواع تكون معمرة، غسالة توشيبا فوق أتوماتيك 10 كيلو بتتميز بجودة الخامات المصنع منها الدوائر الكهربية في موتور الغسالة وصمام دخول الماء ومفتاح الأمان وطلمبة صرف المية وباقي أجزء الضفيرة الكهربائية، ودي من أهم الأجزاء اللي بتحافظ على العمر الطويل للغسالة واللي تميزت بها توشيبا في التصنيع، بالإضافة لجودة مكونات اللوحة الإلكترونية والحساسات، ودا من العوامل اللي خلاها من الغسالات الأكتر شعبية في السوق العربي وتتناسب مع الأسر المتوسطة.

تابعنا مع ياقوطة هنوضح بالتفصيل أهم مواصفات ومميزات وعيوب غسالة توشيبا فوق أتوماتيك 10 كيلو، AEW-E1050SUP(SS) وهننقل لك رأي المستخدم فيها علشان تقدر تكون فكرة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وهتوصلك لغاية عندك في أقرب وقت.

بنفكرك إنك ممكن تشتري غسالة توشيبا فوق أتوماتيك 10 كيلو، AEW-E1050SUP(SS) من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات غسالة توشيبا فوق أتوماتيك 10 كيلو، AEW-E1050SUP(SS)

  • موديل المنتج: AEW-E1050SUP(SS)
  • العلامة التجارية: توشيبا
  • نوع الغسالة: فوق أتوماتيك
  • حمولة الغسالة: 10 كيلو
  • اللون: فضي
  • بخار: لا
  • مجفف: لا
  • حلة ستانلس: نعم
  • طلمبة مياه: متوفر
  • نوع التحميل: تحميل علوي
  • الأبعاد (العرض× الإرتفاع× العمق): 59.3× 100.7× 64.5 سم
  • شاشة ديجيتال: لا
  • عدد الدورات/دقيقة: 860
  • بلد المنشأ: مصر
  • فترة الضمان: خمس سنوات

مميزات غسالة توشيبا فوق أتوماتيك 10 كيلو، AEW-E1050SUP(SS)

  • موفرة، سعة 10 كجم دا حجم كبير بيوفر في عدد مرات الغسيل وبتقدر تغسل فيها بطاطين ومفروشات وتوفر مصاريف الدراي كلين.
  • مزودة بمدخلين للمياه بارد/ساخن، توشيبا موفرة في التصميم فتحة للمية السخنة تسهل عليك توصيلها بالسخان بما إن الغسالات الفوق أتوماتيك عامة مفيهاش تسخين للمية
  • مزودة بطلمبة لصرف المياه.
  • تحكم كامل لوظائف التشغيل بواسطة نظام كمبيوتر ذكي بيقوم بكل وظائف الغسالة بشكل أتوماتيكي.
  • مزودة بفلتر نسالة بتصميم جديد بيحافظ على عمر الغسالة وبينقى الملابس من الوبريات.
  • تعمل بخاصية Hydro twin power عبارة عن شلالات بتعيد سحب وضخ المية وقت الغسيل لرفع كفاءة المسحوق وتخليه يتغلغل بشكل أقوى مع الغسيل والمية.
  • مروحة الغسالة مصممة بتصميم مبتكر بيمنع تشابك الملابس خلال دورة الغسل أو العصر Hybrid Screw Pulsator.
  • الغسالة فيها خواص كتير علشان تفي بأي احتياج زي (دورة غسيل إعتيادي- دورة الذاكرة- دورة غسيل البطاطين- دورة الغسيل اللطيف- دورة النقع لغاية 60 دقيقة- دورة الغسيل الثقيل- دورة لتعطير الملابس- دورة الغسيل السريع- دورة تنظيف حوض الغسالة- خاصية قفل ضد عبث الأطفال لحمايتهم عن طريق القفل المحكم لغطاء الغسالة- خاصية تجفيف الدوران السريع عن طريق مدخل هواء دائري أثناء دورة العصر الفائق- خاصية تجفيف الحوض- خاصية الغسيل المجفف التمهيدي- إمكانية التحكم في قوة تدفق المياه أثناء التشغيل لتناسب جميع أنواع الأقمشة والإتساخات- إمكانية تحديد مستوى المياه بالغسالة أتوماتيكيا ليتناسب مع كمية الغسيل).
  • إمكانية تنضيف حلة الغسالة بعد كل استخدام بالضغط على زر Tub Cleaning.
  • الحلة الداخلية مصممة بشكل نجوم كريستالية بارزة بتحقق النضافة المثالية مع الحفاظ على نوعيات الأقمشة والمنسوجات الرقيقة من التلف.
  • المروحة الداخلية للغسالة مصممة بشكل أقوى لدوران المياه مع الغسيل علشان تحقق أعلى نضافة وضد التشابك.
  • بتوفر في الطاقة لأنها بتفصل بعد 15 ثانية فقط من إنتهاء دورة الغسيل، بالإضافة إنها بتوفر في كمية المياه المستخدمة في الشطف.
  • في حالة إنقطاع الكهرباء الغسالة بتكمل دورتها أتوماتيك بعد رجوع التيار الكهربائي بدون مات تحتاج تدخل منك.
  • لونها فضي ومصنوعة من مواد جودتها عالية ضد الصدأ.
  • مميزة بفتحتها العلوية اللي بتساعدك تضيف أي قطعة غسيل وقت التشغيل، وكمان أسهل في إضافة الملابس من الغسالات اللي فتحتها أمامية خاصة لكبار السن واللي عندهم مشاكل في العمود الفقري.

عيوب غسالة توشيبا فوق أتوماتيك 10 كيلو، AEW-E1050SUP(SS)

  • لا يوجد بها سخان داخلي.
  • لا يوجد بها مجفف هواء.
  • لا يوجد بها بخار.
  • مبتقدرش تستفاد بمساحة السطح بتاعها كسطح إضافي في المكان زي الغسالات اللي بفتحة أمامية.

خدمة عملاء غسالة توشيبا فوق أتوماتيك 10 كيلو، AEW-E1050SUP(SS)

  • الرقم المختصر لخدمة عملاء توشيبا: 19319، متاح 24 ساعة طوال أيام الأسبوع
  • توشيبا بتديك ضمان شامل مجاني على الغسالة لمدة 5 سنوات ومميزة بكفاءة الفنيين والمهندسين وقطع الغيار متوفرة وإستجابة سريعة للعميل.

تجربة المستخدم لغسالة توشيبا فوق أتوماتيك 10 كيلو، AEW-E1050SUP(SS)

  • أداء كويس مقابل تمن معقول.
  • رائعة جدا، بعد استخدام 3 سنين فهي عملية ولا تحتاج لغسالة أطفال في وجودها لأن بها مستوى صغير 23 لتر فقط، وفي حالة بقع الزيوت والشوكولاتة بضيف مع المسحوق قليل من بريل الأطباق لأنها بتقبل أي مسحوق، برامجها متعددة، برنامج تقيل وبرنامج عادي وبرنامج سريع وبرنامج نقع، سلبياتها ان مدة الغسل في الدورة 15 دقيقة فقط والباقي شطف وتجفيف لكن بيعوضها برنامج النقع.
  • الغسالة النصف أتوماتيك أفضل منها، دي بتستهلك مية أكتر من اللازم وبالتالي مسحوق كتير.
  • مش حلوة وبتعمل وبر عالهدوم.

شوف غسالة توشيبا فوق أتوماتيك 10 كيلو، AEW-E1050SUP(SS) من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 2018.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *