مراجعة مواصفات وأسعار شاشة سامسونج المنحنية 27 بوصة للألعاب

كتبت: أمنية عزمي

بطل المنحني، سامسونج هي أول شركة أدخلت الشاشات المنحنية للعالم سنة 2015 وبتتمتع بالتكنولوجيا الرائدة في الصناعة في مجموعة كاملة، ودا خلاها الاختيار الأول في السوق والاختيار الأعلى للمستهلك خاصة من هواة الألعاب، شاشة سامسونج المنحنية بحجم 27 بوصة المخصصة للألعاب بتنقلك لتجربة المشاهدة الشمولية وعمق تاني أكبر من أي شاشة ومستوى تاني جديد من الترفيه من خلال مجال رؤية أعرض وأريح للعين بيقلل من تشتيت الانتباه بسبب الأجهزة الطرفية اللي بتوجه تركيزك بشكل كامل على المحتوى، وبالتالي لو كنت من هواة الألعاب هتستمتع جدا مع شاشة سامسونج المنحنية بتصميمها الطبيعي البسيط اللي بيعمل على تخفيض إنعكاسات الشاشة وبيملى المكان بمشهد محيط وجاذب في الأحداث، الشاشات المنحنية مزاياها كتير، أغنى في مستوى التباين، بتكتشف فيها أعلى مستويات الوضوح، بتستمتع بنظام صوتي فريد، بتحس معاها بعمق الصورة ثلاثية الأبعاد، مريحة جدا في البصر، بتجذب عين المشاهد ويستمتع معاها بالمشاهدة أكتر من العادية.

هنتكلم في المراجعة دي مع ياقوطة بالتفصيل عن شاشة سامسونج المنحنية 27 بوصة للألعاب وهنتعرف على أهم مواصفاتها ومميزاتها وكمان عيوبها ورأي الناس فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

بنفكرك إنك ممكن تشتري شاشة سامسونج منحنية 27 بوصة للألعاب من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: LED|Full HD|Curved
  • دقة الشاشة: 1920×1080
  • اللون: أبيض.
  • الموديل: LC27F391FHMXZN
  • حجم الشاشة: 27 بوصة.
  • الاتصال: HDMI
  • أبعاد المنتج: 622× 462× 247 ملم.
  • الكود التعريفي للمنتج: SA024EL087Q0ENAFAMZ

المميزات

  • شاشة حصرية للألعاب، بتوفرلك كل الإعدادات المثالية للعبتك، بتقدر تظبط وضع الألعاب على أمثل وضع مع مستويات جاما السوداء والتباين والحدة واللون لأي لعبة.
  • بتوفر أعمق تجربة مشاهدة، بتتميز الشاشة بانحناء بعمق أكتر من أي شاشة تانية لأن إنحناء الشاشة R1800- مع حجم 1800 مليمتر لنص قطر القوس مصمم لحصولك على إنحناء أكبر ومجال مشاهدة أوسع بالإضافة لخفض أي مؤثرات ممكن تشتت إنتباهك لأقل حد وبكدا بتقدر تركز عالمحتوى بشكل أعمق مع إجهاد أقل للعين في الاستمرارية.
  • بتوفر جودة صورة رائعة وألوان طبيعية حيوية، الشاشة بتدعم تقنية ألوان الكريستال الفعالة من سامسونج (Samsung’s Active Crystal Colour) وبتتفوق في ألوانها على أي شاشة تانية تقليدية ب 16.7 مليون لون.
  • نسبة التباين الضخمة 3000:1 بتخليك تشوف الخطر والأعداء بوضوح أكبر لأن اللون الأسود بيكون في أعلى درجات العمق والأبيض بيكون مشرق مع اخلاف مستويات الظل بينهم بتقدر تكتشف بسرعة مكان الأعداء.
  • لعب متواصل بدون تقطيع بفضل تقنية AMD Radeon FreeSync اللي بتوفر سرعة سلسة للألعاب وحركة سريعة بشكل استثنائي، وكمان معدل تحديث الشاشة بيتم تكييفه ديناميكيا وبتحصل على مشاهد سلسة بدون أي تشويش حتى في أكتر مشاهد الألعاب تعقيدا.
  • لوحة VA متقدمة من سامسونج، عبارة عن بلورات سائلة متراصة بشكل عمودي بتعمل على تعزيز الإضاءة الخلفية بشكل فعال أكتر من لوحات IPS، بالإضافة إن منحنيات الشاشة بتساعد على الحد من تسريب الضوء وظهور الصورة سوداء موحدة بعمق أكبر.
  • مزود بسماعات ستيريو مزدوجة مدمجة بقوة 5 وات بتستمتع معاها بممارسة الألعاب ومشاهدة الأفلام وأي محتوى على الإنترنت بوضوح صوت قوي بدون ما تحتاج سماعات خارجية.
  • مزود بواجهة توصيل ثلاثية بتوفر منافذ لكابلات HDMI و DP و D-sub علشان تقدر توصل أجهزة كمبيوتر ووحدات الألعاب وأي شاشات وأجهزة إضافية بسهولة.
  • Eye Saver Mode، بيقلل وضع حماية العين من الضوء الأزرق وبيحافظ على استرخاء العين وراحتها في حال ممارسة الألعاب لفترات طويلة، تقنية Flicker Free بتزيل ضوء الشاشة المرهق والمزعج للعين وبالتالي بتقدر تركز فترات طويلة بتشتيت واجهاد أقل.
  • بيتوافق مع نظام تشغيل Windows و Mac
  • مزودة بمنفذ لسماعات الرأس.

العيوب

  • غير مذكور فترة ضمان.
  • فقيرة في المنافذ، غير مزودة بمنافذ USB، ولا DVI، ولا Display Port.
  • غير مزودة بواي فاي.

خدمة العملاء

  • مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
  • مستوى خدمة العملاء محتاج يتحسن لأن فيه شكاوى كتير منهم.

آراء المستخدمين

  • معظم الآراء شكرت فيها وقالت إنها واحدة من أفضل شاشات الألعاب وإضاءة الشاشة رائعة وعمق اللون الأسود فيها بيكشف عن وجود الأعداء في الألعاب بسهولة.
  • في رأي بيقول إنه كام عنده شاشة قديمة للألعاب من سامسونج وكانت الصورة فيها أفضل من الجديدة.
  • في ناس بتقول إنها استغربت شكل شيت الإكسل على الشاشة بشكل كيرف لكن لما اتعودت عليها لقتها مريحة جدا وبيقولوا ان الإضاءة مش متعبة للعين مهما تستمر قدامها فترات طويلة.

شوف شاشة سامسونج منحنية 27 بوصة للألعاب 27F391FHM من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *