مواصفات وأسعار غسالة أطباق هوفر سعة 13 فرد- 5 برنامج

hover dishwasher 13 5 programs

كتبت: أمنية عزمي

غسالة أطباق هوفر من الغسالات الاستثنائية اللي بتجمع بين التكنولوجيا المتطورة بشكل سلس في الاستخدام من خلال تعدد طرق التواصل التكنولوجي بالغسالة عن طريق الواي فاي والتحكم فيها بالأوامر الصوتية والتعرف كمان على مشاكلها من خلال الموبايل وتكنولوجيا NFC بالإضافة لتصميمها العصري المتميز، الغسالة بتتميز بموتور أمريكي وصناعة تركي، فيها شاشة ديجيتال تعمل باللمس، بتكفي 13 فرد ومساحتها الداخلية كبيرة بتستوعب حلل وصواني بأحجام مختلفة وبتقدر تستخدم معاها كل أنواع المساحيق المخصصة لغسالات الأطباق، فيها 5 برامج متنوعة بدرجات حرارة مختلفة حسب كمية الاتساخ ولو إلتزمت بتعليماتها وصيانتها الدورية هتوفرلك أفضل نتايج وتعيش معاك فترات طويلة بدون مشاكل وعليها ضمان شامل من العربي جروب لمدة 3 سنوات.

تعالوا مع ياقوطة نتكلم عن أهم مواصفات ومميزات وعيوب غسالة أطباق هوفر سعة 13 فرد- 5 برنامج HDPN1L360PA-EGY وعن خدمة العملاء ورأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري غسالة أطباق هوفر سعة 13 فرد- 5 برنامج- فضي- HDPN1L360PA-EGY من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الموديل: HDPN1L360PA-EGY
  • السعة: 13 فرد.
  • مستوى كفاءة الطاقة: C
  • الأبعاد (العرض× الارتفاع× العمق): 60×80×60 سم
  • اللون: فضي.
  • بلد المنشأ: تركيا.
  • فترة الضمان: 3 سنوات.

المميزات

  • تصميم عصري وأنيق بيجمع بين اللون الفضي الغامق والاسود وبتضيف أناقة للمكان.
  • بتتميز بموتور أمريكي قوي وصناعة تركية بتقفيل تركي بضمان العبد اللي بيتميز بوجود مراكز صيانة محلية في كل المحافظات.
  • تعدد طرق التعامل معها عن طريق التواصل التكنولوجي، هوفر مش مجرد غسالة عادية، لأنك بتقدر توصلها بالواي فاي والبلوتوث، وبتقدر كمان تتحكم فيها بالأوامر الصوتية من خلال تطبيق Hoover Wizard.
  • تعمل بتكنولوجيا NFC، بيتم عن طريق تشغيل الغسالة مع الموبايل في نفس الوقت وبتساعدك على ضبط البرامج الأساسية وكمان بتقدر تشخص بشكل سريع أي مشكلة أو عيب عطل بالإضافة لسهولة استخدام الوظائف الإضافية.
  • مزودة بشاشة رقمية بإمكانيات متطورة، بيتم التعامل من خلال شاشة ليد ديجيتال بتحتوي على كل أوامر التشغيل/ الإيقاف- اختيار البرنامج- نصف حمولة- تجفيف إضافي- تأجيل بدء التشغيل- الإيقاف المؤقت- دليل البرنامج- أو اختيار التحكم عن بعد عن طريق الواي فاي أو البلوتوث والأوامر الصوتية.
  • حجم كبير للعائلات المتوسطة والكبيرة، سعة 13 فرد، بالإضافة إن سعتها الداخلية بتاخد أحجام مختلفة من الحلل والصواني.
  • تعدد برامج الغسيل، مزودة ب 5 برامج بدرجات حرارة مختلفة (برنامج الغسيل المكثف- البرنامج الشامل- البرنامج الاقتصادي- برنامج الغسيل التمهيدي- برنامج العناية الشاملة).
  • مزودة بفلتر مضاد للبكتيريا، غسالة هوفر مش بس بتوفر التعقيم العالي لكل الأواني، لكن كمان بتنقي الأواني من البكتيريا من خلال فلتر خاص وبتقدم لك أواني معقمة بشكل كامل صحي مضمون.
  • إمكانية استخدام أي نوع مسحوق لغسالات الأطباق، بعكس أنواع تانية كتير هوفر بتقدر تستخدم معاها أي نوع مسحوق بكل أشكاله، يعني تقدر تستخدم مسحوق بودر أو أقراص بحرية تامة.
  • إمكانية إضافة أي قطعة أثناء التشغيل، ميزة مهمة جدا إنك تقدر توقف الغسالة عن طريق الضغط على زر Pause وتضيف أي قطعة إضافية وتكمل دورة التشغيل.
  • مزودة بملحق إضافي للمعالق بحجم كبير يستوعب كل أنواع المعالق والشوك وأدوات المائدة بأحجامها.
  • فيها برنامج نص حمولة، دا مفيد في حالة لو معندكش مواعين كتير ومحتاج تشغلها وبتاخد وقت قليل علشان تخلص البرنامج.
  • متوفر فيها ميزة تأخير بدأ التشغيل 3 أو 6 أو 9 ساعات، يعني بتقدر تظبطها وتشتغل في الوقت المحدد حتى لو مش موجود.
  • مزودة بعدد 2 أرفف داخلية مع إمكانية التحكم في شكل الرف بغلق ستاند الأطباق لتوفير مساحة للحلل، وفيها عدد 2 رشاش مياه علوي وسفلي لأعلى مستويات النضافة.
  • مزودة بمؤشر لبرنامج الشطف، مؤشر لمستوى الملح، مؤشر لمستوى الزيت.
  • إمكانية تغيير ضغط المياه وقت التشغيل، بتقدر تتحكم في ضغط المية بما يتناسب مع توفر المياه ودي من مميزاتها إنها بتشتغل في ضغط المية المنخفض.
  • بتوفر في المية بنسبة 40% اكبر من الغسيل اليدوي العادي، يعني مثلا لو بتستخدم 10 لتر مية في الغسيل اليدوي هي هتستهلك 6 لتر.
  • مستوى الضوضاء فيها 47 ديسيبل، يعني مش بتعمل صوت عالي وقت التشغيل، ليها صوت لكن بيكون محتمل.
  • بتوفر في الكهرباء لو اتنازلت عن مرحلة التجفيف بالحرارة وخليت الأطباق تجف بالهوا الطبيعي.
  • مزودة بقفل أمان ضد عبث الأطفال.
  • علشها ضمان من العربي جروب لمدة 3 سنوات.

العيوب

  • بتحتاج تنضف الفلتر المضاد للبكتيريا كل اسبوع لضمان كفاءته.
  • بتحتاج تشطف الأطباق بالمية قبل ما تحطها في الغسالة.
  • حجم حامل المعالق ضخم وبيشغل حيز كبير من الغسالة.
  • بتحتاج صيانة دورية زي أي جهاز كهربائي وبتحتاج تنضيف كل فترة علشان رواسب الصابون والأملاح وعلشان تشتغل بنفس الكفاءة طول الوقت.
  • بتاخد حيز من المطبخ لان حجمها كبير نسبيا.

خدمة ما بعد البيع

  • الرقم السريع لصيانة العربي جروب: 19319.
  • مراكز الخدمة متوفرة في كل محافظات الجمهورية، وبيوفروا قطع غيار لكن بتكون أسعارها عالية لأنها مستوردة.
  • في شكوى من سوء مستوى الصيانة والخدمة.

آراء المستخدمين

الآراء كانت بنسبة عالية في صالح الغسالة لكن كان في آراء واجعت مشاكل معاها ونقلنا الأراء زي ما اتقالت..

  • الغسالة هايلة خاماتها حلوة جدا وتقفيلها نضيف وبتنضف بشكل عالي جدا ومريحة في استخدام الصابون ولما بستخدم معاها الأقراص مش بحتاج أحط ملح وزيت.
  • أحلى حاجة فيها التكنولوجيا، رغم إنها كانت صعبة في الأول ومش متعودة عليها لكن لما تفهمها مش هتشتغل غير بها لأنك بتقدر تتحكم فيها من الموبايل وتعرف اذا فيها مشكلة برضه من الموبايل وتحلها.
  • قطع غيارها غالية ومش متوفرة بشكل دائم.
  • في رأي اشتكى من سوء مستوى الصيانة وإن الغسالة باظت بعد فترة قليلة ومعرفوش يصلحوها ويوفروا قطع الغيار والموضوع وصل لشكوى لحماية المستهلك وتم تبديلها بجهاز تاني.

شوف غسالة أطباق هوفر سعة 13 فرد- 5 برنامج HDPN1L360PA-EGY من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *