مراجعة مواصفات وأسعار شاشة منحنية 24 بوصة من سامسونج للألعاب

كتبت: أمنية عزمي

شاشة سامسونج المنحنية 24 بوصة المخصصة للألعاب بتنقلك لتجربة المشاهدة الشمولية وعمق تاني أكبر من أي شاشة، مجال رؤية أعرض وأريح للعين وبتقلل من تشتيت الانتباه بسبب الأجهزة الطرفية اللي بتوجه تركيزك بشكل كامل على المحتوى، وبالتالي لو كنت من هواة الألعاب هتستمتع جدا مع شاشة سامسونج المنحنية بتصميمها الطبيعي البسيط اللي بيعمل على تخفيض انعكاسات الشاشة وبيملى المكان بمشهد محيط وجاذب في الأحداث، الشاشات المنحنية مزاياها كتير، أغنى في مستوى التباين، بتكتشف فيها أعلى مستويات الوضوح، بتستمتع بنظام صوتي فريد، بتحس معاها بعمق الصورة ثلاثية الأبعاد، مريحة جدا في البصر، بتجذب عين المشاهد ويستمتع معاها بالمشاهدة أكتر من العادية.

هنتكلم في المراجعة دي مع ياقوطة بالتفصيل عن شاشة منحنية 24 بوصة من سامسونج وهنتعرف على أهم مواصفاتها ومميزاتها وكمان عيوبها ورأي الناس فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

بنفكرك إنك ممكن تشتري شاشة منحنية 24 بوصة من سامسونج من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: LED|Full HD|Curved
  • دقة الشاشة: 1920×1080
  • الموديل: LC24RG50FQMXZN
  • حجم الشاشة: 24 بوصة.
  • نسبة الطول للعرض: 9:16
  • الألوان المدعومة: 16.7 مليون لون.

المميزات

  • بطل المنحنى، سامسونج هي أول شركة أدخلت الشاشات المنحنية للعالم سنة 2015 وبتتمتع بالتكنولوجيا الرائدة في الصناعة في مجموعة كاملة، ودا خلاها الاختيار الأول في السوق والاختيار الأعلى للمستهلك خاصة من هواة الألعاب.
  • الشاشة منحنية بحجم 24 بوصة بتصميم رفيع بتغوص معاها في كل لعبة بعمق R1800، بتقدر تركز بشكل كبير عاللعبة وتحقق معاها الفوز وتستمر ساعات طويلة مع إجهاد أقل للعين في الاستمرارية.
  • بتوفر مرئيات سلسة وسريعة وواضحة في كل الأوقات بفضل معدل التحديث لحد 144 هرتز اللي بيحافظ عليها دايما في المقدمة حتى في احتياجات الألعاب المتطورة، وبتقدر تغير دا بسهولة ل60 هيرتز أو 100 هيرتز أو 120 هيرتز.
  • شاشة حصرية للألعاب، بتوفرلك كل الإعدادات المثالية للعبتك، بتقدر تظبط وضع الألعاب على أمثل وضع مع مستويات جاما السوداء والتباين والحدة واللون لأي لعبة.
  • Virtual Aim Point، بتقلل وضع التأخر في الإدخال المنخفض من التأخير بين أجهزة الإدخال والعرض وبيقوم بتوسيط الهدف على الشاشة علشان يوفرلك الدقة في الهجمة على العدو.
  • لعب متواصل بدون تقطيع بفضل تقنية AMD Radeon FreeSync اللي بتوفر سرعة سلسة للألعاب وحركة سريعة بشكل استثنائي، وكمان معدل تحديث الشاشة بيتم تكييفه ديناميكيا وبتحصل على مشاهد سلسة بدون أي تشويش حتى في أكتر مشاهد الألعاب تعقيدا.
  • بيقلل وضع حماية العين من الضوء الأزرق وبيحافظ على استرخاء العين وراحتها في حال ممارسة الألعاب لفترات طويلة، تقنية Flicker Free بتزيل ضوء الشاشة المرهق والمزعج للعين وبالتالي بتقدر تركز فترات طويلة بتشتيت واجهاد أقل.
  • نسبة التباين الضخمة 1:3000 بتخليك تشوف اخطر والأعداء بوضوح أكبر لأن اللون الأسود بيكون في أعلى درجات العمق والأبيض بيكون مشرق مع اخلاف مستويات الظل بينهم بتقدر تكتشف بسرعة مكان الأعداء.
  • مزودة بمنفذ HDMI اللي بتقدر تشغل من خلاله كل حاجة على الشاشة سواء أفلام أو ألعاب أو بث مباشر وبتقدر تتنقل بينهم بسهولة كأنك بتقلب القنوات.
  • مزودة بمنفذ لسماعات الرأس.

العيوب

  • غير مذكور فترة ضمان.
  • فقيرة في المنافذ، غير مزودة بمنافذ USB ولا D-Sub، ولا DVI، ولا Display Port.
  • غير مزودة بواي فاي.

خدمة العملاء

  • مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
  • مستوى خدمة العملاء محتاج يتحسن لأن فيه شكاوى كتير منهم.

آراء المستخدمين

  • نسبة كبيرة من الآراء شابفة: مواصفات الشاشة كلها سليمة والشاشة رائعة فعلا في الألعاب وفكرة الشاشة المنحنية فكرة هايلة ومريحة جدا للعين وبتوفر الأداء العالي والضبط المطلوب للألعاب.
  • في مستخدم رأيه: الشاشة جيدة مع معدل تحديث جيد 144 هيرتز لكن مفيهاش مكبرات صوت وارتفاعها غير قابل للتعديل ومحتاجة مكان ثابت تتحط عليه لأنها قابلة للاهتزاز.

شوف شاشة منحنية 24 بوصة من سامسونج للألعاب من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *