مواصفات وأسعار سماعة أذن بودز بلس من سامسونج جالاكسي

كتبت: أمنية عزمي

سامسونج بتواصل نجاحاتها بمنتجاتها المميزة بشكل مستمر للحفاظ على إسمها وسط المنافسين وبتقدم كل جديد وبتتلافى السلبيات في منتجاتها في كل إصدار بشكل ملحوظ، من إصاداراتها المميزة سماعة أذن بودز بلس اللي بتعتبر تطور حقيقي في سماعات سامسونج بأفضل عمر للبطارية، وميكروفون ثالث داخلي بيوفر صوت محسن للمكالمات، وبتعتبر من أفضل الأنواع في دعمها لنظام IOS من خلال تطبيق Samsung Galaxy Buds Plus الجديد، الموديل الجديد للسماعات من الموديلات المنافسة بقوة في سوق السماعات اللاسلكية، ولكن لسه في سلبيات في السماعة ممكن ما تكونش مناسبة لبعض المستخدمين..

إتعرف مع ياقوطة بشكل مفصل أكتر عن أهم مواصفات ومميزات وعيوب سماعة أذن بودز بلس من سامسونج جالاكسي واتعرف كمان على رأي المستخدم فيها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وهتوصلك في أقرب وقت.

بنفكرك إنك ممكن تشتري سماعة أذن بودز بلس من سامسونج جالاكسي من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات سماعة أذن بودز بلس من سامسونج جالاكسي

  • رقم الموديل: SM-R175NKWATUR
  • طرق الاتصال: لاسلكي
  • متوافق مع: متعدد
  • نوع: في الأذن
  • اللون: أبيض
  • تاريخ الإصدار: 11-2-2020
  • وزن الحزمة: 154 جرام

مميزات سماعة أذن بودز بلس من سامسونج جالاكسي

  • أقوي مميزة في سماعات بودز بلس من سامسونج هو عمر البطارية اللي بيصل ل 22 ساعة مقسمة بين 11 ساعة متواصلة للسماعات نفسها و11 ساعة إضافية بتوفرها علبة الشحن.
  • بتدعم بلوتوث 5.0 لاتصال لاسلكي مستقر حتى في الأماكن المزدحمة، وبتوفر اقتران سريع بالموبايل بمجرد خروجها من علبة الشحن.
  • بتوفر أكتر من طريقة للإقتران بالموبايل منها البلوتوث للتشغيل الأساسي، أو من خلال تطبيق Galaxy Wearable أو Samsung Galaxy Buds Plus سواء من متجر جوجل بلاي أو من Apple App Store وبتوفر كمان خيارات التغيير والتبديل الصوتية.
  • بتدعم الاقتران المتعدد، وبالتالي بتقدر تستخدمها مع أجهزة متعددة بتعريفها مرة واحدة بدون ما تحتاج لتفعيل خطوات الإقتران كل مرة.
  • إستمتع بخاصية Buds together بمشاركة ما تسمع مع صديقك في وقت واحد بتوصيل مجموعتين من السماعات على موبايلك.
  • مزودة بأنظمة صوتية محسنة وفرت نتيج إيجابية عالية لصوت واضح وصافي بدون تشويش.
  • بتتمتع بنظام ثلاثي الميكروفونات بيتميز بكفائته وفعاليته العالية والاستمتاع بوضوح المكالمات، بالإضافة لفتحة تهوية بتوفر أصوات واسعة المدى.
  • السماعة ممتازة في متابعة الفيديوهات والأفلام والمكالمات الصوتية، وبالنسبة للموسيقى بتقدر تميز معاها صوت كل آلة موسيقية والإحساس بالتنقل بين الآلات وبعضها.
  • بتعتمد على تقنية تضخيم الأصوات الخارجية مع الموسيقى وموازنتها بحيث تقدر تسمع الأحداث حولك، والتقنية دي تم الاكتفاء بها كبديل لعزل الصوت.
  • مع تطبيق Samsung Wear ووجود إعداد Find my earbuds هتقدر تتبع سماعتك بسهولة بمجرد ما تفتح التطبيق السماعة هتصدر صوت تعرف منها المكان ولو كانت غير متصلة بالموبايل بتقدر تعرف آخر موقع أو مكان كانت فيه السماعة.
  • تصميم ملحمي بيوفر تجربة إرتداء مريحة، مصممة بشكل رائع يخليها مريحة في إرتدائها وثباتها عالي في الأذن خاصة الجزء الداخلي المصمم بشكل محكم للأذن بيخليها مثالية في المشي والرياضة.
  • تحديد الأصوات، مع مستشعراكتشاف الصوت بخاصية ANC بيتعرف على الصوت المحيط وبيتعرف على صوتك وبتتوقف تلقائيا وقت التحدث مع أحد الأشخاص المحيطين حتى لو كنت بتستخدم Ambient Mode.
  • تنفيذ الأشياء دون لمسها عن طريق المساعد الذكي مع Bixby.

عيوب سماعة أذن بودز بلس من سامسونج جالاكسي

  • معيار مقاومة المياه فيها IPX2 وتعتبر مقاومة ضعيفة، أقصى حاجة ممكن تتمرن بها، لكن مش مناسبة للشواطئ وحمامات السباحة.
  • غير مزودة بتقنية إلغاء الضوضاء النشط وبالتالي بتكون غير مناسبة لاستخدامها في الأماكن المزدحمة.
  • غير مناسبة لاستخدامها في وضع النوم لأن ثباتها مش قوي في الوضعية دي.
  • ما تعتبرش من أفضل الأنواع لاستخدامها مع نظام IOS.

تجربة المستخدم لسماعة أذن بودز بلس من سامسونج جالاكسي

  • مش معاها شاحن لاسلكي ومفيش فيها لمبات ليد لبيان حالة شحن البطارية.
  • عمر البطارية كويس جدا، حلوة في سماع الموسيقى وصوتها واضح جدا في المكالمات لكن مفيهاش عزل.
  • مش ثابتة في الأذن في كل الأوضاع يعني لازم تبقى قاعد أو في وضع أفقي وبتقع بسرعة لو استخدمتها وانت نايم.
  • بتأخر الصوت في ببجي ومش مريحة في الأذن.
  • تطبيق سامسونج الرسمي Galaxy wearable رفض يتعرف عليها والسماعة مش أصلية.
  • مش أفضل خيار حاليًا مع طرح إصدارات أحدث وبسعر منافس وأقل منها ومن سامسونج برضه.

شوف سماعة أذن بودز بلس من سامسونج جالاكسي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 2018، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *