مميزات وعيوب غسالة توشيبا فوق أتوماتيك سعة ١٠ كيلو مزودة بطلمبة

مميزات وعيوب و سعر غسالة توشيبا فوق أتوماتيك سعة ١٠ كيلو

كتبت: أمنية عزمي

من أهم الحاجات اللي بتحدد على أساسها سعة الغسالة هي عدد الأفراد، لإن من أول ما يبقى عندك أطفال هتحتاج سعة غسالة كبيرة لأن استهلاكهم للملابس وسرعة توسيخهم ليها بتكون عالية جدًا. وبالتالي هتكون محتاج سعة غسالة كبيرة علشان توفر ملابسهم نضيفة أول بأول، بعدها بتشوف المكان المتاح عندك وميزانيتك والمواصفات اللي بتقدمها كل شركة في منتجاتها وبتختار على الأساس ده.

مع ياقوطة هنتكلم في المراجعة دي عن غسالة توشيبا فوق أتوماتيك سعة ١٠ كيلو مزودة بطلمبة لون أبيض AWE-9770SUP وهنوضح أهم مواصفاتها ومميزاتها وكمان هنعرف عيوبها ورأي المستخدم فيها علشان تقدر تكون فكرة كاملة قبل ما تشتري، لو عجبتك الغسالة وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

موديل المنتج AEW-9770SUP
العلامة التجارية توشيبا.
الفئة الرئيسية غسالة.
النوع فوق أوتوماتيك.
سعة الغسالة ١٠ كيلو.
معدل الدوران ٨٦٠ لفة في الدقيقة.
اللون أبيض.
طلمبة مياه متوفر.
نوع التحميل تحميل علوي.
بلد المنشأ مصر.
الضمان ٥ سنوات ضمان مجاني شامل.

المميزات

    • سعة الغسالة كبيرة ١٠ كيلو ومناسبة للعائلات الكبيرة من ٦ لـ ٨ أفراد واللي عندهم أطفال.
    • مفيهاش تسخين وبالتالي بتوفر في الكهرباء.
    • بتقدر تستخدم معاها مسحوق من أي نوع، وبالتالي بتوفر في المسحوق كتير مش زي الأوتوماتيك.
    • مزودة بحوض داخلي كبير ستانلس ستيل قوي ضد الصدأ، وغطاء خارجي شفاف تقدر تتابع من خلاله دورة الغسيل.
    • سرعة دورانها ٨٦٠ لفة في الدقيقة ودي سرعة كافية انها تطلع الغسيل معصور كويس.
    • مزودة ببرامج مختلفة ومتنوعة لكل اللي ممكن تحتاجه من دورة نقع الملابس، لبرامج لغسيل كل نوع من أقطان وألوان وأصواف وحرير علشان تحافظ على كل نسيج بالدورة المخصصة له.
    • فيها تقنية منع التشابك لمنع تشابك الملابس في وقت الغسيل، وبالتالي هتقدر تخرجهم بسهولة كل قطعة لوحدها.
    • مزودة بمدخلين للمياه بارد وساخن بتقدر توصل الساخن بالسخان في حالة احتجت تغسل بمية سخنة.
    • فتحتها علوية ودي مناسبة لكبار السن والناس اللي عندها مشاكل في العمود الفقري، وكمان بتقدر تضيف أي قطعة وهي شغالة عادي.
    • وظائف التشغيل بتتحكم فيها بشكل كامل من خلال نظام كمبيوتر ذكي.
    • مزودة بطلمبة لصرف المياه.
    • الحلة الداخلية سهلة التنظيف وبتقدر تنضفها بالضغط على زر Tub cleaning.
    • فيها وضع حماية للأطفال بيمنعهم يلعبوا في برامجها أثناء التشغيل، وبالتالي بيمنع أي تغييرات للبرنامج وهي شغالة. ولو فعلت زر الأمان وفتحت غطاء الغسالة هتديك صافرة انذار والبرنامج هيتوقف فورًا.
    • مزودة بفلتر داخلي نساله علشان يمنع أي وبر أو ترسبات من الغسالة، وبالتالي الغسيل بيطلع نضيف وخالي من أي وبريات والفلتر بيتنضف كل فترة.
    • فيها نظام شلالات مياه، ودي بتشتغل بخاصية القوة المزدوجة للمياه اللي بتضخ المية بشكل قوي علشان تخلي المسحوق يتغلغل في الأنسجة، وتنمحك تنضيف مميز للملابس.
    • حجمها الكبير بيسمح انك تغسل فيها بطاطين أو مفروشات بسهولة وبالتالي بتوفر الدراي كلين.
    • مميزة جدًا عن الغسالات الأوتوماتيك بأن دورة الغسيل فيها قصيرة مش بتاخد وقت كبير.
    • مزودة بمدخل هواء ثلاثي بتحصل من خلاله على تجفيف أعلى أثناء دورة العصر.
    • تيار الكهرباء بيفصل عن الغسالة أوتوماتيك بعد انتهاء دورة الغسيل بـ 15 ثانية.
    • حجمها مش كبير ومش بتاخد حيز كبير ومصنعة من مواد قوية ومقاومة للصدأ.
    • مزودة بدورة غسيل عادية، ودورة نقع ١٦٠ دقيقة، ودورة للغسيل التقيل والشطف التقيل، ودورة للبطاطين والمفروشات.
    • المروجة الداخلية مالهاش عمود ودي ميزة حلوة جدًا لأن العمود أو المراوح العالية بتخلي الملابس تلتف حواليها وتتهتك أنسجتها.
    • لو محتاج تغسل ملابس أقل من ١٠ كيلو بتملى مستوى المياه للكمية المطلوبة، وهتلاقيه متحدد جوه الغسالة يعني بتقدر تستخدمها في كل الكميات.
    • عليها ضمان خمس سنين شامل.

العيوب

  • مفيهاش تسخين مياه وبالتالي هتضطر توصلها بالسخان أو تسخنلها مية مخصوص وقت غسيل الأبيض، ودا بيكون حمل عالي على الكهرباء لو كان السخان بالكهرباء وكذلك بالنسبة للغاز برضه لسه استهلاك.
  • استهلاكها للمية أعلى كتير من الغسالات الأوتوماتيك.
  • مش بتقدر تستغل السطح العلوي في الغسالة الفوق أوتوماتيك زي الغسالات الأوتوماتيك، وبالتالي بيبقى سطح غير مستغل.

خدمة العملاء

  • توشيبا معروفة بخدمتها الممتازة لعملائها ومعروفة كمان بتوفيرها لمهندسين وفنيين على أعلى مستوى من الخبرة والاحترام، وكمان مراكز الصيانة موجودة في كل مكان وعندهم سرعة استجابة عالية للعميل، قطع الغيار متوفرة بالضمان والغسالة ضمانها خمس سنوات ضمان شامل.

تجربة المستخدم

  • الحقيقة كل الآراء بتقول فيها شعر حتى العرب اللي مش مصريين بيشكروا فيها جدًا وبيقولوا إنها روعة في أدائها وفيها برامج قصيرة بتنجز معاهم لما يكونوا مستعجلين وتنضيفها قوي جدًا.
  • في واحدة بتقول إنها بتستخدم البرنامج مدته ١٢ دقيقة وعمرها ما احتاجت تغيره لأن تنضيفها هايل وبتوفر في الوقت والاستهلاك.
  • أحلى حاجة بتشيلها من عليا تنضيف البطاطين والمفارش خاصة إني بحب إغسلهم كتير وبستخدمهم معظم السنة.

شوف غسالة توشيبا فوق أوتوماتيك سعة ١٠ كيلو مزودة بطلمبة لون أبيض AWE-9770SUP من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

   

One thought on “مميزات وعيوب غسالة توشيبا فوق أتوماتيك سعة ١٠ كيلو مزودة بطلمبة”

  1. عاطف الوزان says:

    حسبنا الله ونعم الوكيل في فنيين الصيانة لخدمة مابعد البيع لأنهم معندهمش ضمير .. جبت الغسالة من كارفور وبعد يومين جاء الفني لتوصيل خراطيم وكابل الغسالة وتشغيلها وتجربتها وللأسف تم التوصيل والشرح والتجربة في 5 دقايق وبشوية مية وبشكل سريع وختم الضمان ومشى ولما جينا نشغل الغسالة بعدها بساعة واحدة فقط فوجئت بأن هناك تسريب مياه من خرطوم الفايظ لأنه كان مفصول عن مكانه وكمان سمعنا صوت مريب وخبط ورزع في الجيربوكس بتاع الغسالة ولما إتصلت بخدمة الصيانة أرسلوا فني على قد حاله فوقف عاجزآ عن فعل أي شيء وقاللي بلغ الصيانة عشان يتصرفوا همه ومشي بسرعة ولما إتصلت تاني عليهم قالولي هانبعت فني تاني يشوفها ورفضوا إستبدال الغسالة بأخرى من نفس الموديل ونفس اللون .. مضطر ألجأ لجهاز حماية المستهلك عشان أضمن حقي بشتى الطرق القانونية مع الوضع في الإعتبار إني مستحيل أشتري أي حاجة تاني من توشيبا حتى ولو كانت فيها ماء المحياه .. حرام عليكم يابتوع توشيبا العربي ومنكم لله

Leave a Reply

Your email address will not be published. Required fields are marked *